General

موقع عُلّمنا + فكرة “شُجيرة الورد”

هذا أول بوست لي على ووردبرس بعد ما شلت عفشي من بلوجر. الصور القديمه عليها رابط مدونتي القديمه
ماحبيت أشيله لأن مافيني حيل ولأن مع التعديل ببدأ ألاحظ أن التدوينات نفسها كانت مب بالمستوى المطلوب وأقوم أحذف
بالنسبه لووردبرس، بحاول أصير كفو وأتقبل التغيير زي ما تقبلت ويندوز 10 مع أن 7 كان شغال تمام معي.
8
.
قبل كل شيء هذا موقع ظريف للي يحبون النوع التحفيزي والتوجيهي من الكتب والمقالات ( علمنا )
أنا وقفت قراءة هالنوع من الكتب من 10 سنوات تقريبا. بس لفت انتباهي بهالموقع مقالتين 
واحده منها جات في الصميم وأنا أفكر في موضوع معين شاغل عقلي.
.
.

مؤخرا ً أنا فقدت اهتمامي بكمية ضخمه من الهوايات دفعة وحده وبدون سبب واضح.. ماصرت أسوي شيء.

giphy (1)

بس علشان ينفهم قصدي بـ(كمية ضخمه) وينفهم مصطلح ( شجيرة الورد) راح أكتب بعض هالهوايات والنشاطات  

– الكتب الي كنت أقرأها وقفتها في أي سطر وأي صفحه بنص سالفه
– الأفلام الي حاشره لابتوبي سحبت عليها كلها، بعضها شفت ربعها أو نصها كمحاوله اني أندمج وأكمل.
– الرياضه برضو، سيفون جامد
– الأنمي من فتره طويله ما تابعته (مع أن فيه بعضها مب مكتمل ونفسي أعرف وش صار)
– التلفزيون الي كان يعتبر بالنسبه لي نشاط ممتع لما أجلس مع أمي
– الاهتمام بصحتي وأكلي وقفته <-- كان عندي تجربه أسويها لنظام غذائي يصنع المعجزات حسب الي قريته
– كنت في نص تعلم لغة جديده غير الانجليزيه، وقفتها بوسط الكورس
– تدوينات كثير كنت ناويه أكتبها وسحبت
– ألعاب فيديو فلتّها بالنص ما كملتها 
– نباتاتي الي عالشباك راحوا فيها أيام البرد والحين الجو مناسب أحط لها مواد وخرابيط تساعدها بس ماتحركت.
 
 
^ هذا كله ما يجي ربع الحوسه الي كانت بعقلي
وهالأسبوع كنت زعلانه وأقول ليش أنا كذا كسلانه ما أسوي شيء (حرفيا ً ولا شيء)؟
ورحت أشوف هالمقاله الي بهالموقع وكانت تتكلم عن هذا الشيء بشكل خاص 
 
باختصار، الآدمي “ترافيس دوميرت” يقول أن حياتنا زي شجرة الورد، والأفكار زي براعم الورد الي تطلع بهالشجرة
ومعروف أن شجرة الورد ما تنترك كذا بدون تقليم وقص، لأنها راح تموت لو تفرعت بكل الاتجاهات
نفس الشيء أفكارنا الفلّه لازم نهدئ من روعها وما نجبر أنفسنا نسويها كلها، استغنى عن بعض أفكارك علشان تنجح 
باقي الأفكار، بدل ما تخسر كل أفكارك.

2 thoughts on “موقع عُلّمنا + فكرة “شُجيرة الورد””

  1. فعلا .. يمكن هذا احد الاسباب اللي خلاني اتوقف شوي عن التدوين لين ما اولد وارتب افكاري واولوياتي .. حاشرة نفسي بكل شي وافكار كثير براسي ودي اسويها ولم ما اسويها احس باحساس مو حلو مع انه يومي مو كسل وكذا مهام ثانية بس احساس اني مقصرة بحق نفسي يزعجني لذلك قلت بدل تانيب الضمير اوقف واخذ بريك وبعدها ارجع بقوة 💪🏽🥺

    1. ايوه الضغط هذا مؤذي 😟
      يمتص طاقتك ورغبتك في كل شيء
      يا زين البريك الي تتعمدين فيه انك تشحنين طاقتك وترجعين ✊
      يصير فيه معنى لكل شيء تسوينه لما ترجعين
      قرارك كان في الوقت المناسب !

Leave a Reply

This site uses Akismet to reduce spam. Learn how your comment data is processed.