Bullet Journal Planning - تخطيط وتنظيم الوقت

فيجن بورد ~Vision Board ~ لوح الرؤية

فيجن بورد vision board
The Lovely photos in this post are taken by Ella Jardim on Unsplash
.
.
بنبدأ سنه جديده خلال أيام، وهذا السبب الي خلاني أنزل موضوع فيجن بورد الحين.
المعنى الحرفي لكلمة “فيجن بورد” في العنوان هو “لوح الرؤية

بس ايش هو الـ “Vision Board

لوحة فيها عبارات وصور تتعلق برؤية تكون أنت خططت تحققها على مدى عدد معين من السنوات أو ممكن يكون سنه.
شفت ناس يسوونه بشكل شهري بس أحس هالشيء يستهلك قيمته ويصير ماله هيبه عندك وتسحب عليه لأنه يتغير بسرعه.
مب شرط تكون حاجات رسميه وكبيره زي زواجات ووظائف وأمور مصيريه
.
بعضهم يحطون من ضمن الرؤيه أنهم بيسافرون بلد معين في خاطرهم من زمان.
فيجن بورد يكون دائما ً موجود عند أي شخص مهتم بتنظيم الوقت والمفكرات وهالشغلات.
.
علشان تسوي لك لوح خاص فيك تحتاج تفهم بعض الأمور عن نفسك وخطتك المستقبليه ووضعك الحالي.
.
.
فيجن بورد

قبل تحديد الخطه

راجع السنه الحاليه (الي بتنتهي) ايش كانت الأشياء الي قدرت تحققها؟ وش الشيء الي بيكون أفضل لو كان تم بشكل مختلف؟ ايش الحاجات الي ماكانت تخدمك ولا تفيدك؟ وحتى من الجانب الشخصي، ايش السلوك أو الطبع الي تتمنى تتخلص منه؟ السلوك الي لاحظته تكرر منك في كم موقف وتبغى تستمر عليه لأنه مب من صفاتك المعتاده.
من هالكلام يعني. علشان يكون اللوح وأهدافك المعلقه فيه جايه من الواقع وبالتالي يسهل عليك تنفذها وتكسبها أسرع.
كل هالكلام تكتبه في ورقه، وتبدأ الحين تفكر في الحاجات الي تبغى تشتغل عليها كأهدافك الجايه.
حاجات ودك تحققها. وش فايدتك بالحياه.. لا أستهبل 😂 بس يعني حدد الأهداف والقيم والأفكار. ارسم خطه واسعه، مب تقيد نفسك بخطوات مرتبطه بوقت وقلق. النتيجه النهائيه فقط، أنا ما اؤمن بالتضييق والتخطيط الدقيق وتصير الحياه بالمسطره، حتى جدولي اليومي ما أكتبه، أكتب مهمات ضروريه وملاحظات ومن هالكلام، بدون تقييد.

بعد تحديد الخطه

الحين الجزء الممتع. اختار لوح أو إطار أو أي شيء يناسبك. اجمع فيه صور وعبارات عن الشيء الي تبغى تحققه.
مثلا ً تكتب عباره في ورقه انك بتتخلص من مشاكل الغضب الي عندك. تحط صور مشابهه للفكره الي في بالك.
شخص وده يسافر للمالديف مثلا ً، يحط صورة من المالديف والمنتجع الي بيسكن فيه لو راح.
صوره لبيت تكون مواصفاته قريبه من البيت الي تتمنى تمتلكه مثلا ً.
حط حتى أدوات، ناس يحطون أدوات ترتبط بفكره في بالهم ويبغون تصير قريبه منهم.
ابدأ نسقها ويستحسن يكون فيه ثيم معين للوح علشان يطلع شكله يفتح النفس.
ممكن تنقسم الأهداف فيه إلى أهداف على المدى القريب وأهداف على المدى البعيد.

وش فايدة الـ”فيجن بورد”؟

الجواب المختصر، أنه يذكرك باستمرار بهدفك علشان تستمر عليه وما تنسى وتنشغل عنه.
الجواب بشكل أشمل: التفكير في الشيء دائما ً وباستمرار يقربك منه، بس ما يكون تفكيرك عنه أنه شيء مستحيل أو أنه أمنيه أو تكون تبغاه بيأس. تفكر فيه على أنك انت في الطريق للحصول عليه، لكن في أعماقك عارف أنه لو ما حصل ترى عادي مب نهاية الدنيا، كذا تكون حذفت مشاعر الرغبه لأنها تخرب عليك كل شيء.

لازم يكون لوح؟

مب شرط أبدا ً. ممكن يكون أي شيء يجمع أفكارك في مكان واحد وبس. ممكن يكون داخل مفكرتك في صفحتين كامله متقابله.

فين المكان المناسب له؟

مكان تشوفه كل يوم وتمر عليه، بس ما يكون قدامك طول الوقت علشان ما تبدأ تتعود عليه وما يصير له قيمه. مثلا ً فوق ماكينة القهوه إذا ما كان مكانها قدامك على طول. مثلا ً داخل دولاب الملابس. أو ورا باب الغرفه بحيث تشوفه إذا جيت تقفل الباب علشان تنام أو أول ما تصحى الصبح تشوفه قبل ما تطلع.

فكرة بديله

الـ فيجن بورد حقي للآن الكتروني، موجود على جهازي. نسقته ورفعته على رابط وحفظته في المفضله، كل ما فتحت المفضله أبحث عن شيء أشوف الرابط وأفتحه. أعترف أنه مب المكان الأنسب لكن لأن السنه ما بدأت وباقي أشوف لو احتجت أضيف تغييرات عليه قبل ما أطبعه وأعلقه.
بس فيه ناس يخلونه الكتروني على طول، يحطونه خلفية سطح المكتب ومن هالكلام. 
ما أحسها مجديه تماما ً لأن الواحد يتأقلم مع خلفية سطح المكتب مع الوقت وماعاد يهتم فيها.
ابدأوا اكتبوا في ورقه كم شيء عن أهدافكم وراجعوا هالسنه، ممكن يطلع الـ فيجن بورد هو الشيء المناسب لك ولطريقة حياتك. ممكن ما تكون البلانرز والمفكرات هي الشيء المناسب لك، لكن اللوح هذا مستحيل ما تحصل حاجات تحطها فيه وتحققها.
شيء أخير. اللوح ماراح يشتغل لحاله زي السحر. لازم انت تشتغل معاه.
.
.
.
بمناسبة انتهاء السنه
.
.
سنة 2018 هي سنه كبرت في داخلي وحبيتها بشكل كبير غير عن أي سنه مرت. صارت فيها أهم الأشياء في حياتي
لو يخيروني يسحبون مني كل الي كسبته وحققته في هالسنه أو أموت ما أدري لحد الآن وش بختار، بس متأكده بأطول وأنا أفكر بحيرة كبيره 
حاسه بغمامه في قلبي علشانها بتنتهي، لكن أعرف نفسي زين، إذا حسيت بهالشعور معناها 2019 بتكون أحسن
بتأكد اني أودعها بشكل جيد وأتأكد أني أشكر ربي بشكل فائض في ليلة اكتمال القمر لأني طالعه بهالبرد أشوف آخر قمر في 2018 وبيكون يوم السبت 22 ديسمبر
.
الي يبغى يجرب شعور التأمل في القمر الكامل لازم يجربها هالشهر ويصير من السنه الجديده يحضر القمر الكامل من بدايته
تقويم القمر الكامل للعام الجديد موجود هنا. فيه غيره أنواع بس اخترت أبو صفحه والمختصر منها علشان الي  يبي يجرب بس وما يبغى يرتبط

4 thoughts on “فيجن بورد ~Vision Board ~ لوح الرؤية”

  1. موضوع جميل حمستيني أرجع أضيف لوح عندي وأضيف فيه الأشياء اللي أحبها والأشياء اللي أتمناها , صدقًا مجرد مايشوف الشخص هالأشياء يحس براحه لأنها تعبر عنه .
    + كان عندي أيام الجامعة لوح قدام مكتبي وكنت حاطه كل الكلام الملهم قدامي والأشياء اللي أحبها وحاطه معهم أهدافي للترم
    والA+
    كانت قدامي بخط كبير طول الوقت وفعلا هالمادة بالذات اللي أعنيها حققت فيها هالدرجة .
    فالموضوع يشتغل لما تصدقه وتثق بنفسك وتحطه هدف قدامك .

    1. يا هلا بسمه ❤
      أجل رجعيه وحطي فيه أهداف جديده ويارب تتحقق لك كل نواياك للسنه الجديده 😍
      صح مشاهدة هالشيء باستمرار يخليك توصل لمرحله من الاهتمام الي ما تكونين متعلقه فيه كثير ولا مهملته كثير وهالنوع من الاهتمام والنوايا هو الصحيح

      تحمست كثير معاك ❤❤❤

  2. كنت ناسية تماما موضوع الفيجن بورد وموضوعك ذكرني فيه .. مرررة جميل مغطي جميع الجوانب ..
    ومودنتك جميلة حيل حبيت التغييرات اللي سويتيها

    1. أهلين داليا ً!! اشتقت لك والله
      زين تذكرتيه قبل بداية السنه.. من ضمن الحاجات الي محمستني للسنه الجديده هو البورد.
      بإذن الله كل الي متصورينه يتحقق زي ما نتصور

      تسلمين 😍 إن شاء الله يكون كذا ترتيب مناسب للكل

Leave a Reply

This site uses Akismet to reduce spam. Learn how your comment data is processed.