Search here...
0
TOP
General

البنت الي فقدت شغفها 🌚

مرحبا. اقرأوا هالكلام للأخير علشان توصل الفكره كامله ~

قبل فتره جاتني متابعه من بنت فاتحه لها حساب جديد في الانستا يعني بداية نشاطها كان في 2019
هالبنت كانت خلال هالكم شهر ترسم ستكرات وتاقز تتعلق على مغلفات الشاي وممكن فواصل كتب ومن هالكلام ووصف الحساب حقها كان أنها خطاطه. يعني شغلها واضح ومحدد

بعد ما بدأت تتابعني كتبت لي رساله أنها تهنّيني لأن فيه أحد عربي مهتم بنفس اهتماماتها فيالتقويم الرقمي 
أنا استغربت لأن حسابها ما كان فيه أصلا ً تقاويم ولا شيء رقمي. إلا تقويم واحد منزلته بعد ما تابعتني، كان تقويم بس. وصارت فجأه تكتب هاشتاقات التقويم الرقمي. لاحظوا انها تستخدم كلمة تقويم رقمي مب بلانر. ما فيه أصلاً مصطلحتقويم رقميمن الأساس، فيه تقاويم رقميه الي هي مجرد تقويم على الجهاز. لكنه مب مصطلح مستخدم زي ماهي محسبه.
من فتره أنا كنت منزله بلانر رقمي كامل مجاني ومن قبلها كنت أشتغل على بلانرز وستكرات رقميه على الايباد

هالبنت بدأت تغير ملفها كله وتنزل صورتقاويم رقميهعلى قولها وكأنها شغلتها الأساسيه من قبل
وغيرت الوصف في حسابها إلى  Digital Planner Designer، (الي معناها أبدا ً مب تقويم رقمي) وكاتبته بالانجليزي. مب بالعربي مع أن متابعينها عرب وشغلها بالهجري.
بالنسبه لي أحترم لما شخص يقرر يطور مستواه ويستمد إلهام من شخص. بس هالبنت ما تاخذ الهام، تنسخ وتقتبس كل شيء حتى شخصيتي ومشاكلي نسبتها لنفسها 😂 راح تشوفون في الأمثله الي أذكرها

بعد فتره قررت أنها تنزّل بلانر وحسب كلامها : ( لإثراء المحتوى العربي في مجال التقاويم الرقميه، أحاول حاليا ً اني أصمم وأخرج للحياة أول تقويم رقمي باللغة العربية ) مع العلم أن فيه حسابات قبلها متخصصين بالبلانر الرقمي العربي، وهالشيء الي منزلته مب بلانر مجرد صفحتين تقويم (مجددا ً أقول مافيه شيء متعارف عليه اسمه تقويم رقمي! هي مب عارفه هالشيء وملخبطه بين المفكرات والتقاويم، ومسميتهمجال” التقاويم الرقمية).
ولازم أذكر نقطه أنها كاتبه التاقز بالانجليزي مجددا ً بينما المحتوى والمتابعين عرب. الشيء الي خلاني أعرف أنه مب اسلوبها لأنها مشتته، تكتب بالانجليزي وتحط منتجات وتقاويم بالهجري وتسوي منشن لحساب برنامج مشهور بالانجليزي وتقول لهم شوفوا أنا صممت أول تقويم عربي. بالاضافه إلى أنها كاتبه بالعربي تقويم رقمي، بس بالانجليزي كاتبه بلانر. مب عارفه الفرق بينهم أصلا ً!! 


بعد أسابيع قررت هالبنت أنها تفتح مدونه على ووردبرس. وهنا تشوفون ليش دايم أقول محتوى العرب مضروب ومكرر

أول تدوينه لها كان اسمها New Beginning New Me
تذكرون تدوينتي الي اسمها New Beginning planner؟

وكيف اني نزلتها علشان الي يعانون من مشاكل مثل القلق ومن هالكلام؟ وتذكرون كيف عندي صفحه كامله أتكلم عن القلق anxiety بحكم أني جربته وتعاملت معه سنوات. وكنت عارضه حلول؟ هذا رابط صفحتي: Anxiety Kit
اوكي هالبنت زي ماقلت لكم نزلت تدوينه ومقتبسه اسمها من تدوينتي
وكتبت في مضمونها كيف أنها هي بعد عانت من القلق \ anxiety وكيف قررت تبدأ من جديد 🌚🌚 لحسن الحظ اني مصوره الشاشه لأنها بعد أيام حذفتها ولاحظت أن الوضع مبالغ فيه 🌚

مع العلم أن هالتدوينه الي هي منزلتها مكتوبه بالانجليزي هالمره. كعنوان ومحتوى. لأنها تحاول تجذب قراء بالانجليزي بس ماعندها أي خطه لمحتواها وشغلها بس تبي متابعين وخلاص.

التدوينه الثانيه لها اسمها Free Digital Planner
تماما ً نفس صفحتي الرئيسيه بهالمدونه   Free Digital Planner
وطبعا ً هي كاتبه التدوينه بالعربي هالمره 🤔 لأنه محتوى أصلا ً هجري والشهور مكتوبه بالعربي، بس عنوان التدوينه انجليزي لأنها تحاول تتقمص اسلوب مب اسلوبها. وهالشيء للأسف من أهم الحاجات الي تقلل نسبة متابعينك وزوارك. الأجانب يعانون الحين من بعض الجنسيات مثل الهنود والأسبان والعرب الي ينزلون محتوى بلغتهم لكن العنوان يكون انجليزي علشان يكسبون عدد زوار، هالشيء يخليك تخسر بدل ما  تكسب وعمرك ماراح تطلع في نتائج البحث على فكره.

بعد فتره أنا توقفت عن الرسم والتصميم تماما ً وكتبت في بوست عالانستا أني أعاني من عدم القدره على الرسم وصار الوضع صعب لأني أحاول أجبر نفسي ومو قادره أطلع بشيء. معروف أن هالشيء اسمه آرت بلوك وهو يكون عباره عن أن الشخص يفقد قدرته واهتمامه بالرسم. للأمانه 80% من مسببات كتابتي للبوست على الانستا هو اني أشوف وش بتسوي إذا وقفت وما صار عندها شيء تقلده. هذا هو البوست  (هنا)

لكن~ فتره ونزلت هالبنت بوستفي الانستا برضوتقول فيه بالانجليزي I lost my passion

يعني (فقدت شغفي)! 😂😂😂😂😂😂 تبغى تاخذ بريك هي بعد 😂😂 تعرفون يعني طالما أنا موقفه لازم هي توقف وتخلي مشكلتي هي مشكلتها. على أساس فقدت شغفها، وهي في الواقع فقدت المصدر الي تسرق منه كل شيء.

 يكفي أنها سارقه حتى طريقة رسم الجلترز الي أحطها برسمي. صارت تحطها بكل رسمه وكل تصميم. تفاصيل بهالصغر تقلدها وما تحاول تغيرها وتعدل حتى. أنا من المعجبين بفيلم سنووايت من طفولتي علشان كذا أحب الجلترز والألماس الي يشتغلون عليه الأقزام. كنت أحاول أضيف جلترز في أغلب رسماتي وأعدل عليها وأضيف مثلا ً نقطه! نقطه بس جنب النجمات. هي بعد سبحان الله قررت تصير ترسم جلترز وأهلكت أهلنا فيه حتى في هيدر مدونتها حاطته وتحط  النقط برضو جنب النجمات وهي مب فاهمه وش القصه بس سريع سريع تنسخ كل شيء. فيه رسامين لاحظت يرسمون هالنقط مع الجلترز بس معقوله من بد هالعالم سبحان الله طلعت صدفه أن هالبنت برضو هذا اسلوبها؟ وما ظهر إلا بعد ما تابعتني؟ والأمثله الي فوق ما تدعم موقفها صراحه فما أقدر أصفي النية، ماش والله مهما حاولت ما تنبلع يعني

ذكرت ما سبق علشان أقدر الحين اني أقول أن هذا هو أبرز سبب يخليني أشوف أن المحتوى العربي فقير ومؤسف ومكرر. ثلاث أرباعهم نسخ من بعض، نفس الاهتمامات، نفس الشخصيات، قوالب مصبوبه.

ما حبيت أذكر حسابها واسمها لحد الآن لأني أقول يمكن بنسبة 1% أنها ما لاحظت نفسها. فيه ناس زي كذا فارغين ويعبون شخصيتهم بشخصيات غيرهم لأن ماعندهم قدره على التعبير عن أنفسهم. لو كان هذا هو الحال ممكن تقرأ هالكلام وتطلع عندها ذرّة كبرياء أنها تتغير وتبدع بنفسها

لكن ملاحظه مهمة جدا ً. كثير أشوف عندنا العرب مشرّعين التقليد ويربطونه بمسمى أخذ الالهام. كثير يقولون (افتحوا موقع بنترست وشوفوا الرسمات وخذوا الالهام منها) ويروحون يرسمون مثلها ويحطون حقوق بعد

الالهام انك تشوف مليون صوره وتطلع بنتيجه ما تشبه ولا وحده من هالمليون لأنك بس حركت مخيلتك وأعطيتها طاقه تبدع. مب تشوف صورتين وتقلدها وتقول أنك مصمم ومبدع وأنك تثري المحتوى العربي

التفسير العلمي لهالسلوك

ليش فيه ناس يقلدون؟ الدراسات تقول أن فيه مسببات أن الشخص يحاول يقلد أو يوصل لمرحلة التقمص بهالشكل: دراسة بعنوان The extraverted chameleon: Personality’s effects on mimicry of verbal behavior تقول أن الأشخاص الانبساطيين فيهم نسبه كبيره يهمهم جدا ً القبول بين الناس ورأيهم فيهم، فيميلون أنهم يتقمصون غيرهم ويشوفون نموذج جاهز يقلدونه. سواء في طريقة الكلام والتصرفات أو حتى حركات الجسد!. – Kurzius, E. 2015.

دراسه ثانيه كانت عن نفسية الشخص المتقمص وكيف أن هالشيء يرجع لمستواه التعليمي، فكلما زاد جهل الشخص يميل أنه يقلد الي يشوفه وما يحاول يبذل جهد أنه يبتكر أو يشتغل على نفسه.

دراسه ثالثه اجريت في جامعة كاليفورنيا بواسطة شخص اسمه Sam Richards. كانت الدراسه تتكلم عن أن خلفية الشخص الثقافيه تؤثر على مستوى تأثره بالي حواليه. هالدراسه تقول أن فيه شعوب ما يكثر فيها هالشيء، يعني مب شائع أنك تحصل شخص يقلد ويتقمص زي الأهبل. بينما شعوب هالشيء عندهم موجود بكثره. طبعا ً احنا كشعب عربي ساهمنا بهالشيء، بنترست مثلا ً صار حلال الكل، كل واحد يسرق صور ويحط عليها حقوق. يسرقون أفكار ويطبقونها بدون ذكر الحقوق لصاحبها. في المدرسه يعلمونا نبحث في النت ونطلع صور أو بحوث أو نشاطات ونقدمها بأسماءنا. لكن هنا يطلع مستوى وعيك لو ما حاولت تتعلم وتطور نفسك وتفهم أن هالشيء عيب وغلط عمرك ماراح تنجح بشيء. والناس شجعوا هالنوعيات بعبارات ( اذا أحد قلدني أفرح معناها عجبهم شغلي )  (طنشي ما عليك أهم شيء انتي شغلك ماشي ) ( هي تقلدك لأنها معجبه فيك ) شكرا ً لا تعجبين فيني، احفظي حقي وارتقي وتعلمي شيء بنفسك وخليك صادقه. لا تكذبين على متابعينك وتنتحلين شخصيه لأن ماعندك.

نزلت هالتدوينه مب علشان أحد يقول ( طنشي ماعليك ) أو ( مفروض تفرحين أحد يقلدك ) هالكلام هو الي أعطى مجال للسراقين والفارغين. حتى الأجانب كانوا يقولون هالكلام بس الحين قنوات كامله صارت تترصد لهالنوعيات ويوقفونهم عند حدهم ويخلونهم يتركون هالاستعباط لأن وقته انتهى. التقليد هذامممممكنيوصلك مكان عندنا العرب لأن كل واحد يسرق من الثاني للأسف، وكل مدونه تنسخ أفكار غيرها وثلاث أرباع المدونات السعوديه نفس الفكره. لكن مو معناها أن شغلك سليم وأنك بتقدر تنجز شيء حقيقي وثابت. راح تظل دايما ً بدون قيمه ولا عندك حتى أبسط مقومات النجاح. الي ما يتعب ماراح ينجح وبيجي يوم يلاقي كل وقته ضاع عالفاضي. حددي خطتك ووش تبغين تسوين وتعلمي اسلوبك الخاص وفكري بنفسك وابتكري. وقبل كل هذا اكتشفي وش شغفك أصلا ً. اذا ما عندك سالفه وبس تقلدين معناها الرسم مب شغفك والتصميم مب شغفك من الآخر. الربح المادي ما يجي بهالسهوله، من 2017 أحاول وأتعلم وما بدأت أكسب بشكل ثابت وملحوظ إلا في 2019 لأني بذلت وقتي سنوات واشتغلت على نفسي من داخل قبل ما أفكر في الفلوس. ودفعت مبالغ كبيره علشان أقدر أوصل للي وصلته، مب أفتح مدونه مجانيه وأسرق عناوين وأفكار. وأكتب عناوين بالانجليزي وهاشتاقات وأقلد أقرب وحده أحصلها. وعلشان تبعدين عن نفسك الشبهه تروحين ترسلين وتقولين أنك فخوره فيني علشاني مهتمه بالتقويم الرقميمثلكوانتي ما تعرفينه لحد الآن، ما تفرقين بين التقويم والمفكره والمنظم

Antheia Art

Antheia Art

Female ☾ INFP ☾ Blogger ☾ Digital Artist ☾ Ambivert ☾ Green witch I like Fantasy ☾ Folklore ☾ Moon ☾ Yoga ☾ Meditation ☾ bullet journaling and planning

«

Leave a Reply

This site uses Akismet to reduce spam. Learn how your comment data is processed.