Blog

anxiety - القلق Nature

الأصوات المحيطية – Ambience Sounds

ثاني مره أكتب عن الأصوات المحيطية. المعلومات عنها موجوده في الجزء الأول (هنا
.
وياليت تقرأوون في المدونه نفسها لأن قارئ ووردبرس يحوس التنسيق دائما ً.
.
هذي المره بس بأعرض 3 مقاطع جديده أعجبتني، وكلها من سلسلة LOTR وHobbit 
معروفه هالسلسلتين كيف عوالمهم خياليه وتخلي الواحد غصبا ً عنه يسترخي
.
المقطع الأول يكفي انه في “ريفندل” مع أنه مب نهار ومب باينه عظمتها بس حتى منظرها في الليل ساحر
.
.
المقطع الثاني في المقاطعه الي يسكنونها الهوبيت، الي تابعوا الفيلم أو قرأوا الروايه أكيد بيبلطون عنده فتره 
.
.
الثالث فكرته غريبه وما أشوفه ينفع للقلق أو الاسترخاء بس
أحسه حق حالات هلع أو واحد يبغى يشغل تفكيره بسرعه زي حالات Panic attack
.
.
عموما ً كثير ناس كانوا يعانون من مشاكل قلق أو توتر أو هلع متكرر وكانوا يستفيدون من هالمقاطع
 الأصوات المحيطية مفيده صدق في هالحالات، لا تستهينون فيها
.
الأصوات المحيطية Ambience sounds
.
المره الي راحت حطيت رابط قناة شغلها مزبوط في الأصوات المحيطيه
لازلت أشوف شغلهم خرافي لأنهم حتى يغيرون التوقيت في المقطع
مثلا ً يبدأ المقطع في الفجر ويستمر معك اليوم وتشوف الشمس تشرق وتغرب ويكملون لك لحد الليل
.
هذي المره القناه الي نزلت منها أول مقطعين
شغلهم برضو حلو والأصوات واضحه
 صح أنهم ما يغيرون المنظر بس يبقى شغلهم حلو لأن الواحد غالبا ً بيشغل شيء ومو بالضروره يركز فيه.
.
رابط القناه: (هنا
اليوتيوب مليان أصوات محيطية وفيه أنواع مختلفه لكل المزاجات
يعني لا تحكمون من الي حطيته. فيه أنواع كثير وأفكار مختلفه

Write a Comment
Bullet Journal Planning - تخطيط وتنظيم الوقت

فيجن بورد ~Vision Board ~ لوح الرؤية

فيجن بورد vision board
The Lovely photos in this post are taken by Ella Jardim on Unsplash
.
.
بنبدأ سنه جديده خلال أيام، وهذا السبب الي خلاني أنزل موضوع فيجن بورد الحين.
المعنى الحرفي لكلمة “فيجن بورد” في العنوان هو “لوح الرؤية

بس ايش هو الـ “Vision Board

لوحة فيها عبارات وصور تتعلق برؤية تكون خططت تحققها على مدى عدد معين من السنوات أو ممكن يكون سنه.
شفت ناس يسوونه بشكل شهري بس أحس هالشيء يستهلك قيمته ويصير ماله هيبه عندك وتسحب عليه لأنه يتغير بسرعه.
مب شرط تكون حاجات رسميه وكبيره زي زواجات ووظائف وأمور مصيريه
.
بعضهم يحطون من ضمن الرؤيه أنهم بيسافرون بلد معين في خاطرهم من زمان.
فيجن بورد يكون دائما ً موجود عند أي شخص مهتم بتنظيم الوقت والمفكرات وهالشغلات.
.
علشان تسوي لك لوح خاص فيك تحتاج تفهم بعض الأمور عن نفسك وخطتك المستقبليه ووضعك الحالي.
.
.
فيجن بورد

قبل تحديد الخطه

راجع السنه الحاليه (الي بتنتهي) ايش كانت الأشياء الي قدرت تحققها؟ وش الشيء الي بيكون أفضل لو كان تم بشكل مختلف؟ ايش الحاجات الي ماكانت تخدمك ولا تفيدك؟ وحتى من الجانب الشخصي، ايش السلوك أو الطبع الي تتمنى تتخلص منه؟ السلوك الي لاحظته تكرر منك في كم موقف وكان ايجابي وتبغى تستمر عليه لأنه مب من صفاتك المعتاده.
من هالكلام يعني. علشان يكون اللوح وأهدافك المعلقه فيه جايه من الواقع وبالتالي يسهل عليك تنفذها وتكسبها أسرع.
كل هالكلام تكتبه في ورقه، وتبدأ الحين تفكر في الحاجات الي تبغى تشتغل عليها كأهدافك الجايه.
حاجات ودك تحققها. حدد الأهداف والقيم والأفكار. ارسم خطه واسعه، مب تقيد نفسك بخطوات مرتبطه بوقت وقلق. النتيجه النهائيه فقط، أنا ما اؤمن بالتضييق والتخطيط الدقيق وتصير الحياه بالمسطره، حتى جدولي اليومي ما أكتبه بالساعه والدقيقه، ممكن أكتب لو كانت مهمات ضروريه بس.

بعد تحديد الخطه

الحين الجزء الممتع. اختار لوح أو إطار أو أي شيء يناسبك. اجمع فيه صور وعبارات عن الشيء الي تبغى تحققه.
مثلا ً تكتب عباره في ورقه انك بتتخلص من مشاكل الغضب الي عندك. تحط صور مشابهه للفكره الي في بالك.
شخص وده يسافر للمالديف مثلا ً، يحط صورة من المالديف والمنتجع الي بيسكن فيه لو راح.
صوره لبيت تكون مواصفاته قريبه من البيت الي تتمنى تمتلكه مثلا ً.
حط حتى أدوات، ناس يحطون أدوات ترتبط بفكره في بالهم ويبغون تصير قريبه منهم مثل الأصداف أو تذاكر سفر.
ابدأ نسقها ويستحسن يكون فيه ثيم معين للوح علشان يطلع شكله يفتح النفس.
ممكن تنقسم الأهداف فيه إلى أهداف على المدى القريب وأهداف على المدى البعيد.

وش فايدة الـ”فيجن بورد”؟

الجواب المختصر، أنه يذكرك باستمرار بهدفك علشان تستمر عليه وما تنسى وتنشغل عنه.
الجواب بشكل أشمل: التفكير في الشيء دائما ً وباستمرار يقربك منه، بس ما يكون تفكيرك عنه أنه شيء مستحيل أو أنه أمنيه أو تكون تبغاه بيأس. تفكر فيه على أنك انت في الطريق للحصول عليه، لكن في أعماقك عارف أنه لو ما حصل ترى عادي مب نهاية الدنيا، كذا تكون حذفت مشاعر الرغبه لأنها تخرب عليك كل شيء.

لازم يكون لوح؟

مب شرط أبدا ً. ممكن يكون أي شيء يجمع أفكارك في مكان واحد وبس. ممكن يكون داخل مفكرتك في صفحتين كامله
متقابله. أو الفكره البديله الي في آخر الموضوع تحت.

فين المكان المناسب له؟

مكان تشوفه كل يوم وتمر عليه، بس ما يكون قدامك طول الوقت علشان ما تبدأ تتعود عليه وما يصير له قيمه. مثلا ً فوق ماكينة القهوه إذا ما كان مكانها قدامك على طول. أو مثلا ً داخل دولاب الملابس. أو ورا باب الغرفه بحيث تشوفه كل ما قفلت الباب علشان تنام أو أول ما تصحى الصبح تشوفه قبل ما تطلع.

فكرة بديله

الـ فيجن بورد حقي للآن الكتروني، موجود على جهازي. نسقته ورفعته على رابط وحفظته في المفضله، كل ما فتحت المفضله أبحث عن شيء أشوف الرابط وأفتحه. أعترف أنه مب المكان الأنسب لكن لأن السنه ما بدأت وباقي أشوف لو احتجت أضيف تغييرات عليه قبل ما أطبعه وأعلقه.
بس فيه ناس يخلونه الكتروني على طول، يحطونه خلفية سطح المكتب ومن هالكلام. 
ما أحسها مجديه تماما ً لأن الواحد يتأقلم مع خلفية سطح المكتب مع الوقت وماعاد يهتم فيها.
ابدأوا اكتبوا في ورقه كم شيء عن أهدافكم وراجعوا هالسنه، ممكن يطلع الـ فيجن بورد هو الشيء المناسب لكم ولطريقة حياتكم. ممكن ما تكون البلانرز والمفكرات هي الشيء المناسب لكم لو كنتوا جربتوا وما ارتحتوا عليها، لكن اللوح هذا مستحيل ما تحصلون حاجات تحطونها فيه وتحققونها.
شيء أخير. اللوح ماراح يشتغل لحاله زي السحر. لازم انت تشتغل معاه.
.
.
New Beginning printable planner
.
بالنسبه لمحبين المفكرات والي يحبون يطبعون صفحات اضافيه داخل مفكراتهم
هذي مفكره صممتها للي حابين يبدأون بدايه جديده في حياتهم وينظمون وقتهم.
.
فيجن بورد
.
الأشياء المذكوره والصفحات والطرق المستخدمه فيها كلها مأخوذه من مفكرتي الشخصيه الأولى الي استخدمتها علشان أبدأ أنظم وقتي. الخطوات المكتوبه كلها من راسي بس ناسبتني وساعدتني أني اتحول من شخص عنده مليون شغله وما يسويها بسبب ضيق الوقت إلى شخص يلاقي أوقات فراغ كبيره. مع العلم اني كنت مجربه أبدأ بمفكرات (بلانرز) على طول وما انتظمت لحد ما عدلت بنفسي على المفكرات الي عندي وبدأت بدايه جديده بهالشكل وبهالطرق الي ذكرتها في المفكره.
.
.
سميتها مفكرة البدايات الجديده
كنت محتاجه بداية جديده قبل سنوات والبدايه الي بدأتها فتحت لي فرص كبيره.
.

مكونات المفكرة

– صفحتين ارشادات وأفكار تساعد على البدايه
– تقويم صفحه كامله للسنه: 2019 و2020
– تقويم لبداية كل شهر في صفحه مستقله مع اقتباس
– صفحه تقويم مفرّغ لكل شهر علشان تعبيه بالمواعيد المهمه للشهر
– بداية كل اسبوع صفحه خاصه بالاسبوع فيها أهم المخططات (الأولويات) وملاحظات هامه ومساحه لكل يوم من أيام الاسبوع
– متتبع للعادات خاص بكل شهر ( نوم – رياضه – أكل ومن هالكلام )
– صفحات شهريه للمشتريات والمواعيد المتعلقه بهذا الشهر
– صفحات لكل شهر فيها أكثر الحاجات الي ألهمتك
– اقتراحات وأفكار وصفحات أخرى إضافيه.
.
هذي المفكره جاهزه للطباعه (تطبعها بنفسك) على ورق بحجم: A4 وA5 وLetter واللغه فيها انجليزي. ماعندي أي مشكله أصممها بالعربي لكن لو فيه أحد فعلا ً يبيها. لأن تصميمها باللغتين متعب ومافيه اقبال من العرب أبدا ً لحد الآن على أي تصميم.
.
رابط من موقعي (هنا)
رابط من موقع (Etsy)  
.
Write a Comment
Nature

Bad vibes / ترددات مزعجه

ايش يعني Bad Vibes? أو Bad Jojo؟

أولا ً، قارئ ووردبرس يمكن يحوس التنسيق فالأفضل تقرأون على المدونه نفسها!
.
.
هذا الموضوع أستمتع بالتفكير فيه وفي ربط السوالف المتوافقه معه.
قرأت عنه كثير من كم سنه علشان أفهم تفسير منطقي لحاجات حصلت، وما يهم هل أنا اؤمن فيه 100% أو لا.
بس اؤمن أن فيه تفسيرات كثير نجهلها. زمان كان فيه شغلات كثير ما نؤمن فيها ومع الوقت أثبتها العلم وصرنا نؤمن فيها.
علشان كذا ما صرت أحب أستبعد أي شيء بشكل قاطع (كثرة تكسر المعتقدات يهز ثقتك بعقلك فلا تصير عنيد وراسك يابس).
المهم، هنا بعرض لكم تفسيرات وأفكار مثيره للاهتمام من باب الاستمتاع والتفكير فيها.
.
الي ناوي يقرأ وما عنده أي خلفيه عن الذبذبات والترددات الي في هالكون، وكيف ممكن تأثر على أجسامنا وحياتنا 
ممكن ما يفهم السالفه ويعتبرها 100% خرابيط وأوهام. من هنا أقول الي ما يحب الخرابيط بالأساس لا يقرأ ويشغلنا 
.
أنا مب عاد مختمه هالمجال، ولا عندي حتى خبره أو خلفيه كبيره.
بس قرأت عنه من فتره بما يكفي اني أشوفه مب مستبعد تماما ً.
.
.
bad vibes - ترددات المكان
This amazing photo by Joanna Kosinska on Unsplash

قصة العائله الي تحولت حياتها لجحيم وفي الأخير عرفوا السبب وكان من الطبيعة نفسها!

خلال فترة بحثي عن هالمواضيع تذكرت اني قبل أكثر من عشر سنوات شفت برنامج وثائقي مترجم.
البرنامج يتكلم عن الظواهر الخارقه للطبيعه وكيف يمكن تفسيرها علميا ً.
في كل حلقه قصة لعائله ساكنين في بيت جديد. يواجهون مصاعب وأمور غريبه هم ينسبونها للخوارق من أشباح ومن هالكلام. أو زي حالتنا بالبلد ( السحر والعين )
وحده من الحلقات كانت العائله تواجه خلافات عائليه وتغير طباع أفرادها. كان فيه حتى مشاكل صحيه وضعف جسدي والأعصاب تلفانه.
ممكن أي أحد بيقول طبيعي الانتقال لمكان جديد مب سهل على الكل.
بس أنا اتفهم وجود سبب آخر إذا بدأت تحصل حاجات ما يفهمون مبرراتها أفراد العائله أنفسهم، وتوصل الأمور إلى مرحلة اللاعودة في العلاقات.
.
حضروا بعض الأشخاص المختصين علشان يعالجون الأمور في بيت هالعائله.
مثلا ً يعالجون الأنابيب والتسليكات في البيت يتأكدون أن “الأصوات والهالات” الي يسمعونها ويشوفونها أصحاب البيت مب حقيقيه، وانما “قد تكون” بسبب تسرب أدخنه أو غاز ومن هالكلام.
كانت حلقه مليانه تفسيرات واحتمالات. كانوا مركبين كاميرات وأجهزه تقيس الضغط والحراره وكل شيء. ما أبغى أطول السالفه بس المهم في الأخير استنتجوا أن فيه واحده من دورات المياه مرحاضها موجود فوق مكان تختلف طبيعته الجغرافيه.
ما أذكر بس تقريبا ً كان فيه غازات طبيعيه من الأرض تسبب نوع من الضغط والتوتر أو شيء من هالكلام. البرنامج شفته قبل أكثر من 10 سنوات للأسف وما عرفت أبحث عنه بدون الاسم

علاقة القصة بالموضوع؟

علشان تصير مقدمه للي بعده وما تنفجعون.
من ضمن بحثي كنت أبحث عن ترددات الأماكن. هل تختلف كثير وممكن يكون فيه مدينه تردداتها تخنق أو تضايق أصحابها، ومدينه تردداتها تشرح النفس؟ وأنا أبحث كنت أقول لنفسي من جدّك بتحصلين شيء زي كذا؟
بس أكيد مر عليكم هذا الشعور، أماكن أو مدن أو أحياء تسبب لكم ضيقه صدر بدون ما تكونون زرتوها من قبل أو عالأقل ما صار لكم فيها شيء سيء أو موقف يخليكم تحسون بالنفور.
تفاجأت جدا ً لأني حصلت ناس يتكلمون عن هذا الشيء من واقع تجربه!! 
الغريب أن بعضهم اتفقوا على أماكن معينه ان فيها ترددات أو طاقه سلبيه عكس مدن ثانيه.
مرات يكون شارع أو حتى شجره في مكان معين تحسسهم بنفور وخوف ويطلع وراها سالفه. صار برضو أن أشخاص تكلموا عن مكان واحد مثلا ً جانب من حديقه معينه في مكان معين اتفق أكثر من شخص أنه يسبب شعور غير مريح، وطلع أنه صار فيه شيء لا انساني في الماضي.
من ضمن التفسيرات المنطقيه (الي يمكن باقي ما بتفجعكم)
ان الشخص يكون متقرب من روحه ومخلي أحاسيسه بالطبيعه عاليه وهالشيء يخليه حساس تجاه حاجات ممكن ما ينتبه له غيره وممكن تكون مرتبطه بحاجات من الماضي
تقدرون تقرأوون عن هذا الشيء وراح تلاقون له نتائج كثيره علشان تفهمون قصدي

أغرب تفسير قرأته؟

بقول لكم تفسير ممكن 99% منكم ما يصدقونه.
بس قرأته في أماكن كثير وتجارب ناس من حضارت مختلفه يعني مب سالفة شعب معين أو حضاره أو ثقافه وحده.
تخيلوا أجواء الأماكن الي كانت فيها حروب، وكان فيها مستشفى للجنود ينقلون له الجثث والمصابين.
ناس يموتون في هالمستشفى من ألم ومعاناه وهم مقهورين وخايفين ومغمومين. فيه ناس تعوقوا وكانت مشاعرهم ونفسياتهم في الحضيض وناس فقدوا أحبابهم. 
كل هالناس في هالمستشفى خلفوا وراهم كم هائل من النكد والغم والحقد والغضب ومشاعر سلبيه أخرى
والأرض بما أن لها طاقه أصلا ً فهي تتأثر بطاقة الي فيها. وتحتفظ فيها عشرات أو مئات السنين، لأنهم أثروا عليها بشكل جدّي
بعد سنوات أو قرون يصير فيه عمران بهالمكان ويسكنون ناس في بيتهم الجديد فرحانين ومستعدين لحياه جديده
فجأه تشب بينهم مشاكل ونكد وممكن أمراض
.
كنت أقول أن السبب هو تغيير المكان والواحد ما تعود.
بس فيه ناس يكونون أصلا ً متعودين على التنقل وتغيير البيت كل فتره وفتره، بس بيت معين نقلوا له سبب لهم مشاكل.
ما يهم هل أنا اؤمن في التفسيرات الي فوق بذاتها أو لا، بس اؤمن أن فيه أشياء أكثر من مجرد تغيير المكان علينا.
طبعا ً في نظر ناس كثير يشوفون انه هالشيء خزعبلات بس كل ما تقرّب وتواجه أمور من هالنوع تبدأ تتوسع الاحتمالات في ذهنك، لأن التفسيرات المعتاده مو راكبه.
.
ملاحظه مرعبه، فيه حضارات يكون شيء شائع عند العجايز والكبار انهم اذا دخلوا مكان معين وحسوا بنفور يقولون ( المكان هذا ما يرغب فينا ). مخلين أن المكان له إراده مستقله.
لا تستهين أبدا ً بأحاسيس العجايز تجاه الطبيعه!
.
.
.
.
The amazing feature photo in this post’s title is taken by Mr Cup / Fabien Barral on Unsplash
Write a Comment
Starting a bullet journal
Bullet Journal English posts Planning - تخطيط وتنظيم الوقت printables

Starting a bullet journal, How to customize it to fit my schedule?

When starting a bullet journal you might face some issues. Like when you’re not sure what to write in your bullet journal or planner. Although you know you have many things to do daily or weekly. but when you try to write them down they look too obvious to write, Or you just can’t remember the important tasks!

I’ve been there. when I started My first bullet journal There were times when my whole month contains one single page with (To Do List) title. I end up by randomly adding everything on that list. You know what? it’s not something to laugh about. In fact, it’s still normal in many cases. Like for those who don’t have many tiny tasks but instead, they have a huge kind of task that takes the whole day.

🌗 So, how to overcome this problem when starting a bullet journal?

First of all. you’ll need to use a super cheap or old notebook for around 2 weeks. I used an old notebook that I only use to try new pen or try a doodle before drawing on my main journal.

Pick any random page and start writing (for one or 2 weeks) the daily tasks that you really wish to keep.

🌗 Examples of daily or weekly habits you might recognize.

Let’s say you bought a new face-mask, let’s face it, you’re not a clock. You’ll forget to use it sometimes, especially if it’s not supposed to be used daily. and by the time you’ll keep ignoring it and getting lazy because it’s not a regular habit that takes a time in your schedule.

You read about a meditation and you want to start practicing every 3 days. you don’t have to really do it for now. just write it down. You’ll find this step so importing for you later when starting a real bullet journal.

You bought a plant and you think you can remember watering it like a boss. Nope, a few weeks later you started to forget watering your poor plant. Not blaming you, you have many daily tasks.

🌗 Why is this important?

What you’re doing is collecting data. you wanna know what will fit in your routine and what will be just an extra job that you’ll keep avoiding until you delete it eventually.

🌗 In short, what do you need to start?

  • pen
  • old/unused notebook
  • be aware of your daily tasks
  • give yourself a time to try things and see if it suits you

🌗 How long will it take until I start using a real bullet journal?

it’s up to you, 2 weeks might be enough. if you like to practice more why not? it’s your bullet journal no one is watching. The final result is what matters here. Some people will find themselves ready in one week or less. It depends on your lifestyle. So, take the time you need.

🌗 Why do I need to start a bullet journal?

Because it’s a life changer. You won’t understand how powerful it is until you try and see the difference.

🦄 Links you might find useful

Pinterest board for bullet journal: Link

Printable stickers shop: Link

I upload my monthly spreads on Instagram if you wanna follow: @antheiart

Also, make sure to subscribe to my exclusive group if you want freebies – bullet journal tips – discount notifications and more. Not sure? click here and decide: Link

Have a nice day!~

Write a Comment
Art - رسم Bullet Journal Planning - تخطيط وتنظيم الوقت printables Yoga - Mindfulness

مطبوعات – Printables

مطبوعات - Printables Moon calendar 2019 تقويم 2019 للطباعة
.
بعد ما انتهيت من الخطوات الأخيره في إعداد متجر على موقع اتسي، أقدر الحين أتكلم عنه.
المتجر في بداياته والمنتجات الي فيه “مطبوعات – Printables” يعني جاهزه للطباعه، تحملونها وتطبعونها
هذا أسهل على المشتري ومناسبه حتى لنوع الحاجات المعروضه في الوقت الحالي.
محتويات المتجر المتوفره الآن هي طوابع لتزيين المفكره أو المنظم أو الدفاتر أو أي شيء، وموجوده حاجات ثانيه
مثلا ً بوستر عن التواصل مع الذات، وتقويم قمري لشهر يناير عام 2019 . وطبعا ً تقويم 2019 لكامل السنه في صفحه وحده.
.
.
فيه حاجات كثير راح أضيفها مع الوقت باذن الله. من ضمنها بوستر بالعربي عن التأمل
لسى ما قررت تكون المنتجات بالعربي أو الانجليزي بس مع الوقت حسب الاهتمام الي أشوفه أقرر وش تكون أغلب المنتجات 
.
تحديث* الي ما عندهم حساب اتسي أو ما يعرفون يشترون منه يقدرون يشترون بدون عضويه من مدونتي نفسها
تحصلون الرابط في القائمه فوق أو اضغطوا هنا.
.
إذا تعرفون أحد مهتم بالمنظمات/البلانرز والمفكره النقطيه وهالشغلات الي أعرضها شاركوا الرابط معاه وراح أكون ممتنه
.
هذي بعض الصور من المنتجات المعروضه
Write a Comment
Nature

Horror nest *[]* عش الرعب

الي يقرأوون مدونتي على قارئ ووردبرس ما أضمن سلامة التنسيق ولا الخط .. أنا أنسق الي يظهر على مدونتي نفسها فالمعذره لأن قارئ ووردبرس ما يتعدل فيه لا الخط ولا المحاذاه
.
هذي المره أغلب التدوينه صور، بس فيه سالفة عش الرعب الي في العنوان بعد
..
في حوشنا حديقه كبيره والأشجار فيها طويله بما يكفي ان العصافير تنام فيها وتبني أعشاش
التنوع في الطيور ممتع، أصواتها وألوانها وتفضيلاتها في الأكل والأماكن
الجو الحين خريف والأوراق بدأت تصفر وتطيح بس بعض الصور أخذتها قبل ما يبدأ الموسم
..
2.png
..
dsc_0094.png
..
هذا الطائر اسمه الزرزور أحمر الجناحين، صوته رايق جدا ً في البدايه، بس إذا أحد قرب منه يطلع صوته زي الغراب، وقوي وجه طول الوقت جالس على الأغصان القريبه من الأرض وما يبغى يروح، يتوقع منك أنت انك تروح
لونه بالكامل أسود ما عدا أطراف الأجنحه إذا طار يبان لونها أحمر على برتقالي.. للأسف ما قدرت أصورها
..
1
..
dsc_0114.png
..
هذا النوع المفضل عندي من بين الطيور في المنطقه، نوع من أنواع البلبل اسمه أصفر العجز ، اختي تقول كأنه شخص مثقف وراقي.. معها حق، تحسون انه يترفع عن الهبل الي يسوونه العصافير، ما عمري شفته يتضارب مع الطيور الثانيه أو حتى يسوي إزعاج إذا مشينا تحت الشجر.. صوته حلو وكأنه يقول سالفه مو بس يغرد، وقت الفجر أحيانا ً يصحى قبل ما يأذن وبمجرد ما أسمع صوته أعرف أن الأذان بيكون في أي لحظه، وفي المغرب برضو وقت الأذان صوته يكون واضح ويستمر حتى بعد ما ينامون باقي العصافير.. صوته في المقطع التالي وحطيت وقت التشغيل مضبوط على بداية التغريد ، مب لازم تكملون المقطع للأخير
1
..
..
dsc_0120.png
زرزور أبيض البطن 
مخلين اللون البنفسجي ومسمينه على لون بطنه الي موجود في كل الطيور
المهم، هذا شايف نفسه، يجي قبل نهاية الصيف تقريبا ً، وما يطول، كل سنه يجلس بالكثير شهر، هذا الي أشوفه عندنا في الحوش يعني، ما أدري لو كان يستمر فترات أطول
مثله مثل الي فوق كلهم، يحبون التين، عندنا 3 شجرات تين وهم يتجمعون ياكلون الثمار الي فوق واحنا نقطف الي تحت 
لونه في الشمس رهييب ، ما سمعت صوته لحد الآن، بس شايف نفسه، ودايم يطرد الطيور من الشجره علشان يجلس عليها هو والي معاه، غالبا ً يجون 2 والسنه هذي 3.. ما شفت أكثر من كذا 
dsc_0124.png
..
1
..
..
..
الحين قصة المهندس الصامد وعش الرعب 
..
00.png
..
الأخير هذا مسوي دراما وزحمه طوووول الصيف أشغلنا وينافخ وصوته واصل آخر الحاره هو والعش الزفت المدور حقه.. هو الطائر الوحيد الي ما أشوفه ياكل !
بس يشتغل ويشتغل ويشتغل طول الصيف، يجمع العشب وهو ليّن ويسوي عش مدور ومع الوقت يجف العش ويصير محكم ومرتب بشكل مو طبيعي 
اسم الطائر الحبّاك أو المهندس، له مقاطع في اليوتيوب عن طريقة بناء العش، فيها تقنيات مب سهله أبدا ً
الحباك الأصفر هو الذكر ويبني العش في محاوله انه يغري أنثى (لونها بني أفتح من البنيين العاديين وفيه صوره لها تحت) وإذا أعجبها العش تسكن فيه ويفرخون ويطيرون الصغار قبل بداية الشتاء..
بس لو العش ما أعجب بنات العز وش يصير؟ يقوم ينتفه ويطيحه 
السنه هذي ما حتى أعطوه فرصه، كل ما جات انثى وحاولت تستقر يجون الباقين يخربون العش ويحاولون يطيحونه.. طيحوا عليه العش الأول وزعل وصار كل مغرب يقوم يصيح بأعلى صوته ( يلعنهم الظاهر ) وفي النهايه سوا واحد ثاني محكم لدرجة أن رياح الخريف المجنونه الي تصحيني من النوم ما قدرت تطيح هالعش، بس للأسف كل مغرب يجي يتضارب مع العصافير الي يحاولون يطيحونه، ما صار مهتم انه يكون عائله لأن الموسم انتهى، المسألة صارت شخصيه ، وقدر يثبت نفسه وللحين بيبدأ الشتاء والعش صامد .. أبوي كان يفكر بجديه يشتري مسدس لعبه الي يرمي، ويصير يرمي على الي يخربون، لأن المكان الي يجلس فيه أبوي قدام الشباك ومطل على الشجره وطول الصيف يراقبه يشوف وش آخرتها.. برضو شباك غرفتي مطل على ساحة المعركه وطول الصيف أزعجوا أهلنا. الي يبغى يسمع صوته  ( هنا )
..
dsc_0119.png
..
العش الصامل المهجور.. شكله السنه الجايه يجون عصافير بزران ومراهقين يسوون مغامرات في العش المسكون ويعنني قصته أنه فيه لورد بنى العش
لزوجته وماتت وهو انتحر وباقي أرواحهم داخل العش 
.
هذي تحت صورة الانثى، معليش على الجوده، من بعيد مصورينها علشان ما تخاف وتطير وهي مصابه. كنت شايلتها علشان النمل ما ياكلونها وهي حيه ، بس ارتاحت دقايق وأخذت غفوة وطارت زي الفل 
.
weaver-bird.png
.
dsc_0130.png
.
 في الصوره أعلاه يقول “كم منزل في الأرض يألفه الفتى          وحنينه أبدا ً لأول منزل” يقصد الي طيحوه الدرباويه قبل 
.
.
..
1
..
..
dsc_0238
ما صورت الورد في الحوش لأن فيه حوسه بس صورت المجموعه الي قطفتها علشان أجففها وأستخدمها في تزيين المفكره لأن الدفعه الي قبل خلصت
..
بس هذا كل شيء.. فيه طيور ما صورتها زي الهدهد والعصفور البني العادي، والبوم والصقر والخفاش، كل هذي الطيور متواجده باستمرار بس ما ألحق أصورها للأسف، لو لحقت عليها بنزلها في الانستا عموما ً .. طائر الطنان نزلت له مقطع فيديو قصير في الانستا وهو يلعب في المويه أو يتروش
.
1

 

Write a Comment
Books - كتب

Red Queen series

انتهيت من قراءة سلسلة روايات Red Queen، كانت تجربه ممتعه مع أني طفشت وأنا أنتظر الكتاب الأخير ينزل.. السلسلة كانت اقتراح من صديقتي يونا وكالعاده أستمتع بتوصياتها.

.
اسم السلسله Red Queen
عدد الكتب 4 + كتاب فيه قصتين قصيره عن شخصيتين من شخصيات الروايه
الكاتبه Victoria Aveyard
.
أحداث السلسله في عالم وزمن مختلف، البشر فيه منهم نوعين، ناس لون دمهم أحمر وهم عاديين مثلنا، وناس دمهم فضي وهذولا النشبه عندهم قدرات خارقه، هذا الشيء أعطاهم سلطه وأفضليه على الحُمر، وصاروا أسياد العالم، هم الجنس السائد، هم الملوك وهم العوائل النبيله وعيال العز.. الحمر كلهم خدم وكادحين ويستعبدونهم يصنعون ويشتغلون وينتجون علشان اقتصاد البلد يمشي وعلشان الفضيين الزفت ماعمرهم بيسوون لأنفسهم ملابس أو بيوت أو أكل.. القانون في بلد نورتا ( الي تبدأ فيه الأحداث ) أن كل شاب أو شابه يوصل عمره 18 سنه ينضم للجيش اجباري، ويشارك في الحرب القائمه بين نورتا وبلد مجاور.. الفضيين يشاركون في الحرب لكن في مراكز بعيده عن الخطر، على أساس ما ننزل لهالمستوى ..
.
الناس الحرفيين اذا وصلوا عمر 18 سنه ما ينضمون للجيش، يظلون يخدمون البلد بالحرف والتجاره وهالخرابيط.. 
بطلة القصه مير بنت من أصحاب الدم الأحمر، أحوالهم ماشيه عالحافه، اختها الصغيره خياطه وماشيه بشغلها يعني ماراح يجندونها، أما أخوانها الثلاث كلهم تجندوا، كل سنه كان يطلع من البيت واحد منهم، يترك لأخواته هديه عباره عن حلق للاذن، مير تاخذ فرده وأختها تاخذ الفرده الثانيه.
الأب رجعوه من الحرب قبل سنوات وهو شبه ميت، نجى من الموت لكنه مقعد وخسر ساقه على ما أظن، ورئته كانت مصابه ويستخدم جهاز يساعده على التنفس.. كان شخص مكسور ومحطم تماما ً..
مير على خلاف اختها ماعندها أي مهارات ولا سالفه، تطلع الشارع تسرق من الناس بدون ما يلاحظون، تدبر لأهلها الي تقدر عليه من أكل أو فلوس، تحاول تكون ذات قيمه بس.. هي عارفه انها بعد كم شهر بيصير عمرها 18 وتتجند وتلحق أخوانها للحرب.
الحياه في نظرها بس كذا .. لكن في يوم من الأيام تغير كل شيء في حياتها
أعز صديق لها من طفولتها والي كانت تدافع عنه دايم وتمون معاه وتقضي أغلب وقتها معه اسمه كيلورن، أبوه وأمه ماتوا في الحرب من طفولته، وصار تلميذ لصياد سمك عجوز، يصيد معاه وبهذا الشكل ماراح يضطر يتجند لأنه أصلا ً ضعيف وأهبل وعلى نياته، ومير كانت مرتاحه أن كيلورن ماراح يتجند.  ( الي بالأحمر تقريبا ً حرق بالنسبه للبعض )
 في يوم من الأيام صار حادث للصياد العجوز ومات، ونتيجه لهذا الشيء كيلورن بيتجند
ومن هذي النقطه تقرر مير تمنع هذا الشيء وتحمي كيلورن مهما حصل، حتى لو اضطرت تهرب معاه من البلد وتصير مطلوبه
قالت له ( اترك الموضوع عليّ )  وراحت تحاول تجيب حل
كنت أحسب أن القصه بتكون كذا، بس حصل تغيير جذري في القصه، ماصارت السالفه انها تحاول تساعد كيلورن وبس..
فجأه كل الموازين في البلد تغيرت، حتى الفضيين شملتهم الأحداث، وهي وصلت لنقطه ما تقدر تتراجع عنها لأن مصيرها ومصير عائلتها تغير وصار فيه ارتباط بين مصيرها ومصير الأمير وأخوه.
.
ما كنت ملاحظه تطور الشخصيات في القصه لحد ما نبهتني يونا عليه.. البطله مير كنت أشوفها في الكتاب الأول شخصيه قويه وعندها مبدأ التضحيه ومستعده تساعد أصحاب الدم الأحمر بالي تقدر عليه.. بس يونا قالت لي انتظري تشوفين الكتاب الثاني وبتكرهينها 
في الكتابين الثالث والثاني كانت شخصيتها مو مستقره أبدا ً، صح صارت لها أحداث بس كانت فعلا زي ما قالت يونا، تبالغ في الدراما، تبالغ في التمسكن والاستضعاف وأنا مسكينه أنا حياتي بايخه ومن هالكلام..
هذا الشيء خلاني ألاحظ كيف رجعت تتغير شخصيتها في الكتاب الأخير وصارت فعلا ً انسانه مرت بتجارب وعرفت أن الناس عندهم مشاكل ودراما أكبر من مشاكلها أو مثلها، ناس يشاركونها الألم والمعاناه بس يحاولون يغيرون الوضع مب متسدحين.. 
.
ممتنه للمؤلفه انها ما خلتنا نتألم كثير على الشخصيات، مع أن واحده من الشخصيات الي كنت أحس وجودها مهم ماتت وهذا الشيء كان صدمه بس كان واقعي للأمانه، يعني الأحداث كلها جامده وهم في مواقف صعبه، بتكون القصه طفوليه لو كل هالأكشن صار وماحد مات 
بس ما أحسها من المؤلفين الي يبغونا نبكي ونتأزم طول القصه، ما كان فيه نكد وحركات بعض المؤلفين الي يكتبون القصص وأحسهم يقولون ( ابكوووا، انغبنوا وتنكدوا )
فيكتوريا منفتحه في حاجات كثير وواضح انها انسانه متسامحه مع الاختلافات كثير ، الأديان، المعتقدات، الألوان، الجنس، وطبعا ً لازم تقوم تدخل سوالف المثليين في القصه (في الكتاب الثالث فجعتنا ودخلت السالفه) ، هي ما عندها مشكله مع أي فئه في الحياه، علشان كذا شفت انها محبوبه إلى حد ما، وكسبت جماهير كثير، خاصه أن الشخصيه الي هي خلتها مثليه لها أصلا ً فانز كثير يعني مب شخصيه مهمله أو ثانويه
.
.
السرد في الكتابين الأول والثاني يكون على لسان مير
في الكتابين الثالث والرابع يكون كل فصل فيه اسم لواحده من الشخصيات تحت رقم الفصل، تكون القصه مسروده من منظور هذي الشخصيه ، وهذا الشيء ممتع جدا ً، كنت أستمتع في فصول بعض الشخصيات أكثر من غيرها، كلامهم مع أنفسهم ونظرتهم للي حواليهم تضحك أحيانا ً، وتعطيك برضو فكره أكبر عن الي يصير من وجهات نظر مختلفه
.
انتقادي الوحيد على القصه ويمكن بالنسبه للبعض يعتبر عادي، بس الشخصيات صغار في السن، 17-18 سنه، بالكثير 20..
أحداث القصه فيها حاجات أكبر من عمرهم وعادي صملوا فيها.
.
الي ما قرأ الكتاب خلاص مب لازم يقرأ الباقي ( الباقي حرق شديد للعمود الفقري تبع القصه بالكامل لحد النهايه )
، هذا تقييمي للشخصيات بعد ما خلصت ويمكن يخرب عليكم. حلو الواحد يكون وجهات نظره عن الشخصيات بدون أحكام مسبقه
..
لحد الآن ما أعتقد ان فيه شخصيه أقدر أقول أنها مفضله لي، يمكن أكثر شيء حسيتهم مثيرين للاعجاب وصاملين ومبادئهم حلوه هم شيد وفارلي، فيه شخصيات زي كاميرون أحس روحهم عاليه جدا ً.. الأمير وأخوه ودي أمسك روسهم وأصكها ببعض أشغلونا وكل ما قلت هذا طلع عاقل يطلع أخس من أخوه. ورعان
.
بالنسبه لشخصية كال، كنت أشوف شخصيته مراعيه ومتعاطفه وبنفس الوقت قويه، حسبته بيكون شخصيه عظيمه وتستاهل الاعجاب، لكن مع الوقت تبان شخصيته أكثر، مب ناحيه سلبيه جدا ً لكن حسيته نوعا ً ما ضعيف ويائس، ما يعرف يتعامل مع المواقف، ما يقدر يقرر قرار نهائي وهالشيء قالوه في القصه أصلا ً
.
ميفن شيب شعري ورموشي، أصلا ً يوم لقيت فصل في الكتاب الأخير مكتوب تحته ميفن انفجعت، ما أبغى أدخل عقله ولا أعرف في ايش يفكر، وضعه صعب مسكين، يحزن وبنفس الوقت يستفز
.
ومن الأشياء الي حبيتها هو كيف قدرت مير توفر لعائلتها شيء كانوا مستبعدين انهم يحصلون عليه من زمان الي هو الأمل.. مع أنها كانت بدون فايده وناشبه لأهلها بس أقدر فيها حبها للعائله، مشاعرها لهم قويه لدرجه أن الي حواليها برضو صاروا يهتمون
.
.
نبذه عن القصه من البدايه للأخير، حرق جامد كتبته للي ما يبغى يقرأ القصه بس عنده فضول يعرفها ويعرف نهايتها، مع العلم أن فيه أحداث ثانيه تبدأ وتنتهي مع القصه الرئيسيه وتنتهي بس ما كتبت عنها 
.
مير المذكوره أعلاه كانت تدج في الشوارع تسرق، وسرقت فلوس من واحد وقفطها، وحس أن حالتها مره عدم وحاول يساعدها، أعطاها فلوس وعرف اسمها وأعطاها اسمه ومشى، هي كانت منهاره بسبب سالفة كيلورن وسالفه أسوأ منها حصلت بعدها فكان واضح عليها أنها منهاره.. اليوم الي بعده الجنود عند الباب يطلبون مير ويقولون تعالي القصر، أخذوها للقصر ولبسوها ملابس خدم وقالوا فيه أحد توسط لك بوظيفه هنا في القصر، هي فرحت لأنها الحين راح تقدر تصرف على أهلها وماعاد تحتاج تتجند، وعرفت أن الآدمي الي سرقت منه أمس يشتغل في القصر ومكانته عاليه.
في هذاك اليوم كان فيه احتفال كبير يستعرضون فيه بنات النبلاء قوتهم ويتنافسون على لقب معين، الي تفوز فيه تتزوج الأمير. في وسط الحفل سمعت الملك يحيي الحضور باسمه واسم ولده الأمير، وقال اسمه وكان اسم يضحك بالنسبه لمير، جلست تضحك بس يوم شافت الأمير طلع هو الي سرقت منه فلوس الليله السابقه وهو الي وظفها في القصر !
المنافسات الي تقام في الحفل كانت محاطه بمجال كهربائي علشان الحوسه الي تصير تحت في الميدان ما تصيب الجمهور الي هم عائلات نبيله وعيال عز.. صار خطأ ومير زلت وطاحت تحت وكانت عارفه ان المجال الكهربائي راح يحولها لرماد وتنتهي حياتها خلاص، لكن تفاجأت انها ما تأذت أبدا ً، بالعكس طلعت الكهرباء كأنها جزء منها، كأن عندها قدره خارقه زي الباقين مع أن دمها أحمر ..
الملكه والملك تداركوا الموضوع واخذوها وحاولوا يكذبون على الناس، طلبوا من مير تسوي نفسها بنت دمها فضي ومن عائله ماتت في الحرب وعلى أساس كان واحد من الحمر متبنيها وتوهم يكتشفونها الحين، و علشان تكون تحت عيونهم طول الوقت خطبوها لأخو الأمير الي أصغر منه، هو أخوه من الملكه الثانيه. هددوا مير انها لو فضحتهم راح يقتلون أهلها.. مير بالمقابل قالت أبغى ترجعون أخواني للبيت ماعاد يحاربون، وتسقطون التجنيد عن كيلورن. وافق الملك وبدأت مير تعيش في القصر كأنها فضيه وتتعلم كل شيء، كانت عارفه انه في الوقت المناسب راح يقتلونها ويسوون كأنه حادث لأنهم ماراح يضمنونها، فصارت تحاول تلاقي فرصه تهرب، واكتشفت أن فيه جيش ثوري سري في البلد من الحمر نفسهم، وعندهم جواسيس في القصر عباره عن خدم، وقدروا يتواصلون معها ويحاولون يسقطون الحكم..
توصل الأحداث بعيد ويصير الأمير منفي لأن الملكه زوجة أبوه لفقت له تهمه أنه قتل أبوه الملك، كان المفروض يعدمونه هو ومير لكن الثوار ظهروا في الوقت المناسب وانقذوها من الاعدام واضطروا ينقذون الأمير معها ..
عاش الأمير مع الثوار الحمر فتره وبدأ يفهم حقوقهم ومعاناتهم.
صارت أحداث كثير وبعدها اكتشفوا الثوار ان مير مب حاله نادره، هي من الحمر لكن عندها قدرات الفضيين، وهذا الشيء يسمونه الدم الجديد، وفيه كثير مثلها، حاولت تبحث عنهم بمساعدة الثوار وتجندهم ضد الفضيين، الأمير ساعدهم علشان يرجع ياخذ الحكم لأنه هو الوريث. ولأنه واقع في حب مير مو قادر يخليها.
ينظم للثوار ناس من دوله بعيده، يكتشفون فيما بعد أن هذي الدوله أسقطت حكم الفضيين من سنوات وأنهم حاليا ً عايشين بمساواه بين الحمر والفضيين بدرجه ما يحلمون فيها الحمر في نورتا.. البلد الثاني يتعاونون مع الأمير والثوار بحيث يكون هدفهم اسقاط الحكم وتهجيد الفضيين.
في جانب أصحاب الدم الفضي فيه أشخاص ماعندهم مشكله، زي خال الأمير، الي درس التاريخ واكتشف أن الشعوب أصلا ً زمان كانت حمراء وكانوا الفضيين مستعبدين وملعونين.. الأمير كان يبغى يستمر في الحكم ويوفر للحمر حياه شريفه ورواتب، بس الحمر زعلوا وسحبوا الاتفاق بعد ما وصل الأمير لمرحله بعيده في استعادة البلد والحكم.. في وسط الحرب وهو على وشك انه يخسر كان فعلا ً يفكر كيف ان التاج شيء ما يستاهل كل هذي التضحيات، وقرأ رساله من أمه الي ماتت في طفولته ومايذكر عنها شيء، الرساله غيرت فكرته وقرر يحقق فكرة مير والثوار عن دوله يعيشون فيها الحمر والفضيين بمساواه..
.
وبس، لكن لا تتوقعون النبذه هذي معطيه القصه حقها، الكتاب الأخير لحاله فوق 600 صفحه، والسلسله 4 كتب فالقصه مو بهالسطحيه يعني..
Write a Comment
حلطمه

فرق شعره بين الانطوائيه وعيش الحياة بشغف

 

كنت متحمسه من العيد أكتب حاجات جديده بشكل اسبوعي لكن حصلت شغلات ما أعطتني فرصه أرجع.
.
بكتب شيء كان يقرقع في صدري بكل صراحه وشفافيه وانفلات، لأن هالشيء يمسني شخصيا ً وأعتقد انه يمس ناس كثير راح يفهموني ويمكن يفهمون أنفسهم لأن أنا ما كنت أدري عن هالشيء فيني إلا من فتره
.
وش سويتي هالاسبوع؟” هذا السؤال صدقي وعميييق، كم مره أسمع ناس يسألون بعض ويطلع جوابهم زفت متنيل بستين نيله. لأنهم حرفيا ً ما سووا شيء. رصيدهم من الحياه لهالأسبوع كان صفر.
ما أتكلم عن الانجازات والخطط.. أتكلم عن رصيدك من العيش على هالعالم، مجرد العيش.
.
لازم اعترف اني شخص يدخل أطوار غريبه متعدده خلال السنه، كنت أحسب اني غريبه ومتخلفه بس اكتشفت ان وضعي سليم لأن فيه تفسير منطقي طلع في الأخير.
كنت أستغرب ليش ممكن تمسك معي 3 شهور كامله قرفانه من الناس وأحسهم يشغلوني عن حياتي وما أبي أتكلم وأسولف سوالف عاديه؟ أنا مو انطوائيه، أنا بس أعيش الحياه ..
أحب أعيش حياتي مع نفسي أحيانا ً، أتواصل معها ومع الحياه.
.
احنا ناس تغلغلنا في حياة بعض، في حياة ناس ما نعرفهم ولا يفترض بنا نعرف عنهم كل هالقدر. متابعين حياتهم ونعرف عنهم أكثر من أقاربنا وجماعتنا. أحيانا ً يكونون ناس مهمين لنا فعلا ً مع أننا ما تقابلنا في الواقع، لكن برضو يكون غلط اننا ننخرط بحياة بعض طوووول الوقت.
ما يفترض اننا نعيش مع بعض بهالقرب، نحتاج نطلع من خشوم بعض. مو معقول احنا فاتحين برامج تواصل طول اليوم وأي أحد يرسل نرد من وقتها ! لأي حد ما عندنا حياه؟
.
إذا غاب عنك شخص كان موجود في وسائل التواصل لا تتوقع ان فيه مصيبه حصلت له، بالعكس هذا عايش حياته صح <– اقتباس من كلام اختي
وسائل التواصل مب حياه، وقتك الي تقضيه على تويتر/فيسبوك /انستجرام /تليجرام /واتس آب /سناب وغيرها مو حقيقي، أنت ما عشت شيء، رصيدك من الحياه لهالاسبوع صفر كبر راسك.. مجددا ً نرجع نسأل “وش سويت هالأسبوع؟” هذا بيكون توبيخ أكثر منه سؤال، لأنه بيخليك تكتشف انك ما سويت شيء، مهما كان الي قدامك متبطح أو يقرأ أو حتى ياكل ويشوف مسلسل فهو عاش أكثر منك.
.
لما أدخل برنامج وأجلس عليه أون لاين طول اليوم معناها أنا وصلت الحضيض، أتكلم عن نفسي هنا. اذا شفتوني فاتحه برنامج تواصل معين طول اليوم أو أرد على رساله في نفس اليوم معناها عندي مشكله ووصلت قعر الجحيم في حياتي الواقعيه علشان كذا هربانه ورايحه عالم ثاني.
لأني لما أكون في حاله سليمه ماراح أجلس بدون شغله أنتظر أحد يكلمني وأرد عليه. غالبا ً بكون مشغوله أعيش الحياه وأمارس هواياتي. وأضمن لكم وأحلف أن مشاهدة حياة الآخرين وانجازاتهم مب من بين هالهوايات. حتى لو كان حساب مفيد، إذا ما كان مجال واضح مهم أنا أحتاجه في حياتي اليوميه فما راح أضيع من وقتي في شيء ثانوي، بالاضافه اني أتابع شخصين أو 3 بالكثير كل فتره، ما أتابع مليون واحد بنفس الوقت. يعني ما أجلس طول وقتي أتابع حاجات مفيده، وش الفايده تكون متلقي وما تلاقي وقت تمارس الي تلقيته من فوائد؟ تصير شخص ماعنده إلا تنظير وكلام، مافي تطبيق.
.
الناس يبغالون في العيش مع بعض، ماصار فيه حواجز بيننا، الجوال صار آداة استحضار للناس قدامي، مافيه خصوصيه، ما تقدر تجلس على جوالك تسمع كتاب مقروء أو تستخدم برنامج مفيد بدون ما ينط لك تنبيه أن فيه أحد طفشان يبغى يرمي طفشه عليك.
وما يقدر الواحد انه ما يرد. عن نفسي فيه حالات أحب أجلس 3 أيام ما أرد على رساله، مع أني ممكن أكون قرأتها من أول يوم. بعد 3 أيام أرد رد رايق ولطيف ما أفجعك فيه. ممكن أشوف تنبيهات وأطنشها لأن عندي شيء أفضل أسويه لو ان شاء الله أنسدح عالسرير أرتب أفكار مخي المتزايده كل ثانيه بشكل يصدع.
.
hobbit NO
مو من حقك تلح على الشخص أنه يكون موجود لأجلك ويرد عليك ويكون متفرغ يسولف معاك أو ينتشلك من كل حفره تقع فيها خاصه لما يكون شخص تعثر في كل الحفر سنوات وماحصلك ولا مره بجنبه. ما يحق لك تتوقع من الآخرين يعيشون معك أجواءك ويكونون مبسوطين بالحاجات الي انت مبسوط فيها وتبغى تشركهم معاك بالغصب.
.
hobbit
طيب، هل ياترى أصبح موقفي واضح الحين؟ واضح الحين ليش تمسك معي كم شهر أختفي من الناس وما أرد ولا أبغى أكلمهم ولا أبغى أمارس معهم أي نشاطات ولا سوالف؟ توصل لحد التهرّب.
طفحنا من أجهزة بعض، ليش نبغى نكون سوا طول الوقت وكل واحد يحسب مافي إلا هو بحياة الطرف الآخر؟ عندي سياسة خصوصية شديده تخليني ما أبيّن اني جالسه أتعامل مع مشاكل أشخاص آخرين وهالشيء يبين كأن ما عندي شغله وكأني حاطه اصبعي بخشمي. هذا الشيء يسبب ضغط وفي الأخير ردة فعل متطرفه زي ردة فعلي الي ما فهمت سببها إلا قريب. أشوفه ارتباط قوي والتزام كبير انك تعيش مع الآخرين أو تقرأ كلامهم أو تسمعهم كل يوم.
لدرجه ما أقدر أكتب في المدونه علشان ما يجي أحد يقول اهاا تطنشني في الواتس/تويتر وهي فاضيه جالسه تكتب في مدونتها.. بالأساس مشاكل البيوت من داخل تكفي وتوّفي والواحد يكون عنده من القرف الي يكفيه انه يبغى يجلس مع نفسه بعض الوقت.
.
.
من كم شهر كنت أبغى أوصل لمرحله اني أحذف تطبيقات التواصل من جوالي، والحمد لله راضيه عن النتيجه لحد الآن. سناب / تويتر / انستجرام ما صارت من ضمن تطبيقات جوالي .. تيليجرام ما أتواصل فيه بس أتابع قناه وعامله لها ميوت بس أفتحها كل اسبوع أشوف الجديد فيها وأطلع، والواتس ما أقدر أحذفه علشان عائلتي تستخدمه للضرورات. بس كل واحد يقدر يحدد كم يقضي على هالتطبيق، عاد من أول ما أطيقه يعني ما منه خوف.
بالنسبه لتويتر والانستا أصلا ً تابعه لمدونتي وعلشان كذا أقدر أستخدمها من لابتوبي في الوقت الي أكون فيه أشتغل على المدونه وأعمل مشاركه من هنا.
فيه ناس كانوا مفيدين على السناب بس ما يجي يسحبني لين عنده علشان يربح له كم قرش وأنا الضحيه الي أخسر وقتي أكثر من استفادتي بالمحتوى الي يطرحه أيا ً كان. عندك فائده اعرضها في مكان زي الناس مو تسحبني أحمل تطبيق علشان أسمع وش عندك.
.
أتمنى فعلا ً لو الناس تخفف على بعض وتقلل هالنوع من العيش الي يحسسني ان العالم كلهم عايشين بنفس البيت ويطلعون سوا ويدخلون سوا وياكلون سوا. الحياه مو كذا. إذا كنت تحسب انك عايش صح بهالاسلوب فأنت مب عايش أصلا ً.. خفف برامج التواصل وتواصل مع نفسك أفضل لك.
.

 

Write a Comment
صناديق الاشتراك - subscription boxes
Books - كتب DIY

صناديق الاشتراك – subscription boxes

 
.
صناديق الاشتراك ظهرت عام 2004 تقريبا ً كـ”هبّه” تجاريه 
فكرتها عباره عن اشتراك مثل اشتراك المجلات والجرايد
بس يكون شهري وعباره عن صندوق بداخله بضائع تكون لها نمط “ثيم” معين 
المشترك ما يعرف محتويات الصندوق بالتحديد، تكون مفاجأه يعني.
لكن يعرف عدد القطع أو الأغراض، يعرف عن ايش تتمحور لأنه يختار الاشتراك حسب الثيم الي يبغاه
مثلا ً بضائع تجميليهبضائع أنيميشنبضائع لمحبي الكتبمحبين الزراعه إلخ. 
.
الصناديق الحين أصبحت متنوعه بشكل كبير، أمثله على أفكار المواقع الي ممكن تشترك فيها :
أنواع صابون – عينات شاي فخمه – أنواع فريده وفخمه من القهوه – أدوات تفيد الكتّاب/المؤلفين
منظمات الوقت – أعمال يدويه – فيري جاردن.
.
صناديق الاشتراك - subscription boxes
.
أفضل مواقع صناديق الاشتراك بالنسبه لي هو موقع اشتريت منه صندوق واحد، بدون اشتراك يعني
بعض المواقع تسمح انك تشتري صندوق الشهر هذا وخلاص، بدون اشتراك وتجديد.
الموقع ماخذ نمط الكتب، خاصة الخيالية وتصنيف الـYoung Adult.
.
.
يرتبون الأغراض بطريقه حلوه، كل صندوق يحتوي من بين الأغراض على كتاب أو روايه غالبا ً تكون توها نازله
وبعض المرات يكون كتاب بإصدار حصري. والأهم بالنسبه لي انه Hardcover
أحب الغلاف يكون صلب، شكله يكون أكشخ.
.
صناديق الاشتراك - subscription boxes
.
هذي محتويات الصندوق
.
صناديق الاشتراك - subscription boxes
.
.
الكتاب يكون آخر شيء في الصندوق، ويكون داخل كيس قماش أسود فيه شعار الموقع
يحطون معه بوستر وفاصل كتب ثاني
وبطاقه ( السوداء الي في الصوره الي تحت ) فيها رمز، تقدر تدخله وتحصل رفيق القراءة الخاصه بك
حلوه الحركه.
.
.
صناديق الاشتراك - subscription boxes
.
هنا (في الصوره الي تحت) الأغراض بشكل أوضح.
الشيء الي عاليمين أعلى الصوره قاعدة كوب فيها اقتباس من كتاب. العلبه الي عليها قلعه من برا هذي باث بومب.
العلبه السوداء الدائريه فيها مقشر شفايف ريحته حلوه.
البوستر أو اللوحه الي فيها بنت هي ثيم الشهر، ومن ورا مكتوب محتويات الصندوق بالتفصيل.
المغلف الأسود الي مكتوب عليه wake up شاهي  
.
 صناديق الاشتراك - subscription boxes
.
.
..

قائمة ببعض صناديق الاشتراكات

اضغط الصوره الخاصه بكل اشتراك علشان يفتح الموقع الخاص فيه، وترى فيه مئات الاشتراكات غيرها
.
.

loot crate 

صناديق الاشتراك - subscription boxes
لوت كريت موقع كبير فيه أنواع متعدده من الصناديق، فيه اشتراك خاص لمسلسلات أو أفلام معروفه
مثل Marvel أو اشتراك خاص بـ Harry potter
ممكن للألعاب، Fallout والنكد حق نهاية العالم.
ممكن بشكل عام تختار اشتراك ألعاب أو أنمي أو تخليه عام هم يجمعون كل شيء على بعضه.
.
هذي قائمة الخيارات في موقع Lootcrate 
.
 صناديق الاشتراك - subscription boxes
.
مب كل مواقع الاشتراكات تكون فيها خيارات. بعض المواقع توفر ثيم واحد وخلاص.
مثل موقع Fairyloot الي اشتركت فيه وشفتوا الصور في أول التدوينه.
.
.
.

Fairyloot

كل شهر ثيم، مثلا ً الشهر الي اشتركت فيه كان اسمه Save the kingdom . 
صناديق الاشتراك - subscription boxes
.
.
.

Japan Crate

 ( صندوق حلويات يابانيه ) 
صناديق الاشتراك - subscription boxes
.
.
.

Birchbox

اشتراك لمحبين الأدوات التجميلية
صناديق الاشتراك - subscription boxes
.
.
.

Bomibox

اشتراك أدوات تجميلية وعناية بالبشرة من كوريا 
صناديق الاشتراك - subscription boxes
.
.
.

Noobie box

اشتراك للحوامل والأمهات الجدد
صناديق الاشتراك - subscription boxes
.
.
.
هذا الأخير v اشتراك غريب وأحسه حلو. اشتراك لجرائم.
يوصلك صندوق كأنه أغراض المجرم وأدله ضده، وانت تحاول تحل الغموض، فيه مجتمع كامل لهالاشتراك
تتواصل معهم
صناديق الاشتراك - subscription boxes
.
بس مب أي أحد يقبلونه، وما يصلح للخوافين. 
.
.
.
.

وأخيرا ً هذي 3 مواقع برضو لـ”صناديق الاشتراك” الخاصه بالكتب، بعضها فانتزي وبعضها لا 

.
Write a Comment
General

مقارنه بسيطه wordpress.com vs wordpress.org

 
 
.
مدونتي كانت تمر بمشاكل كثيره في الفترة الي راحت
والمتابعين انحذفوا عن طريق الخطأ. والله ما حذفت ولا بلكت أحد بس شت هابنز 
.
كنت أجرب شيء والحمد لله ان هالتجربه صارت من بدري وأنا رايقه لها وكنت حاطه ببالي انها تجربه قد تفشل.
بس أبي أوضح أن الناس صارت تستهين في تظليل بعض، عن طريق اعطاء مشوره أو نصيحه عن شيء معين
يكون بناء على تجربه طبعا ً، بس يغفلون السلبيات في الأمر لأن لهم عائد مادي لو أحد جاء عن طريقهم.
.
لك نسبه هاائله ممكن تكسبها لو سجل أحد في الاستضافه الفلانيه من رابط أنت أعطيته اياه.
علشان كذا ما صار فيه مصداقيه في النت، أغلب المواقع صارت تتبع هالطريقه وتدفع لناس تمدحهم..
وتلقى شخص عنده متابعين يروح يمدح لهم موقع أو شيء هو جربه بنفسه لكن يغفل السلبيات الي
ممكن هو ما واجهها شخصيا ً بس هي موجوده وتحصل لأي شخص..
أنا مو ضد الكسب بهالطريقه عليهم بالعافيه، وأبدا ً أبدا ً مافيها شيء ولا ذره غلط
 لكن لاحد يخبي على الناس علشان يعبي جيوبه، ذكر السلبيات والايجابيات بكل صراحه ما بيضرك..
فيه ناس ما عندها مانع مع السلبيات المذكوره بس تبغى تحسب حسابها فقط..
.
.
بذكر بشكل بسيط الفرق بين wordpress.com و wordpress.org
wordpress.com هو الموقع الي يعطيك مدونه مجانيه أو تختار خطه حسب رغبتك
تدفع رسومها وكل خطه لها مميزات أعلى من الي قبلها حسب استخدامك وحاجاتك..
عيب الموقع انك ما تقدر تعدل بحرية على قوالب الموقع ولا تقدر تحط إضافات كثيره..
لكن الحمايه مشموله في الموقع.. بالنسبه لي مافيه عيب إلا هذا ومن زماان كنت منبطحه في بلوجر لهذا السبب ..
الدعم الفني موجود للخطط المدفوعه، ممكن تتواصل معهم بمحادثة مباشره ..
أو عن طريق الايميل أو عن طريق منتدى الدعم..
لو اشتركت في الخطه الثالثه Business، بتقدر تركب ثيمات واضافات على كيفك وفيه حريه كبيره..
لكن سعرها 25 دولار بالشهر، والدفع يكون لسنه كامله.. أدري ان الموضوع يستحق وفيه ناس بتقول انه مبلغ بسيط
بس ذكرت هالشيء لأن فيه ناس ميزانيتهم ما تسمح أو ما يبغون يرتبطون بشيء كبير..
 .
wordpress.org هذا ووردبرس نفسه بس انت تشيله معاك وتدبر نفسك تختار موقع استضافه تحط فيه قراشعك
ماراح أذكر أمثله للاستضافه لأني جربت واحد وتجربتي معاه ما كانت ساره..
.
ايش ميزة org؟ حريييه تااامه، كذا أبغى وسط مدونتي واحد يكنس <– كف
يعني الثيمات تغيرها على كيف أهلك، html و css والثيمات مفتوحه لك كلها مجانيه وأكثر من الي في .com
 الاضافات كثير بشكل يخوف، تنوع رهيب..
لكن، زي ما قلت، انت تدبر لك الاستضافه، والأهم من كل هذا انت تدبر لك حمايه
وتدبر الدعم الفني والنسخ الاحتياطي وكل شيء ..
.
قالوا لي أنه أرخص الواحد يدفع مبلغ الاستضافه الرخيص ( 3 دولار في الشهر في بعض المواقع )
وياخذ حريته الكامله..
بس دققوا فيها، ممكن الواحد يقدر يخارج نفسه ويسد ثغرات ويشتغل بنفسه
بس مو للأبد.. مصيره يحتاج إضافة حمايه على الأقل.. وأسعارها غاليه فعلا ً.
بالمقابل wordpress.com لو دفعت الخطه الأخيره 25 دولار في الشهر مشموله الحمايه
مع حرية في التنسيق والاضافات بيكون منطقي وآمن أكثر..
.
لو أحد ناوي على استضافه يتواصل معي وأقول له اسم الاستضافه الي تعاملت معها وطلعت سيئه جدا ً.
لأن الكل يوصي عليها ويمدحها وممكن الواحد يتوهق لو سمع كلامهم
الناس يمدحونها ويسوون لها شرح لأنه لو أحد سجل فيها عن طريقك يوصله مبلغ جامد
أكيد عاد بيمدحونها ويتغزلون بعد.. والمشكله يذكرون لك سلبيات قال لك مصداقيه
وتشوف السلبيات تلقاها عاديه ماحد عنده مشكله معها مثلا ً مافيه دعم فني يتحدثون العربيه !
يقنعون القارئ ان مافيه سلبيات.
.
.
.
Write a Comment