Bullet Journal Planning - تخطيط وتنظيم الوقت

فيجن بورد ~Vision Board ~ لوح الرؤية

فيجن بورد vision board
The Lovely photos in this post are taken by Ella Jardim on Unsplash
.
.
بنبدأ سنه جديده خلال أيام، وهذا السبب الي خلاني أنزل موضوع فيجن بورد الحين.
المعنى الحرفي لكلمة “فيجن بورد” في العنوان هو “لوح الرؤية

بس ايش هو الـ “Vision Board

لوحة فيها عبارات وصور تتعلق برؤية تكون خططت تحققها على مدى عدد معين من السنوات أو ممكن يكون سنه.
شفت ناس يسوونه بشكل شهري بس أحس هالشيء يستهلك قيمته ويصير ماله هيبه عندك وتسحب عليه لأنه يتغير بسرعه.
مب شرط تكون حاجات رسميه وكبيره زي زواجات ووظائف وأمور مصيريه
.
بعضهم يحطون من ضمن الرؤيه أنهم بيسافرون بلد معين في خاطرهم من زمان.
فيجن بورد يكون دائما ً موجود عند أي شخص مهتم بتنظيم الوقت والمفكرات وهالشغلات.
.
علشان تسوي لك لوح خاص فيك تحتاج تفهم بعض الأمور عن نفسك وخطتك المستقبليه ووضعك الحالي.
.
.
فيجن بورد

قبل تحديد الخطه

راجع السنه الحاليه (الي بتنتهي) ايش كانت الأشياء الي قدرت تحققها؟ وش الشيء الي بيكون أفضل لو كان تم بشكل مختلف؟ ايش الحاجات الي ماكانت تخدمك ولا تفيدك؟ وحتى من الجانب الشخصي، ايش السلوك أو الطبع الي تتمنى تتخلص منه؟ السلوك الي لاحظته تكرر منك في كم موقف وكان ايجابي وتبغى تستمر عليه لأنه مب من صفاتك المعتاده.
من هالكلام يعني. علشان يكون اللوح وأهدافك المعلقه فيه جايه من الواقع وبالتالي يسهل عليك تنفذها وتكسبها أسرع.
كل هالكلام تكتبه في ورقه، وتبدأ الحين تفكر في الحاجات الي تبغى تشتغل عليها كأهدافك الجايه.
حاجات ودك تحققها. حدد الأهداف والقيم والأفكار. ارسم خطه واسعه، مب تقيد نفسك بخطوات مرتبطه بوقت وقلق. النتيجه النهائيه فقط، أنا ما اؤمن بالتضييق والتخطيط الدقيق وتصير الحياه بالمسطره، حتى جدولي اليومي ما أكتبه بالساعه والدقيقه، ممكن أكتب لو كانت مهمات ضروريه بس.

بعد تحديد الخطه

الحين الجزء الممتع. اختار لوح أو إطار أو أي شيء يناسبك. اجمع فيه صور وعبارات عن الشيء الي تبغى تحققه.
مثلا ً تكتب عباره في ورقه انك بتتخلص من مشاكل الغضب الي عندك. تحط صور مشابهه للفكره الي في بالك.
شخص وده يسافر للمالديف مثلا ً، يحط صورة من المالديف والمنتجع الي بيسكن فيه لو راح.
صوره لبيت تكون مواصفاته قريبه من البيت الي تتمنى تمتلكه مثلا ً.
حط حتى أدوات، ناس يحطون أدوات ترتبط بفكره في بالهم ويبغون تصير قريبه منهم مثل الأصداف أو تذاكر سفر.
ابدأ نسقها ويستحسن يكون فيه ثيم معين للوح علشان يطلع شكله يفتح النفس.
ممكن تنقسم الأهداف فيه إلى أهداف على المدى القريب وأهداف على المدى البعيد.

وش فايدة الـ”فيجن بورد”؟

الجواب المختصر، أنه يذكرك باستمرار بهدفك علشان تستمر عليه وما تنسى وتنشغل عنه.
الجواب بشكل أشمل: التفكير في الشيء دائما ً وباستمرار يقربك منه، بس ما يكون تفكيرك عنه أنه شيء مستحيل أو أنه أمنيه أو تكون تبغاه بيأس. تفكر فيه على أنك انت في الطريق للحصول عليه، لكن في أعماقك عارف أنه لو ما حصل ترى عادي مب نهاية الدنيا، كذا تكون حذفت مشاعر الرغبه لأنها تخرب عليك كل شيء.

لازم يكون لوح؟

مب شرط أبدا ً. ممكن يكون أي شيء يجمع أفكارك في مكان واحد وبس. ممكن يكون داخل مفكرتك في صفحتين كامله
متقابله. أو الفكره البديله الي في آخر الموضوع تحت.

فين المكان المناسب له؟

مكان تشوفه كل يوم وتمر عليه، بس ما يكون قدامك طول الوقت علشان ما تبدأ تتعود عليه وما يصير له قيمه. مثلا ً فوق ماكينة القهوه إذا ما كان مكانها قدامك على طول. أو مثلا ً داخل دولاب الملابس. أو ورا باب الغرفه بحيث تشوفه كل ما قفلت الباب علشان تنام أو أول ما تصحى الصبح تشوفه قبل ما تطلع.

فكرة بديله

الـ فيجن بورد حقي للآن الكتروني، موجود على جهازي. نسقته ورفعته على رابط وحفظته في المفضله، كل ما فتحت المفضله أبحث عن شيء أشوف الرابط وأفتحه. أعترف أنه مب المكان الأنسب لكن لأن السنه ما بدأت وباقي أشوف لو احتجت أضيف تغييرات عليه قبل ما أطبعه وأعلقه.
بس فيه ناس يخلونه الكتروني على طول، يحطونه خلفية سطح المكتب ومن هالكلام. 
ما أحسها مجديه تماما ً لأن الواحد يتأقلم مع خلفية سطح المكتب مع الوقت وماعاد يهتم فيها.
ابدأوا اكتبوا في ورقه كم شيء عن أهدافكم وراجعوا هالسنه، ممكن يطلع الـ فيجن بورد هو الشيء المناسب لكم ولطريقة حياتكم. ممكن ما تكون البلانرز والمفكرات هي الشيء المناسب لكم لو كنتوا جربتوا وما ارتحتوا عليها، لكن اللوح هذا مستحيل ما تحصلون حاجات تحطونها فيه وتحققونها.
شيء أخير. اللوح ماراح يشتغل لحاله زي السحر. لازم انت تشتغل معاه.
.
.
New Beginning printable planner
.
بالنسبه لمحبين المفكرات والي يحبون يطبعون صفحات اضافيه داخل مفكراتهم
هذي مفكره صممتها للي حابين يبدأون بدايه جديده في حياتهم وينظمون وقتهم.
.
فيجن بورد
.
الأشياء المذكوره والصفحات والطرق المستخدمه فيها كلها مأخوذه من مفكرتي الشخصيه الأولى الي استخدمتها علشان أبدأ أنظم وقتي. الخطوات المكتوبه كلها من راسي بس ناسبتني وساعدتني أني اتحول من شخص عنده مليون شغله وما يسويها بسبب ضيق الوقت إلى شخص يلاقي أوقات فراغ كبيره. مع العلم اني كنت مجربه أبدأ بمفكرات (بلانرز) على طول وما انتظمت لحد ما عدلت بنفسي على المفكرات الي عندي وبدأت بدايه جديده بهالشكل وبهالطرق الي ذكرتها في المفكره.
.
.
سميتها مفكرة البدايات الجديده
كنت محتاجه بداية جديده قبل سنوات والبدايه الي بدأتها فتحت لي فرص كبيره.
.

مكونات المفكرة

– صفحتين ارشادات وأفكار تساعد على البدايه
– تقويم صفحه كامله للسنه: 2019 و2020
– تقويم لبداية كل شهر في صفحه مستقله مع اقتباس
– صفحه تقويم مفرّغ لكل شهر علشان تعبيه بالمواعيد المهمه للشهر
– بداية كل اسبوع صفحه خاصه بالاسبوع فيها أهم المخططات (الأولويات) وملاحظات هامه ومساحه لكل يوم من أيام الاسبوع
– متتبع للعادات خاص بكل شهر ( نوم – رياضه – أكل ومن هالكلام )
– صفحات شهريه للمشتريات والمواعيد المتعلقه بهذا الشهر
– صفحات لكل شهر فيها أكثر الحاجات الي ألهمتك
– اقتراحات وأفكار وصفحات أخرى إضافيه.
.
هذي المفكره جاهزه للطباعه (تطبعها بنفسك) على ورق بحجم: A4 وA5 وLetter واللغه فيها انجليزي. ماعندي أي مشكله أصممها بالعربي لكن لو فيه أحد فعلا ً يبيها. لأن تصميمها باللغتين متعب ومافيه اقبال من العرب أبدا ً لحد الآن على أي تصميم.
.
رابط من موقعي (هنا)
رابط من موقع (Etsy)  
.
Write a Comment
Starting a bullet journal
Bullet Journal English posts Planning - تخطيط وتنظيم الوقت printables

Starting a bullet journal, How to customize it to fit my schedule?

When starting a bullet journal you might face some issues. Like when you’re not sure what to write in your bullet journal or planner. Although you know you have many things to do daily or weekly. but when you try to write them down they look too obvious to write, Or you just can’t remember the important tasks!

I’ve been there. when I started My first bullet journal There were times when my whole month contains one single page with (To Do List) title. I end up by randomly adding everything on that list. You know what? it’s not something to laugh about. In fact, it’s still normal in many cases. Like for those who don’t have many tiny tasks but instead, they have a huge kind of task that takes the whole day.

🌗 So, how to overcome this problem when starting a bullet journal?

First of all. you’ll need to use a super cheap or old notebook for around 2 weeks. I used an old notebook that I only use to try new pen or try a doodle before drawing on my main journal.

Pick any random page and start writing (for one or 2 weeks) the daily tasks that you really wish to keep.

🌗 Examples of daily or weekly habits you might recognize.

Let’s say you bought a new face-mask, let’s face it, you’re not a clock. You’ll forget to use it sometimes, especially if it’s not supposed to be used daily. and by the time you’ll keep ignoring it and getting lazy because it’s not a regular habit that takes a time in your schedule.

You read about a meditation and you want to start practicing every 3 days. you don’t have to really do it for now. just write it down. You’ll find this step so importing for you later when starting a real bullet journal.

You bought a plant and you think you can remember watering it like a boss. Nope, a few weeks later you started to forget watering your poor plant. Not blaming you, you have many daily tasks.

🌗 Why is this important?

What you’re doing is collecting data. you wanna know what will fit in your routine and what will be just an extra job that you’ll keep avoiding until you delete it eventually.

🌗 In short, what do you need to start?

  • pen
  • old/unused notebook
  • be aware of your daily tasks
  • give yourself a time to try things and see if it suits you

🌗 How long will it take until I start using a real bullet journal?

it’s up to you, 2 weeks might be enough. if you like to practice more why not? it’s your bullet journal no one is watching. The final result is what matters here. Some people will find themselves ready in one week or less. It depends on your lifestyle. So, take the time you need.

🌗 Why do I need to start a bullet journal?

Because it’s a life changer. You won’t understand how powerful it is until you try and see the difference.

🦄 Links you might find useful

Pinterest board for bullet journal: Link

Printable stickers shop: Link

I upload my monthly spreads on Instagram if you wanna follow: @antheiart

Also, make sure to subscribe to my exclusive group if you want freebies – bullet journal tips – discount notifications and more. Not sure? click here and decide: Link

Have a nice day!~

Write a Comment
Art - رسم Bullet Journal Planning - تخطيط وتنظيم الوقت printables Yoga - Mindfulness

مطبوعات – Printables

مطبوعات - Printables Moon calendar 2019 تقويم 2019 للطباعة
.
بعد ما انتهيت من الخطوات الأخيره في إعداد متجر على موقع اتسي، أقدر الحين أتكلم عنه.
المتجر في بداياته والمنتجات الي فيه “مطبوعات – Printables” يعني جاهزه للطباعه، تحملونها وتطبعونها
هذا أسهل على المشتري ومناسبه حتى لنوع الحاجات المعروضه في الوقت الحالي.
محتويات المتجر المتوفره الآن هي طوابع لتزيين المفكره أو المنظم أو الدفاتر أو أي شيء، وموجوده حاجات ثانيه
مثلا ً بوستر عن التواصل مع الذات، وتقويم قمري لشهر يناير عام 2019 . وطبعا ً تقويم 2019 لكامل السنه في صفحه وحده.
.
.
فيه حاجات كثير راح أضيفها مع الوقت باذن الله. من ضمنها بوستر بالعربي عن التأمل
لسى ما قررت تكون المنتجات بالعربي أو الانجليزي بس مع الوقت حسب الاهتمام الي أشوفه أقرر وش تكون أغلب المنتجات 
.
تحديث* الي ما عندهم حساب اتسي أو ما يعرفون يشترون منه يقدرون يشترون بدون عضويه من مدونتي نفسها
تحصلون الرابط في القائمه فوق أو اضغطوا هنا.
.
إذا تعرفون أحد مهتم بالمنظمات/البلانرز والمفكره النقطيه وهالشغلات الي أعرضها شاركوا الرابط معاه وراح أكون ممتنه
.
هذي بعض الصور من المنتجات المعروضه
Write a Comment