anxiety - القلق Nature

الأصوات المحيطية – Ambience Sounds

ثاني مره أكتب عن الأصوات المحيطية. المعلومات عنها موجوده في الجزء الأول (هنا
.
وياليت تقرأوون في المدونه نفسها لأن قارئ ووردبرس يحوس التنسيق دائما ً.
.
هذي المره بس بأعرض 3 مقاطع جديده أعجبتني، وكلها من سلسلة LOTR وHobbit 
معروفه هالسلسلتين كيف عوالمهم خياليه وتخلي الواحد غصبا ً عنه يسترخي
.
المقطع الأول يكفي انه في “ريفندل” مع أنه مب نهار ومب باينه عظمتها بس حتى منظرها في الليل ساحر
.
.
المقطع الثاني في المقاطعه الي يسكنونها الهوبيت، الي تابعوا الفيلم أو قرأوا الروايه أكيد بيبلطون عنده فتره 
.
.
الثالث فكرته غريبه وما أشوفه ينفع للقلق أو الاسترخاء بس
أحسه حق حالات هلع أو واحد يبغى يشغل تفكيره بسرعه زي حالات Panic attack
.
.
عموما ً كثير ناس كانوا يعانون من مشاكل قلق أو توتر أو هلع متكرر وكانوا يستفيدون من هالمقاطع
 الأصوات المحيطية مفيده صدق في هالحالات، لا تستهينون فيها
.
الأصوات المحيطية Ambience sounds
.
المره الي راحت حطيت رابط قناة شغلها مزبوط في الأصوات المحيطيه
لازلت أشوف شغلهم خرافي لأنهم حتى يغيرون التوقيت في المقطع
مثلا ً يبدأ المقطع في الفجر ويستمر معك اليوم وتشوف الشمس تشرق وتغرب ويكملون لك لحد الليل
.
هذي المره القناه الي نزلت منها أول مقطعين
شغلهم برضو حلو والأصوات واضحه
 صح أنهم ما يغيرون المنظر بس يبقى شغلهم حلو لأن الواحد غالبا ً بيشغل شيء ومو بالضروره يركز فيه.
.
رابط القناه: (هنا
اليوتيوب مليان أصوات محيطية وفيه أنواع مختلفه لكل المزاجات
يعني لا تحكمون من الي حطيته. فيه أنواع كثير وأفكار مختلفه

Write a comment
Nature

Bad vibes / ترددات مزعجه

ايش يعني Bad Vibes? أو Bad Jojo؟

أولا ً، قارئ ووردبرس يمكن يحوس التنسيق فالأفضل تقرأون على المدونه نفسها!
.
.
هذا الموضوع أستمتع بالتفكير فيه وفي ربط السوالف المتوافقه معه.
قرأت عنه كثير من كم سنه علشان أفهم تفسير منطقي لحاجات حصلت، وما يهم هل أنا اؤمن فيه 100% أو لا.
بس اؤمن أن فيه تفسيرات كثير نجهلها. زمان كان فيه شغلات كثير ما نؤمن فيها ومع الوقت أثبتها العلم وصرنا نؤمن فيها.
علشان كذا ما صرت أحب أستبعد أي شيء بشكل قاطع (كثرة تكسر المعتقدات يهز ثقتك بعقلك فلا تصير عنيد وراسك يابس).
المهم، هنا بعرض لكم تفسيرات وأفكار مثيره للاهتمام من باب الاستمتاع والتفكير فيها.
.
الي ناوي يقرأ وما عنده أي خلفيه عن الذبذبات والترددات الي في هالكون، وكيف ممكن تأثر على أجسامنا وحياتنا 
ممكن ما يفهم السالفه ويعتبرها 100% خرابيط وأوهام. من هنا أقول الي ما يحب الخرابيط بالأساس لا يقرأ ويشغلنا 
.
أنا مب عاد مختمه هالمجال، ولا عندي حتى خبره أو خلفيه كبيره.
بس قرأت عنه من فتره بما يكفي اني أشوفه مب مستبعد تماما ً.
.
.
bad vibes - ترددات المكان
This amazing photo by Joanna Kosinska on Unsplash

قصة العائله الي تحولت حياتها لجحيم وفي الأخير عرفوا السبب وكان من الطبيعة نفسها!

خلال فترة بحثي عن هالمواضيع تذكرت اني قبل أكثر من عشر سنوات شفت برنامج وثائقي مترجم.
البرنامج يتكلم عن الظواهر الخارقه للطبيعه وكيف يمكن تفسيرها علميا ً.
في كل حلقه قصة لعائله ساكنين في بيت جديد. يواجهون مصاعب وأمور غريبه هم ينسبونها للخوارق من أشباح ومن هالكلام. أو زي حالتنا بالبلد ( السحر والعين )
وحده من الحلقات كانت العائله تواجه خلافات عائليه وتغير طباع أفرادها. كان فيه حتى مشاكل صحيه وضعف جسدي والأعصاب تلفانه.
ممكن أي أحد بيقول طبيعي الانتقال لمكان جديد مب سهل على الكل.
بس أنا اتفهم وجود سبب آخر إذا بدأت تحصل حاجات ما يفهمون مبرراتها أفراد العائله أنفسهم، وتوصل الأمور إلى مرحلة اللاعودة في العلاقات.
.
حضروا بعض الأشخاص المختصين علشان يعالجون الأمور في بيت هالعائله.
مثلا ً يعالجون الأنابيب والتسليكات في البيت يتأكدون أن “الأصوات والهالات” الي يسمعونها ويشوفونها أصحاب البيت مب حقيقيه، وانما “قد تكون” بسبب تسرب أدخنه أو غاز ومن هالكلام.
كانت حلقه مليانه تفسيرات واحتمالات. كانوا مركبين كاميرات وأجهزه تقيس الضغط والحراره وكل شيء. ما أبغى أطول السالفه بس المهم في الأخير استنتجوا أن فيه واحده من دورات المياه مرحاضها موجود فوق مكان تختلف طبيعته الجغرافيه.
ما أذكر بس تقريبا ً كان فيه غازات طبيعيه من الأرض تسبب نوع من الضغط والتوتر أو شيء من هالكلام. البرنامج شفته قبل أكثر من 10 سنوات للأسف وما عرفت أبحث عنه بدون الاسم

علاقة القصة بالموضوع؟

علشان تصير مقدمه للي بعده وما تنفجعون.
من ضمن بحثي كنت أبحث عن ترددات الأماكن. هل تختلف كثير وممكن يكون فيه مدينه تردداتها تخنق أو تضايق أصحابها، ومدينه تردداتها تشرح النفس؟ وأنا أبحث كنت أقول لنفسي من جدّك بتحصلين شيء زي كذا؟
بس أكيد مر عليكم هذا الشعور، أماكن أو مدن أو أحياء تسبب لكم ضيقه صدر بدون ما تكونون زرتوها من قبل أو عالأقل ما صار لكم فيها شيء سيء أو موقف يخليكم تحسون بالنفور.
تفاجأت جدا ً لأني حصلت ناس يتكلمون عن هذا الشيء من واقع تجربه!! 
الغريب أن بعضهم اتفقوا على أماكن معينه ان فيها ترددات أو طاقه سلبيه عكس مدن ثانيه.
مرات يكون شارع أو حتى شجره في مكان معين تحسسهم بنفور وخوف ويطلع وراها سالفه. صار برضو أن أشخاص تكلموا عن مكان واحد مثلا ً جانب من حديقه معينه في مكان معين اتفق أكثر من شخص أنه يسبب شعور غير مريح، وطلع أنه صار فيه شيء لا انساني في الماضي.
من ضمن التفسيرات المنطقيه (الي يمكن باقي ما بتفجعكم)
ان الشخص يكون متقرب من روحه ومخلي أحاسيسه بالطبيعه عاليه وهالشيء يخليه حساس تجاه حاجات ممكن ما ينتبه له غيره وممكن تكون مرتبطه بحاجات من الماضي
تقدرون تقرأوون عن هذا الشيء وراح تلاقون له نتائج كثيره علشان تفهمون قصدي

أغرب تفسير قرأته؟

بقول لكم تفسير ممكن 99% منكم ما يصدقونه.
بس قرأته في أماكن كثير وتجارب ناس من حضارت مختلفه يعني مب سالفة شعب معين أو حضاره أو ثقافه وحده.
تخيلوا أجواء الأماكن الي كانت فيها حروب، وكان فيها مستشفى للجنود ينقلون له الجثث والمصابين.
ناس يموتون في هالمستشفى من ألم ومعاناه وهم مقهورين وخايفين ومغمومين. فيه ناس تعوقوا وكانت مشاعرهم ونفسياتهم في الحضيض وناس فقدوا أحبابهم. 
كل هالناس في هالمستشفى خلفوا وراهم كم هائل من النكد والغم والحقد والغضب ومشاعر سلبيه أخرى
والأرض بما أن لها طاقه أصلا ً فهي تتأثر بطاقة الي فيها. وتحتفظ فيها عشرات أو مئات السنين، لأنهم أثروا عليها بشكل جدّي
بعد سنوات أو قرون يصير فيه عمران بهالمكان ويسكنون ناس في بيتهم الجديد فرحانين ومستعدين لحياه جديده
فجأه تشب بينهم مشاكل ونكد وممكن أمراض
.
كنت أقول أن السبب هو تغيير المكان والواحد ما تعود.
بس فيه ناس يكونون أصلا ً متعودين على التنقل وتغيير البيت كل فتره وفتره، بس بيت معين نقلوا له سبب لهم مشاكل.
ما يهم هل أنا اؤمن في التفسيرات الي فوق بذاتها أو لا، بس اؤمن أن فيه أشياء أكثر من مجرد تغيير المكان علينا.
طبعا ً في نظر ناس كثير يشوفون انه هالشيء خزعبلات بس كل ما تقرّب وتواجه أمور من هالنوع تبدأ تتوسع الاحتمالات في ذهنك، لأن التفسيرات المعتاده مو راكبه.
.
ملاحظه مرعبه، فيه حضارات يكون شيء شائع عند العجايز والكبار انهم اذا دخلوا مكان معين وحسوا بنفور يقولون ( المكان هذا ما يرغب فينا ). مخلين أن المكان له إراده مستقله.
لا تستهين أبدا ً بأحاسيس العجايز تجاه الطبيعه!
.
.
.
.
The amazing feature photo in this post’s title is taken by Mr Cup / Fabien Barral on Unsplash
Write a comment
Nature

Horror nest *[]* عش الرعب

الي يقرأوون مدونتي على قارئ ووردبرس ما أضمن سلامة التنسيق ولا الخط .. أنا أنسق الي يظهر على مدونتي نفسها فالمعذره لأن قارئ ووردبرس ما يتعدل فيه لا الخط ولا المحاذاه
.
هذي المره أغلب التدوينه صور، بس فيه سالفة عش الرعب الي في العنوان بعد
..
في حوشنا حديقه كبيره والأشجار فيها طويله بما يكفي ان العصافير تنام فيها وتبني أعشاش
التنوع في الطيور ممتع، أصواتها وألوانها وتفضيلاتها في الأكل والأماكن
الجو الحين خريف والأوراق بدأت تصفر وتطيح بس بعض الصور أخذتها قبل ما يبدأ الموسم
..
2.png
..
dsc_0094.png
..
هذا الطائر اسمه الزرزور أحمر الجناحين، صوته رايق جدا ً في البدايه، بس إذا أحد قرب منه يطلع صوته زي الغراب، وقوي وجه طول الوقت جالس على الأغصان القريبه من الأرض وما يبغى يروح، يتوقع منك أنت انك تروح
لونه بالكامل أسود ما عدا أطراف الأجنحه إذا طار يبان لونها أحمر على برتقالي.. للأسف ما قدرت أصورها
..
1
..
dsc_0114.png
..
هذا النوع المفضل عندي من بين الطيور في المنطقه، نوع من أنواع البلبل اسمه أصفر العجز ، اختي تقول كأنه شخص مثقف وراقي.. معها حق، تحسون انه يترفع عن الهبل الي يسوونه العصافير، ما عمري شفته يتضارب مع الطيور الثانيه أو حتى يسوي إزعاج إذا مشينا تحت الشجر.. صوته حلو وكأنه يقول سالفه مو بس يغرد، وقت الفجر أحيانا ً يصحى قبل ما يأذن وبمجرد ما أسمع صوته أعرف أن الأذان بيكون في أي لحظه، وفي المغرب برضو وقت الأذان صوته يكون واضح ويستمر حتى بعد ما ينامون باقي العصافير.. صوته في المقطع التالي وحطيت وقت التشغيل مضبوط على بداية التغريد ، مب لازم تكملون المقطع للأخير
1
..
..
dsc_0120.png
زرزور أبيض البطن 
مخلين اللون البنفسجي ومسمينه على لون بطنه الي موجود في كل الطيور
المهم، هذا شايف نفسه، يجي قبل نهاية الصيف تقريبا ً، وما يطول، كل سنه يجلس بالكثير شهر، هذا الي أشوفه عندنا في الحوش يعني، ما أدري لو كان يستمر فترات أطول
مثله مثل الي فوق كلهم، يحبون التين، عندنا 3 شجرات تين وهم يتجمعون ياكلون الثمار الي فوق واحنا نقطف الي تحت 
لونه في الشمس رهييب ، ما سمعت صوته لحد الآن، بس شايف نفسه، ودايم يطرد الطيور من الشجره علشان يجلس عليها هو والي معاه، غالبا ً يجون 2 والسنه هذي 3.. ما شفت أكثر من كذا 
dsc_0124.png
..
1
..
..
..
الحين قصة المهندس الصامد وعش الرعب 
..
00.png
..
الأخير هذا مسوي دراما وزحمه طوووول الصيف أشغلنا وينافخ وصوته واصل آخر الحاره هو والعش الزفت المدور حقه.. هو الطائر الوحيد الي ما أشوفه ياكل !
بس يشتغل ويشتغل ويشتغل طول الصيف، يجمع العشب وهو ليّن ويسوي عش مدور ومع الوقت يجف العش ويصير محكم ومرتب بشكل مو طبيعي 
اسم الطائر الحبّاك أو المهندس، له مقاطع في اليوتيوب عن طريقة بناء العش، فيها تقنيات مب سهله أبدا ً
الحباك الأصفر هو الذكر ويبني العش في محاوله انه يغري أنثى (لونها بني أفتح من البنيين العاديين وفيه صوره لها تحت) وإذا أعجبها العش تسكن فيه ويفرخون ويطيرون الصغار قبل بداية الشتاء..
بس لو العش ما أعجب بنات العز وش يصير؟ يقوم ينتفه ويطيحه 
السنه هذي ما حتى أعطوه فرصه، كل ما جات انثى وحاولت تستقر يجون الباقين يخربون العش ويحاولون يطيحونه.. طيحوا عليه العش الأول وزعل وصار كل مغرب يقوم يصيح بأعلى صوته ( يلعنهم الظاهر ) وفي النهايه سوا واحد ثاني محكم لدرجة أن رياح الخريف المجنونه الي تصحيني من النوم ما قدرت تطيح هالعش، بس للأسف كل مغرب يجي يتضارب مع العصافير الي يحاولون يطيحونه، ما صار مهتم انه يكون عائله لأن الموسم انتهى، المسألة صارت شخصيه ، وقدر يثبت نفسه وللحين بيبدأ الشتاء والعش صامد .. أبوي كان يفكر بجديه يشتري مسدس لعبه الي يرمي، ويصير يرمي على الي يخربون، لأن المكان الي يجلس فيه أبوي قدام الشباك ومطل على الشجره وطول الصيف يراقبه يشوف وش آخرتها.. برضو شباك غرفتي مطل على ساحة المعركه وطول الصيف أزعجوا أهلنا. الي يبغى يسمع صوته  ( هنا )
..
dsc_0119.png
..
العش الصامل المهجور.. شكله السنه الجايه يجون عصافير بزران ومراهقين يسوون مغامرات في العش المسكون ويعنني قصته أنه فيه لورد بنى العش
لزوجته وماتت وهو انتحر وباقي أرواحهم داخل العش 
.
هذي تحت صورة الانثى، معليش على الجوده، من بعيد مصورينها علشان ما تخاف وتطير وهي مصابه. كنت شايلتها علشان النمل ما ياكلونها وهي حيه ، بس ارتاحت دقايق وأخذت غفوة وطارت زي الفل 
.
weaver-bird.png
.
dsc_0130.png
.
 في الصوره أعلاه يقول “كم منزل في الأرض يألفه الفتى          وحنينه أبدا ً لأول منزل” يقصد الي طيحوه الدرباويه قبل 
.
.
..
1
..
..
dsc_0238
ما صورت الورد في الحوش لأن فيه حوسه بس صورت المجموعه الي قطفتها علشان أجففها وأستخدمها في تزيين المفكره لأن الدفعه الي قبل خلصت
..
بس هذا كل شيء.. فيه طيور ما صورتها زي الهدهد والعصفور البني العادي، والبوم والصقر والخفاش، كل هذي الطيور متواجده باستمرار بس ما ألحق أصورها للأسف، لو لحقت عليها بنزلها في الانستا عموما ً .. طائر الطنان نزلت له مقطع فيديو قصير في الانستا وهو يلعب في المويه أو يتروش
.
1

 

Write a comment
anxiety - القلق Books - كتب DIY Nature

الأصوات المحيطية كبيئة مناسبة للقراءة والاسترخاء

.
 الحاجات الي أبغى أكتب عنها ومقاطع الفيديو الي راح أعرضها ممكن تشوفون في عناوينها يكتبون كلمة ASMR
بس مو هذا الشيء الي أبغى أوصله من تدوينتي أبدا ً!
أنا أتكلم عن نوع آخر من المقاطع لكن بالفتره الأخيره صار هالمصطلح يرتز في أي شيء يكون الغرض منه الاسترخاء، مع العلم أنه غلط وماله علاقه. بكتب السبب باختصار
.
ASMR تطلق على المقاطع الي تعطي المشاهد نوع من الارتياح أو الرضى، مثلا ً بنت تمشط شعر بنت ثانيه، يحطون الأصوات بحيث يسمعها المشاهد كأن الفرشاه تمشط شعره هو.. مثلا ً واحد يعمل مساج لفروة رأس شخص آخر، أو مساج للجسم ومن هالكلام ..
وفيه ناس مدري وش جوهم يحسون بالراحه على مقاطع فيها أصوات أحد يمضغ أكل !! أو يحرك شفايفه ويطلع أصوات ببراطمه
.
بس إجمالا ً فيه انحرافات في هالمصطلح لأنه يرمز أصلا ً لحاجات ممكن تندرج تحت تصنيفات سيئه.
تقدرون تطلعون على معاني وشرح المصطلح بأنفسكم في الانترنت. ما بجيب هالخياس لمدونتي احتراما ً للقراء.
الأصوات المحيطية مو بالضروره تندرج تحت هالمصطلح بس فيه ناس يدمجونها سوا.
.
الأصوات المحيطية Ambience
 
.

أرجع لسالفتي الأساسية الآن بعد ما أبريت ذمتي 😗 

.
وقت القراءة أو الانشغال بشيء في مكان واحد تحتاج تشغل لك شيء تسمعه. بس أحيانا ً تكون محتاج تركيز فما تبغى تسمع شيء فيه كلام أو زحمه.
فيه مصطلح اسمه ( الأصوات المحيطية ) طالعين فيه ناس كثير في قنوات اليوتيوب 😍
يحطون لك فكره معينه يدخلونك جوّها.
.
مثلا ً يحطون لك زاوية تصوير من مقهى ، تشوف الناس ماشيه وتسمع صوت ناس تتكلم بهدوء على شوية أصوات أواني، وأصوات أقدام الناس الرايحه والجايه بعض الأحيان يدخلون موسيقى جاز على خفيف أو بيانو.
بشكل يخليك تحس انك موجود هناك. وما تكون صاخبه ومزعجه.
فيه أفكار وأماكن كثير مصورينها ومسجلينها
.
مره من المرات كنت أبحث وطلعت لي قناه يوتيوب مسوين مقاطع الأصوات المحيطية بثيمات تشبه ألعاب الفيديو والأفلام، مثلا ً هاري بوتر وهوبيت وملك الخواتم وغيرها. يجيب لك صوره مكان من أماكن هالأفلام وأصوات، تدخل جو وتسترخي وانت تشوف البيئه تتغير، مرات يكون فيه مطر وبعد شوي الشمس تشرق. مقاطعهم تكون طويله مثلا ً 3 ساعات، بس الغرض منها مو انك تتابعها طول هالوقت!
بس شغلها واسترخي أو اشتغل أو اقرأ. فيه ناس يستخدمونها يتخلصون من الأرق والقلق والاكتئاب.
.
بحط رابط قناة أعجبتني وصرت أعتمد مقاطعها كثير إذا كنت أبغى أقرأ في جو هادي بدون ما أحس بالنعاس. 
بس قبلها بحط مقطعين أعجبتني من قنوات أخرى 
.
هنا حاطين كوخ من فيلم هاري بوتر. يبدأ المقطع من الفجر بدري على نفس الزاويه في المطبخ.
والشمس تشرق ولو واصلت لآخر المقطع بتلاقي ان الشمس طلعت وصار قبل الظهر تقريبا ً. منظر حلو ومريح 😭❤
.
.
.
المقطع الي بعده من فيلم هاري بوتر برضو <– big fan 😬
لغرفة غريفندور، قدام المدفئة والجو برا ممطر وفترة مساء. صوت المطر معروف انه يهدئ ويساعد الي عندهم أرق بعد.
.
.

الحين جاء وقت القناه العظيمه الي سحرتني بمجال الأصوات المحيطية !

يحطون ثيمات وأجواء غريبه ومميزه، مثلا ً متجر جرعات (potion) زي الي في العصور القديمه.
أو سفينة قراصنه وقت عاصفه ، أو نزل قديم أو مكتبه بطراز قديم وفخم.
.
اسم القناه The Guild of Ambience – ( رابط القناة )
.
.
أقدّر جهودهم كثير، عمل راقي وفكره عبقريه وشغلهم متقن 
شفت قنوات كثير تسوي هالشيء بس هالقناه شغلهم متقن ومزبوط 
جربوا المره الجايه تشغلونها وقت الرسم أو الكتابه أو القراءة أو الأعمال اليدويه
أو حتى لو متبطحين تتفرجون عالسقف وتفكرون في شيء تسوونه.
فيه جزء ثاني لهذا الموضوع من (هنا).
.
.

Write a comment
حديقة الجنيّات
DIY Nature

حديقة الجنيّات ~ Fairy garden

أخيرا ً حديقة الجنيّات!! ❤😭😭😭😭
.
.
من 4 سنوات أو أكثر أبغى أسوي حديقة الجنيّات وأحطها عالشباك
حديقة الجنيّات Fairy Garden شيء يسوونه الناس من الأزل في الحدايق وأحيانا ً يكون داخل البيت 
.
بعض الناس يؤمنون بالجنيات وبعضهم يكتفون بمجرد أنه من اللطيف انهم يصنعون حديقه أو حتى قريه للجنيّات
أغلب المهتمين في هالفكره هم الناس الي أصلا ً يحبون الحاجات الصغيرة ( المصغّراتMiniature
.

أهل الـMiniature هم الناس يصنعون حاجات صغيره

مثلاً بيوت فيها أثاث صغير وبالأدوات الي فيه كامله وحتى المفارش تكون من القماش
الأرضيات تكون خشب واللمبات تشتغل فعلا ً والستاير ممكن في بعض الحالات تنفتح وتتسكر والشبابيك نفس الشيء
.
بالنسبه لي أنا مهتمه بالمصغرات وسبق سويت نماذج صغيره غير ناجحه 
بعضها لحديقه أو حوش أو غرفه داخل علب معدنيه أصغر من راحة اليد
مثل هذا وأصغر منه كمان ( يجيب فرط حركه شنيع علشان كذا وقفته )
.
حديقة الجنيّات
.
حديقة الجنيّات حجمها يعتمد على الحوض أو المساحه الي عندك
أنا أبغى أحطها عالشباك برا غرفتي لأن فيه مساحه كافيه.
حافة الشباك فيها مساحه بارزه مثل الرف
منظر الحديقه هناك بيكون حلو أولا ًَ، وبيعجب العصافيرثانيا ً 😍
.
وبهالمساحه حاطه لهم حوضين مويه برا حديقة الجنيات، واحد لهم وواحد للنحل 
**النحل يجون عند الشباك برضو لأني حطيت ورد ابيض ريحته تشبه العسل
ويحبون يتحممون ويشربون إذا حصلوا حوض صغير ما يغرقون فيه
ينفع تحطون صدفه مقلوبه وفيها مويه بس ارفعوها عن الأرض بسدادة فلين أو شيء يرفعها شوي.
.
بعض الأشخاص يحبون يحطون مجسمات مصغره لكائنات حيه، أرانب ومن هالكلام.
بس أنا أشوف انها تخالف الفكره
الجنيات ما عندهم أصلا ً سناجب وأرانب بحجمهم، فيه فرق بين المصغرات وحديقة الجنيات
.
حديقتي تنقصها جنيّه صغيره تكون جالسه عالحافه
بس للأسف أغلب الي حصلتها في أمازون حجمها كبير بالنسبه للحوض ومقاس البيت والمدخل
لسى أبحث. وبرضو كنت أبغى أثاث خارجي زي كراسي ومظله مصنوعه من اوراق الشجر بس ما توفرت الأغراض عندنا في المكتبات.
.
حديقة الجنيّات
.
.

الي بيقول ( العصافير ما دروا عنك )

أنا أقول انهم دروا عني. يعرفون ان فيه أحد بالغرفه يحط لهم مويه وأكل وألعاب وورد
ومره من المرات لقيت واحد من العصافير يصيح عند الشباك ويخبط علشان ما حطيت مويه
أنا مهتمه بالبيئه الخارجيه لشباك غرفتي، لأني جربت أكسب ثقة العصافير في فتره من الفترات
صاروا فعلا ً يلعبون عند الشباك أغلب الوقت، ويحتمون فيها وقت المطر، ويتسبحون في المويه الي حطيتها لهم
وإذا شغلت أليكسا على اذاعه وبصوت عالي يجون يتلقفون يسمعون ويشوفون وش السالفه
.
أنواع العصافير في المنطقه منوعه وجميله ومن ضمنها الطنّان ( طائر صغيير ومنقاره مثل الابره يحب يشرب من الورد زي النحل ) 
هذا الطائر مبسوط عند الشباك لأني صنعت له مرجيحه صغيره وزينتها بأوراق شجر وورد أحمر لأن الطنان يحب اللون الأحمر
شفته يتمرجح عليها 4 مرات وذاب قلبي 😭😭💔 شيء صغيييير يتمرجح.
.

نجي لصور حديقة الجنيّات الي سويتها وكم ملاحظه عليها 

.
حديقة الجنيّات
حديقة الجنيّات
.
⭐ الكريستالات عالمدخل وعالعمود الي بأقصى اليمين علشان تعكس نور الشمس وينتبهون لها ويجون
وبعد تسوي قوس قزح <-- بذيتينا بقوسك
⭐ قبل فتره كان فيه إطلاق تجريبي لحديقة الجنيات 😂😂😂 سويت واحد مبسط مره وأي كلام
بس علشان أشوف بيعجبهم ولا لا، لأن مافيه شيء يفيدهم أو يقدرون يسوونه فيه.
تفاجأت أن الفضول ذابحهم ، يوقفون عنده ويميلون راسهم ويحاولون يقربون منه بحذر
بعد دقايق صاروا وسطه يستكشفون.
⭐ اللمبات الي حطيتها ماراح يستفيدون منها في النهار وماراح أشغلها في الليل وأبتلش بالحشرات
بس كذا عجبتني قلت أسويها مالي صلاح..
⭐ هذا الشكل لحديقة الجنيات يعتبر بسيط جدا ً، في النت لو تبحثون تشوفون أشكال عظيمه وناس موهوبين فعلا ً.
⭐ المكونات كلها حجر وتراب والباقي لمخيلتك تبدع فيها. أمي ساعدتني كثير وأعطتني أدوات وخامات.
اختي تقول لون المدخل حق البيت مفروض من فوق يكون أحمر وفيه نقشات بيضاء علشان يصير فطر عادي
بس ما أبغى أستخدم ألوان الاكريليك الحين علشان ريحتها قويه وبعد شوي بنام.
.
.
.
Write a comment
crystal rainbow
DIY Nature

Fill your room with rainbows

 .
دققتوا من قبل في الشعور الي تحسون فيه إذا شفتوا قوس قزح؟
تحسون أنه شيء من عالم ثاني.. مع أنه شيء ماله فايده ولا أعتقد أنه يساعد في التوازن البيئي ولا يسوي شيء
بس مع ذلك أشوفه نعمه كبيره من ربي.. 
  .
  .
قبل رمضان عام 2017 لقيت كريستالات من ثريّا المدخل كانت مكسوره ومنثوره على الأرض
وأمي تدعي عالعمال الي كانوا يشيلون أثاث وكسروها، تقول (الله يكسر ضلوعهم) <- دعوات مقتبسه من قاموس دعوات جدتي، وهو قاموس لا يمزح بأي شكل من الأشكال *قشعريره* لا تنخدعون بلطف الدعوه السابقه، هذي ولا شيء 
  .
أخذت الكريستالات الي لسى سليمه وعلقتها على شباك غرفتي علشان لما تشرق الشمس من جهة غرفتي أشوف قوس قزح في الغرفه كلها 😎
 .
للأسف كان عباره عن نقط صغيره ومع أنه حلو وعجبني لكن كنت أبغى كريستالات أكبر ..
طلبت أمي أشيل كريستالات كبيره من الثريا المكسوره، أعطتني تحذير ما يمزح، فقررت أبحث بمكان ثاني
 .
في الأخير بعد سنه كامله من البحث حصلت على 4 كريستالات كبيره وعلقتها في سلسله بخرزات وحطيت وحده منها على الشباك علشان أجربها .. هذا شكل الكريستالات:
.
.
rainbow crystal
.
crystal rainbow
,
الصباح التالي كان مبهج بشكل لا يوصف، أعجز عن وصفه، وسعادتي توصل للقمه كل ما أتذكره..
صحيت من النوم لقيت في كل جدران الغرفه وعلى السقف وفي كل مكان ألوان قوس قزح
يا الله كيف شيء بسيييط زي كذا ينعش الروح ويعطي دفى وراحه !!
.
crystal rainbow
.crystal rainbow
.
.
بعدين تذكرت اني مره قرأت أن الكريستالات يستخدمونها الي يؤمنون بمبدأ طاقة المكان
لأنها ترفعها بشكل كبير.
.
قوس القزح من أنقى وأجمل الأمور في الحياه، لاحظوا أنه ظاهره تدخل السعاده في قلب أي شخص.
أكره كيف انه صار شعار للمثليين، وش العلاقه بين المثليين وقوس القزح؟
احتكار شيء من الطبيعه علشان يمثل فئه معينه شيء يدل على تخلف.
 .

 

Write a comment
apps and offline apps - تطبيقات الجوال Nature

تطبيقات للعناية بالنباتات

هذي تطبيقات للعناية بالنباتات الداخليه والخارجيه، وهي أفضل تطبيقين بالنسبه لي
لكن ممكن تبحثون عن غيرها لأن فيه تطبيقات للعناية بالنباتات كثير غير هذي
.
.
PictureThis – Plant Identification
PictureThis - Plant Identification
تقدر تصور أي نبته وراح يقول لك اسمها ونوعها وتفاصيل عنها وصور لها علشان تتأكد أنه عرّف لك النتبه الصحيحه
وتقدر تساهم أنك تتعرف على نبتات مو مضافه وتطور البرنامج
برضو تقدر تسأل مختصين لو فيه نبته أنت محتار في نوعها.
فيه ملف شخصي لك تجمع فيه نباتاتك الي صورتها وفيه خصائص أكثر في التطبيق
.
.
.
.
Plantix – grow smart
Plantix - grow smart
ميزة هذا التطبيق عن باقي الـ تطبيقات للعناية بالنباتات أنه يدعم اللغة/الدول العربيه.
تعطي التطبيق صلاحية وصول لموقعك علشان يعطيك مميزات أكثر
مثلا ً بيحدد لك الطقس للأيام الجايه في موقعك، مستوى الرطوبه وسرعة الرياح واتجاهها
غالبا ً الفايده الرئيسيه من هالتطبيق انك تحل مشاكل المحصول أو النباتات الي عندك
لو كان فيه تغيير في لون الأوراق أو بقع أو مشاكل مشابهه ممكن تبحث في مكتبة التطبيق وتعرف المشكله
أو باختصار تصور النبته المصابه وتسأل، راح يعرض مشكلتك على عرب مثلك.
ممكن تختار تعرضها بشكل عالمي وتكتبها بالانجليزي لو حبيت
تقدر تعمل لك ملف شخصي، ومميزات أخرى راح تحصلها لما تثبت البرنامج
عير متوفر على الأبل ستور 

Write a comment
الطيور والروائح العطرية أو البخور
Nature

Using Essential Oils / Diffusers as a bird owner.. الروائح العطرية والطيور

هالتدوينه تخص الي عندهم طيور أو ناوين يشترون طيور، بخليها مرجع لأي أحد يسألني.
انزلوا تحت الأسطر الي بالانجليزي 
.
.
For English please read from the sources  ( link here ) and ( here )
Note that using candles, essential oils and air fresheners are harmful for your birds,
in fact, all kinds of strong smells do, like paint spray, acrylic colors, nail polish etc.. 
you can read about it online..
.
But in these links you’ll find safe way to benefit from essential oils -mainly therapeutic- 
without harming your bird, please read it carefully and ask if you’re not sure what kind
 of oil / diffuser you should use..
 .
I know some of you might say (simmer cinnamon and orange peel in water with bla bla bla)
 which is natural and safe and can be a good idea
But I don’t want. If there’s another safe way why can’t I use it? don’t be always a stick in the mud.
stop trying to hush people when they ask about safe essential oils for birds by saying ( Nature doesn’t have essential oils, then you shouldn’t let it near your birds ) Stop please..
Some people Needs essential oils for serious issues, anxiety or headache or panic attack or whatever. in my case I use them to relax when I’m anxious..
 .
photo-1515377905703-c4788e51af15 (1)
 .
المعلوم أن الزيوت العطريه والفواحات ومعطرات الجو البخاخ والبخور والعطور والروائح القويه بشكل عام مؤذيه للطيور
وأنا كنت متعوده قبل لا أجيب أوز ( طير البادجي الي عندي ) على الشموع الي فيها روائح عطريه لأني أروق وأحسها 
شيء حلو يغير المود
( هذا غير أن فيه ناس يستخدمون الزيوت العطريه لعلاج أشياء مثل القلق أو الصداع والأرق وهالأمور )
 .
المنتديات العربيه أشوف الناس يقولون أنهم يبخّرون البيوت عادي وبعضهم يدخّنون والطيور موجوده، والصراحه حرام =( 
وأنا أبحث قرأت أن جهازهم التنفسي الصغير هذا حساس جدا ً والروائح ممكن يمتصها جسمهم بالكامل مب بس عن طريق الأنف، عن طريق الجسم نفسه.
 .
لما يكون فيه بخور في البيت أو فواحات وعطور قويه أقفل باب غرفتي على أوز وأفتح الشباك شوي..
اشتريت منقي هواء لغرفتي علشان هو يستفيد وأنا استفيد
( منقي الهواء المناسب له مواصفات معينه الي يبغى يعرف أكثر عن نوع المنقي المناسب يقول لي، ماحبيت أطول الموضوع وأدخل سالفتين في بعض طالما ماحد سألني)
 .
فيه طريقه سهله يحبونها الأجانب يحطون على نار هاديه قدر فيه مويه يتركونها تغلي ويحطون معها قشور برتقال 
وعيدان قرفه أو أي نبات له ريحه حلوه ويتركونه عالنار لحد ما تصير ريحته في البيت كله..
بس أغلب الي يتكلمون عن هالطريقه ساكنين في شقق أبو غرفتين فغالبا ً راح تاخذ وقت طوييل في البيوت الكبيره..
أنا ما أعجبتني طالما فيه أسهل وبخيارات أفضل.. 
.
لقيت في الانترنت أن فيه أشخاص مجربين من فتره طويله تأثير الزيوت العلاجيه على الطيور، هم يستخدمونها
لطيورهم مباشرة ، مثلا ً زيت معين يستخدمونه لما يكون الطير مرتعب أو متوتر، زيت آخر للزكام الخ، أو ينظفون بها القفص كنوع من التعقيم يعني، فيه استخدامات كثير..
.
.

 الزيوت العطريه العلاجيه   

مثلا ً زيت الليمون النقي بدون إضافات، زيت اللافندر ، زيت البرتقال وهكذا..
زيوت طبيعيه ساده ماعليها أي اضافات ولا مركبات مصنعه..
وهي فعلا ًعلاج لأمور كثيره بالنسبه لنا احنا البشر سواء بالاستنشاق أو أنك تحط قطره منه على الجلد في بعض الحالات، شخصيا ً ماجربت غير اللافندر مهدئ جدا ً للأعصاب، وبالنسبه لباقي الزيوت أشوف انطباعات ومواقع كامله تتكلم عن هالشيء..
.
.
.

 أمور لازم تراعيها 

بما أني أبي مجرد عطر للفواحه، وجدت أني لازم ألتزم بعدة أمور علشان أستفيد وبنفس الوقت ما أسبب أذى للطائر الي عندي..
.
 
 يكون 100% نقي، مافيه معاه مكونات أخرى أبدا ً، بعض الماركات تكذب وتحط أنه 100% نقي فعلشان كذا الموقع الي جبت منه هالمعلومات كاتبين أن الماركتين الي مجربينها وفعاله هي ( Young Living ) و ( Plant Therapy ) ..
انتبهوا تحطون عطور الفواحات العاديه المتوفره بالأسواق، ولا تحطون أي ماركه مكتوب أنها زيت نقي، شفت حالات اونلاين لأشخاص يقولون أن الماركه الفلانيه مكتوب 100% بس لما تواصلوا معهم زبائن وسألوا لو تصلح للطيور قالوا لهم لا  .. فالأفضل يعني ابعد عن الشر وغني له ، اشتري الماركات المجربه المذكوره ^ وهي موجوده اونلاين.. النوع الي في الصوره فوق ^ جربته وريحته حلوه في الفواحه ومن فتره أستخدمه..
 لازم تستخدم فواحه من النوع المائي أو البارد، لأن النوع الي يبخّر الزيت بالحراره ( أبو شمعه ) خطييير جدا ً ما ينفع، علامة إكس كبييييره ، أساسا ً الشموع خطيره على الطيور ، والاحتراق يولد مواد تعتبر سامه للطيور..
هذا النوع من الفواحات يعتبر مثال مناسب ( رابط ) دوروا على هالنوعيه يعني..
 ما تترك الفواحه تشتغل أكثر من ساعه.. أغلب الفواحات الآن فيها مؤقت، تختار ساعه علشان ما تنسى..
بس بالأيام الأولى الي تجرب فيها الفواحه في نفس الغرفه الي فيها طائرك لازم تجربها 5 دقائق وتطفي 10 دقائق أو ربع ساعه بعدها ترجع تشغلها 5 دقائق، وتراقب هل الطير منزعج أو سلوكه متغير أو لا (من ضمن الأعراض انه يعطس أو يحك وينظف ريشه بشكل مبالغ فيه).. لا تستخدمها يوميا ً، مرتين إلى 3 مرات بالاسبوع مناسب.. 
.
 لا تزيد عن 4 – 5 قطرات من الزيت في المره الواحده.. هالزيوت مركزه وريحتها راح تظهر لا تخاف..
ما يحتاج تصب العلبه كلها، أساسا ً الماركات الي ذكرتها يكون حجم العلبه صغير والسعر شوي معتبر إذا بتضيف معها سعر الشحن لبلدك..
 تجنب الزيوت المستخلصه من حاجات تعتبر سامه للطيور زي شجرة الشاي وغيرها.. وهذي قائمة لبعض الزيوت المناسبة للطيور
.
.
.

 الزيوت المناسبه الغير سامه ( المصدر هذا الرابط

1. خشب الأرز
2. البابونج الروماني
3. اللبان
4. الأوكالبتوس
5. الخزامى او اللافندر
6. كلاري
7. أوريغانو
8. الليمون
9. الجريب فروت
10. جيرانيوم
 .
 .
.

✦ معلومات مهمه في العناية بالطيور ✦

لا تتركها طول اليوم في غرفه هاديه ممله بقفص صغير وبدون ألعاب وحاجات ممتعه
ولا تتركها في غرفه مزعجه عند بزران طوال اليوم والاضاءه مشغله حتى بالليل
أو قدام المكيف أو الشباك، لأن تيارات الهواء والشمس المباشره مضره جدا ً للطيور ممكن تقتلهم
لا تحرمهم من الشمس لكن انتبه لا تتركهم فيها وقت طويل، الوقت الي يتشمسون فيه تراقبهم، لو بدأوا يرفعون أجنحتهم بحركه ثابته معناها ارتفعت حرارة أجسامهم وممكن هالشيء يسبب وفاه على طول لو ما نقلتهم لمكان معتدل بسرعه.. 
ما أحب أترك طائري في الشمس إذا كانت حاره..
الطيور المصنفه تحت مسمى الببغاء ( من ضمنها البادجي والكروان ) تعتبر طيور ذكيه وتحب تشغل مخها
تحس بالملل بسرعه، لا تشتريها بدون ما تقرأ عن اهتماماتها..
الملل عندهم قد يتسبب أنهم يبدأون ينتفون ريشهم كنوع من التعبير عن الوحده والملل، وتبدأ تعالجهم وتنشغل بشيء أنت في غنى عنه..
.

بعض الأشياء الي أسويها علشان أضمن راحة الطائر الي عندي 

* مع أنه وحيد وما اشتريت له رفيق بس حجم القفص كبير جدا ً وفيه ألعاب وأجراس وسلاسل فيها خرزات وكوخ وكل شيء..
بعض المرات أضطر أطلع ويكون مشوار طويل، فحطيت له جهاز PSP قديم فيه أفلام كرتون وأنمي
وتكون ملونه بألوان فاقعه تجذب انتباهه وفيها ازعاج وبزران، الجهاز معلق على جدار القفص قدامه علشان يتفرج .. 
يعني سينما جوا القفص. بس مقفله استقبال الواي فاي لأن الأشعه خطيره عليه.
صار عنده اكتفاء شنيع، مرات أجي ألعب معاه يطنشني ويجلس يلعب بالألعاب وما يبغى حتى يطلع من القفص إلا لو طفيت الجهاز أو طلعت الألعاب برا القفص علشان يروح يلعب فيها برا ويتحرك. 
.
* يوميا ً أحب أطلعه من القفص يتجول بالغرفه وعلقت له على الجدار أغصان في أماكن متفرقه يلعب بينها.
أطلعه الشمس بين فتره وفتره في الشتاء إذا ما كان فيه رياح برا .. أما في الصيف فأنا أصحى بدري أساسا ً والشمس تدخل الغرفه عند الغصن الي يلعب عليه، وأكون مراقبته علشان ما ترتفع حرارته.
.
* عنده حامل صنعته بنفسي وحطيته على المكتب، مرات لما أتفرج أفلام على الحامل يتفرج ..
.
* صنعت له مرجيحه داخل القفص ووحده برا القفص عند الشباك .. 
* أنظف القفص يوميا ً أو كل يومين لو كنت مشغوله، هي كلها كيس في أسفل القفص تشيله يوميا وتمسح لو فيه بقايا في أماكن ثانيه من القفص.
كيس ثاني عند الشباك وتحت الأغصان الي يلعب فيها، على المغرب يكون هو طفش وقرر يدخل القفص وأنا أشيل هالكيسين أرميها وخلاص، مب تعب..
.
* ترتيب الألعاب والأغراض الي داخل القفص يتغير كل اسبوعين علشان ما يمل..
أنوّع بين الألعاب، الاسبوعين هذي أطلع له ألعاب وأجراس معينه، بعد اسبوعين أشيلها عنه وأنزل له الألعاب الثانيه..
لو عنده في القفص مرايات لازم تنغسل يوميا ً أو كل يومين لأنها تتلوث بسهوله وهو يلعب معها ويحاول يعطيها أكل ..
الألعاب تنغسل بين فتره وفتره برضو.. والغسيل ما يكون بمستحضرات الغسيل العاديه، أنا مخصصه له بخاخ فيه مويه 
وقطرات يا إما خل أو قطرات قليله ديتول بما أن ديتول قايلين أن منتجهم آمن للحيوانات والطيور، بس للاحتياط أشطفها مزبوط علشان ما يبقى ديتول أو خل في الألعاب والمرايا..
* مره في الشهرين أو 3 شهور أشيل القفص بكبره وأغسله تحت الدش وأعقمه بألعابه وكل قراشعه وأحطه في الشمس تعقمه وتنشفه..
 .
فيه ناس يقولون وش هالشغله والكرف؟ بس لا تشتري كائن حي وتصفه زي المزهريه بالبيت ..
لما يموت أكون واثقه أنه عاش أحسن من عيشته في أي مكان آخر.. 
. 
الطيور والروائح العطرية أو البخور 
Write a comment
Nature

Updates ~

“في يوم من الأيام مع إشراقة شمس الصباح … إلخ”
أوكي، كذا تمام 😂
اليوم شفت سلسلة من الأحلام المرعبه بس مصدر الرعب كان أنا يعني كنت أنا القاتل والشبح والجزار وكل شيء..
صحيت ولاحظت أن العصافير مختفين من الحوش وما أسمع لهم حس مع أن الشباك مفتوح والجو حلو..
شكله ما كان حلم، الظاهر قمت عليهم مع الفجريه .. قبل ما أكمل  سبب انقطاعي عن المدونه هالكم شهر كان لأني اشتريت هذا الشيئ
ed501-98u

سبب لي ارتفاع في الضغط لأني ما أقدر أتحمل كمية الظرافه هذي بدون ما آكله
مرات أبغى أشيله زي الكوره وأبوس بطنه الأزرق لكن يعصب ويقوم يعض زي الكلب Angry_1345
ما يحب أحد يحاصره بيده من كل الجهات..

خلال الفتره الي راحت كنت أحاول أتوصل لنظام معين وترتيب بحيث يكون مرتاح وأنا مرتاحه في الغرفه
لأنه ساكن في غرفتي والوضع تقريبا ً ماشي بما أننا ننام في نفس الوقت ونصحى في نفس الوقت ..
توصلت لحاجات كثير تريحني في التنظيف اليومي وعناصر الرفاهيه حقته، على قول أخوي ( حياته أحسن من حياتي )
تعلمت حاجات كثير لأنه حرام أشتريه وأجيبه ويموت بسبب نقص الخبره.. الموضوع مب مزحه..

سميته اوز Oz .. مع أنه اسم ألطف من وجهه

d61c7-9

اوكي نرجع للموضوع الأهم، بالنسبة للبونساي 
تذكرون أول دفعه؟ الي طلعوا من تحت الأنقاض؟
ترى ماتوا، أو بالأحرى أنا حسبتهم ماتوا وتحطمت ورميتهم <-- فين عقلك؟ بعدها زرعت النوعين الثاني والثالث  النوع الثاني  مفروض إذا كبر يصير له أوراق برتقاليه..
كان حظي حلو وطلعت لي 2 من أصل 3 بذور..

1d818-untitled-2

.

بعد فتره ما أدري هل فيه مشكله في الجو أو نوع المويه أو التراب حقها انتهت صلاحيته 😂
بدأ التراب يتحجر ويصير كأنه فلين، والنبته كأنها مخنوقه ما يوصلها مويه ولا هواء
حاوت أنقذها وجبت تراب من نباتات أمي الي تحت ، بس بعد فتره فارقوا الحياه كلهم =(
كنت أحبهم مره، يكبرون بسرعه ما يتركون لي مجال أحس بالملل منهم، كل يوم يكبرون ! 186325

** الورقتين الصفراء الي في أسفل الساق هذي هي أول ورقتين تطلع من البذره 
وبعد ما تكبر النبته خلاص تنشف هالورقتين وتطيح ..

 النبته الثالثه  أوراقها خضراء عاديه، لازالت حيه لليوم، بس نموها بطييييييييييييئ يجلط ، ما أشوف تغيير أبد من شهور..
هذي هي ، وما طلع لي من بين البذور الخمسه إلا نبته واحده للأسف..

05173-untitle8d-3

.

الأطراف الصفراء مب جفاف، بس مره كنت برا الغرفه لقيت أوز يعضها يحسبها خس..
كانت معرضه للموت مثل الي قبلها بس تداركت الموقف واشتريت من النت تراب نوع كويس ( الرابط تحت )
ومشت الأمور الحمد لله..ليتني استعجلت واشتريته قبل ما تموت هذيك الفخمه 186325

 بقي النوع الرابع  الي مفروض تكون أوراقه لونها بنفسجي..
راح أزرعه قريب إن شاء الله..

 الخلاصه من سالفة البونساي

ان ترابها الي جاي معها سيء، يبدأ يتيبس بشكل غريب..
ممكن أنا عرضت العلبه لتغييرات في الجو كثير قبل لا أستخدمها، اشتريته في الشتاء وبعدها جاء صيف قاتل
وبعدها برد وكل هذا باقي ما فتحت الكرتون ولا استخدمتها ، فممكن تأخرت في الاستخدام ..

عموما ً تجربتي مع النباتات كانت ممتعه وعبيت الغرفه نباتات ظل ومتسلقه ، تعطي شعور بالسلام والله
بس اقرأوا عن النباتات الي تصلح داخل الغرف وتنقي الهواء ، لأنها ممتازه وفيه منها أنواع كثير متوفره..
راح أحاول أشتري بذور النبته الي ماتت فوق، لو قدرت أشتريها لحالها بدون باقي الأدوات والتراب …

بالنسبه للتراب الي قلت عنه فوق، تحصلونه ( هنا ) نوعه كويس
انتبهوا أنه يسحب مويه كثير ويحفتظ فيها، يعني الي بيشتريه لا يتحمس كثير مع المويه..
شيء حلو أنه يحتفظ في المويه علشان يقل عدد مرات السقايه 68279

Write a comment