Bullet Journal Planning - تخطيط وتنظيم الوقت

فيجن بورد ~Vision Board ~ لوح الرؤية

فيجن بورد vision board
The Lovely photos in this post are taken by Ella Jardim on Unsplash
.
.
بنبدأ سنه جديده خلال أيام، وهذا السبب الي خلاني أنزل موضوع فيجن بورد الحين.
المعنى الحرفي لكلمة “فيجن بورد” في العنوان هو “لوح الرؤية

بس ايش هو الـ “Vision Board

لوحة فيها عبارات وصور تتعلق برؤية تكون خططت تحققها على مدى عدد معين من السنوات أو ممكن يكون سنه.
شفت ناس يسوونه بشكل شهري بس أحس هالشيء يستهلك قيمته ويصير ماله هيبه عندك وتسحب عليه لأنه يتغير بسرعه.
مب شرط تكون حاجات رسميه وكبيره زي زواجات ووظائف وأمور مصيريه
.
بعضهم يحطون من ضمن الرؤيه أنهم بيسافرون بلد معين في خاطرهم من زمان.
فيجن بورد يكون دائما ً موجود عند أي شخص مهتم بتنظيم الوقت والمفكرات وهالشغلات.
.
علشان تسوي لك لوح خاص فيك تحتاج تفهم بعض الأمور عن نفسك وخطتك المستقبليه ووضعك الحالي.
.
.
فيجن بورد

قبل تحديد الخطه

راجع السنه الحاليه (الي بتنتهي) ايش كانت الأشياء الي قدرت تحققها؟ وش الشيء الي بيكون أفضل لو كان تم بشكل مختلف؟ ايش الحاجات الي ماكانت تخدمك ولا تفيدك؟ وحتى من الجانب الشخصي، ايش السلوك أو الطبع الي تتمنى تتخلص منه؟ السلوك الي لاحظته تكرر منك في كم موقف وكان ايجابي وتبغى تستمر عليه لأنه مب من صفاتك المعتاده.
من هالكلام يعني. علشان يكون اللوح وأهدافك المعلقه فيه جايه من الواقع وبالتالي يسهل عليك تنفذها وتكسبها أسرع.
كل هالكلام تكتبه في ورقه، وتبدأ الحين تفكر في الحاجات الي تبغى تشتغل عليها كأهدافك الجايه.
حاجات ودك تحققها. حدد الأهداف والقيم والأفكار. ارسم خطه واسعه، مب تقيد نفسك بخطوات مرتبطه بوقت وقلق. النتيجه النهائيه فقط، أنا ما اؤمن بالتضييق والتخطيط الدقيق وتصير الحياه بالمسطره، حتى جدولي اليومي ما أكتبه بالساعه والدقيقه، ممكن أكتب لو كانت مهمات ضروريه بس.

بعد تحديد الخطه

الحين الجزء الممتع. اختار لوح أو إطار أو أي شيء يناسبك. اجمع فيه صور وعبارات عن الشيء الي تبغى تحققه.
مثلا ً تكتب عباره في ورقه انك بتتخلص من مشاكل الغضب الي عندك. تحط صور مشابهه للفكره الي في بالك.
شخص وده يسافر للمالديف مثلا ً، يحط صورة من المالديف والمنتجع الي بيسكن فيه لو راح.
صوره لبيت تكون مواصفاته قريبه من البيت الي تتمنى تمتلكه مثلا ً.
حط حتى أدوات، ناس يحطون أدوات ترتبط بفكره في بالهم ويبغون تصير قريبه منهم مثل الأصداف أو تذاكر سفر.
ابدأ نسقها ويستحسن يكون فيه ثيم معين للوح علشان يطلع شكله يفتح النفس.
ممكن تنقسم الأهداف فيه إلى أهداف على المدى القريب وأهداف على المدى البعيد.

وش فايدة الـ”فيجن بورد”؟

الجواب المختصر، أنه يذكرك باستمرار بهدفك علشان تستمر عليه وما تنسى وتنشغل عنه.
الجواب بشكل أشمل: التفكير في الشيء دائما ً وباستمرار يقربك منه، بس ما يكون تفكيرك عنه أنه شيء مستحيل أو أنه أمنيه أو تكون تبغاه بيأس. تفكر فيه على أنك انت في الطريق للحصول عليه، لكن في أعماقك عارف أنه لو ما حصل ترى عادي مب نهاية الدنيا، كذا تكون حذفت مشاعر الرغبه لأنها تخرب عليك كل شيء.

لازم يكون لوح؟

مب شرط أبدا ً. ممكن يكون أي شيء يجمع أفكارك في مكان واحد وبس. ممكن يكون داخل مفكرتك في صفحتين كامله
متقابله. أو الفكره البديله الي في آخر الموضوع تحت.

فين المكان المناسب له؟

مكان تشوفه كل يوم وتمر عليه، بس ما يكون قدامك طول الوقت علشان ما تبدأ تتعود عليه وما يصير له قيمه. مثلا ً فوق ماكينة القهوه إذا ما كان مكانها قدامك على طول. أو مثلا ً داخل دولاب الملابس. أو ورا باب الغرفه بحيث تشوفه كل ما قفلت الباب علشان تنام أو أول ما تصحى الصبح تشوفه قبل ما تطلع.

فكرة بديله

الـ فيجن بورد حقي للآن الكتروني، موجود على جهازي. نسقته ورفعته على رابط وحفظته في المفضله، كل ما فتحت المفضله أبحث عن شيء أشوف الرابط وأفتحه. أعترف أنه مب المكان الأنسب لكن لأن السنه ما بدأت وباقي أشوف لو احتجت أضيف تغييرات عليه قبل ما أطبعه وأعلقه.
بس فيه ناس يخلونه الكتروني على طول، يحطونه خلفية سطح المكتب ومن هالكلام. 
ما أحسها مجديه تماما ً لأن الواحد يتأقلم مع خلفية سطح المكتب مع الوقت وماعاد يهتم فيها.
ابدأوا اكتبوا في ورقه كم شيء عن أهدافكم وراجعوا هالسنه، ممكن يطلع الـ فيجن بورد هو الشيء المناسب لكم ولطريقة حياتكم. ممكن ما تكون البلانرز والمفكرات هي الشيء المناسب لكم لو كنتوا جربتوا وما ارتحتوا عليها، لكن اللوح هذا مستحيل ما تحصلون حاجات تحطونها فيه وتحققونها.
شيء أخير. اللوح ماراح يشتغل لحاله زي السحر. لازم انت تشتغل معاه.
.
.
New Beginning printable planner
.
بالنسبه لمحبين المفكرات والي يحبون يطبعون صفحات اضافيه داخل مفكراتهم
هذي مفكره صممتها للي حابين يبدأون بدايه جديده في حياتهم وينظمون وقتهم.
.
فيجن بورد
.
الأشياء المذكوره والصفحات والطرق المستخدمه فيها كلها مأخوذه من مفكرتي الشخصيه الأولى الي استخدمتها علشان أبدأ أنظم وقتي. الخطوات المكتوبه كلها من راسي بس ناسبتني وساعدتني أني اتحول من شخص عنده مليون شغله وما يسويها بسبب ضيق الوقت إلى شخص يلاقي أوقات فراغ كبيره. مع العلم اني كنت مجربه أبدأ بمفكرات (بلانرز) على طول وما انتظمت لحد ما عدلت بنفسي على المفكرات الي عندي وبدأت بدايه جديده بهالشكل وبهالطرق الي ذكرتها في المفكره.
.
.
سميتها مفكرة البدايات الجديده
كنت محتاجه بداية جديده قبل سنوات والبدايه الي بدأتها فتحت لي فرص كبيره.
.

مكونات المفكرة

– صفحتين ارشادات وأفكار تساعد على البدايه
– تقويم صفحه كامله للسنه: 2019 و2020
– تقويم لبداية كل شهر في صفحه مستقله مع اقتباس
– صفحه تقويم مفرّغ لكل شهر علشان تعبيه بالمواعيد المهمه للشهر
– بداية كل اسبوع صفحه خاصه بالاسبوع فيها أهم المخططات (الأولويات) وملاحظات هامه ومساحه لكل يوم من أيام الاسبوع
– متتبع للعادات خاص بكل شهر ( نوم – رياضه – أكل ومن هالكلام )
– صفحات شهريه للمشتريات والمواعيد المتعلقه بهذا الشهر
– صفحات لكل شهر فيها أكثر الحاجات الي ألهمتك
– اقتراحات وأفكار وصفحات أخرى إضافيه.
.
هذي المفكره جاهزه للطباعه (تطبعها بنفسك) على ورق بحجم: A4 وA5 وLetter واللغه فيها انجليزي. ماعندي أي مشكله أصممها بالعربي لكن لو فيه أحد فعلا ً يبيها. لأن تصميمها باللغتين متعب ومافيه اقبال من العرب أبدا ً لحد الآن على أي تصميم.
.
رابط من موقعي (هنا)
رابط من موقع (Etsy)  
.
Write a Comment
Starting a bullet journal
Bullet Journal English posts Planning - تخطيط وتنظيم الوقت printables

Starting a bullet journal, How to customize it to fit my schedule?

When starting a bullet journal you might face some issues. Like when you’re not sure what to write in your bullet journal or planner. Although you know you have many things to do daily or weekly. but when you try to write them down they look too obvious to write, Or you just can’t remember the important tasks!

I’ve been there. when I started My first bullet journal There were times when my whole month contains one single page with (To Do List) title. I end up by randomly adding everything on that list. You know what? it’s not something to laugh about. In fact, it’s still normal in many cases. Like for those who don’t have many tiny tasks but instead, they have a huge kind of task that takes the whole day.

🌗 So, how to overcome this problem when starting a bullet journal?

First of all. you’ll need to use a super cheap or old notebook for around 2 weeks. I used an old notebook that I only use to try new pen or try a doodle before drawing on my main journal.

Pick any random page and start writing (for one or 2 weeks) the daily tasks that you really wish to keep.

🌗 Examples of daily or weekly habits you might recognize.

Let’s say you bought a new face-mask, let’s face it, you’re not a clock. You’ll forget to use it sometimes, especially if it’s not supposed to be used daily. and by the time you’ll keep ignoring it and getting lazy because it’s not a regular habit that takes a time in your schedule.

You read about a meditation and you want to start practicing every 3 days. you don’t have to really do it for now. just write it down. You’ll find this step so importing for you later when starting a real bullet journal.

You bought a plant and you think you can remember watering it like a boss. Nope, a few weeks later you started to forget watering your poor plant. Not blaming you, you have many daily tasks.

🌗 Why is this important?

What you’re doing is collecting data. you wanna know what will fit in your routine and what will be just an extra job that you’ll keep avoiding until you delete it eventually.

🌗 In short, what do you need to start?

  • pen
  • old/unused notebook
  • be aware of your daily tasks
  • give yourself a time to try things and see if it suits you

🌗 How long will it take until I start using a real bullet journal?

it’s up to you, 2 weeks might be enough. if you like to practice more why not? it’s your bullet journal no one is watching. The final result is what matters here. Some people will find themselves ready in one week or less. It depends on your lifestyle. So, take the time you need.

🌗 Why do I need to start a bullet journal?

Because it’s a life changer. You won’t understand how powerful it is until you try and see the difference.

🦄 Links you might find useful

Pinterest board for bullet journal: Link

Printable stickers shop: Link

I upload my monthly spreads on Instagram if you wanna follow: @antheiart

Also, make sure to subscribe to my exclusive group if you want freebies – bullet journal tips – discount notifications and more. Not sure? click here and decide: Link

Have a nice day!~

Write a Comment
Art - رسم Bullet Journal Planning - تخطيط وتنظيم الوقت printables Yoga - Mindfulness

مطبوعات – Printables

مطبوعات - Printables Moon calendar 2019 تقويم 2019 للطباعة
.
بعد ما انتهيت من الخطوات الأخيره في إعداد متجر على موقع اتسي، أقدر الحين أتكلم عنه.
المتجر في بداياته والمنتجات الي فيه “مطبوعات – Printables” يعني جاهزه للطباعه، تحملونها وتطبعونها
هذا أسهل على المشتري ومناسبه حتى لنوع الحاجات المعروضه في الوقت الحالي.
محتويات المتجر المتوفره الآن هي طوابع لتزيين المفكره أو المنظم أو الدفاتر أو أي شيء، وموجوده حاجات ثانيه
مثلا ً بوستر عن التواصل مع الذات، وتقويم قمري لشهر يناير عام 2019 . وطبعا ً تقويم 2019 لكامل السنه في صفحه وحده.
.
.
فيه حاجات كثير راح أضيفها مع الوقت باذن الله. من ضمنها بوستر بالعربي عن التأمل
لسى ما قررت تكون المنتجات بالعربي أو الانجليزي بس مع الوقت حسب الاهتمام الي أشوفه أقرر وش تكون أغلب المنتجات 
.
تحديث* الي ما عندهم حساب اتسي أو ما يعرفون يشترون منه يقدرون يشترون بدون عضويه من مدونتي نفسها
تحصلون الرابط في القائمه فوق أو اضغطوا هنا.
.
إذا تعرفون أحد مهتم بالمنظمات/البلانرز والمفكره النقطيه وهالشغلات الي أعرضها شاركوا الرابط معاه وراح أكون ممتنه
.
هذي بعض الصور من المنتجات المعروضه
Write a Comment
Planning - تخطيط وتنظيم الوقت

محاولة تغيير عادة سيئة ~ السهر

27a71-000990
^
من تصويري في احدى الصبحيات 
بعض الناس يكونون عالفطره البني آدميه لحد ثالث ثنوي، نوم بالليل ومعيشة بالنهار..
وفيه ناس تبدأ تتمرد عالنظام هذا من المتوسط، زي بنت خالتي التابع الوفيّ حقي..
.
أنا تمردت على الفطره من قبل 8 سنوات أو أكثر..
علشان كذا شعور الذنب ذابحني على خلايا جسمي، أحس إني زي الأب السكران الي يعامل عياله بوحشيه
ويحرمهم حقوقهم، بينما هم “الخلايامتفوقين في أدوارهم، ماجاتني أمراض بفضل الله، وكل واحد منهم يؤدي وظيفته بدون ملل ولاشكوى ولا راحة ولانوم..
.
زمان قبل ما أكون الأب السكران لخلاياي، كانوا مبسوطين وكانت النتيجه أن مناعتي قويه بشكل لا يقهر، والله بدون مبالغة ماكنت أمرض !!
مرات أقول ممكن الوعكات الصحيه الي تجيني الآن هي لأن خلاياي مرهقين ومكتئبين بسبب سوء المعاملة..
سالفة أن السهر مضر مب كذبه ولا مبالغه، حقيقة وأنا جربتها وانقلبت مناعتي بشكل غريب..
بالنسبة لي ما أدري ليش متمسكه بالسهر؟ طول عمري كنت أعشق الشروق والصباح، يعطيني صفاء وسعاده لا توصف..
إذا سهرت للفجر أفتح الشباك أشوف الشروق وأندم أني ما نمت بدري، لو أني صحيت بهاللحظه كان أشوف الشروق وأنا أفطر وأبدأ يومي وأسوي مشاريعي والناس نايمه ..
.
الغروب يجيب لي كآبه والليل في بعض الأيام يحسسني أن الحياه ضيقه، وقراراتي الي أتخذها في الليل أندم عليها.. مافيه ألوان في البيوت في الليل، مب زي الصباح بدري الشمس تمتد من الشباك وتدخل الغرف وتحسسك بشعور الدفء..
قبل أيام تعبت وماكنت أعرف وش مشكلتي وإيش الحل بالضبط، بس الي أعرفه إني كنت إذا طلعت السطح وجلست في الشمس أحس بهدوء وراحه وشعور أن فيه شيء يطمنّي، أشوف العصافير ينزلون ياكلون الأكل الي تحطه لهم أمي في السطح ومره لقيت نحله واقفه على ملابسي 😂 ماتسوي شيء بس حسيت أنه شعور حلو تحس أنك عايش وينطبق عليك ( على قيد الحياة )
.
حياة السهر ما تحسسني أني على قيد الحياه فعلا ً، كأنها حلم بسبب ضعف التركيز والذاكره..
في فتره من الفترات عدلت نومي وتفاجأت أن ذاكرتي تحسنت بشكل كبير..
.
.
27a71-000990
.
كنت دايما ً أتعذر علشان أسهر، وأقول ( الليل مافيه أحد ويمديني أسوي الي أبغاه بتركيز، بينما النهار كل العائله صاحين ويقاطعوني )..
وكنت أقول ( النهار يمشي بسرعه والليل يطوّل وفيه بركه بالوقت )..
.
بس اكتشفت أنها أعذار لأن السهر أسهل من الصحيان بدري، والحوسه أسهل من التنظيم..
للأمانه الليل قصير، ياما شغلت التابلت أرسم، وأذن الفجر وأنا ماحتى حددت وش أرسم ☕
والحين أغلب أفراد العوائل يسهرون، يعني لازال فيه مقاطعه في الشغل، بس ماعندنا مانع الحين سبحان الله !
.
في الصباح يكونون الناس نايمين، تفتح الشباك يدخل الهواء، ريحة الهواء في الصباح منعشه تعطيك إلهام تبدع في شغلك..
ليش دايما ً ما تطلع إبداعات السهرانين إلا عالفجر؟ لأن مفروض نكون نمنا وصحينا الحين بدري وبنلاقي هالإلهام ينتظرنا..
بس لازم نهوّن الأمور شوي، إذا الواحد كان صارم جدا ً مع نفسه ماراح يتعدل شيء..
هالأيام لازلت أسهر لحد 2 الليل .. وبعض الأيام لحد 3 لكن ماراح أخليه يستمر إن شاء الله..
وعارفه أن النتيجه ممكن ما راح تبان في السنه الأولى من تحسين نظامي، بس الصبر طيب (نتيجة من ناحية المناعة قصدي)
ممكن يصير انتكاسات ويخرب النظام يومين أو 3 أيام وأرجعه، بس ماراح أعتبرها فشل، أنا السبب اني أدمنت السهر فبسمح لنفسي ببعض الزلات الي ما تتجاوز ليلتين في الشهر، لأن التدريج حلو وما أبي أحسس نفسي بالحرمان والضغط والمسؤوليه..
وكمان الأقارب مرات يخربون النظام 😞 يعني يتعازمون ويسهرون وصعبه الواحد يصير منفس يروح ينام ويخليهم
خاصه اني أستمتع معاهم ومب منطقي أحرم نفسي من المتعه الي ما تتأجل، لو كان رسم أو أفلام بتتأجل عادي..
.
شعور حلووو اني أخلص حاجات كثييير وبعدين أتفاجأ إذا شفت الساعه تكون باقي 2 الظهر !! وأنا عشت يوم كااامل في الصبح ..
.
هذي صور كنت أصورها إذا صحيت الصبح، الشيء الحلو أنك تحس نفسك جزء من الحياه وأن الطبيعه صاحيه ومبتهجه
.
.
e1d6c-0909
c585c-00
4d0f4-00009
فيه شيء مهم، القومه من النوم صعبه سواء سهرت أو نمت بدري، بس احنا لما نعدل نومنا نستثقل القومه ونحسب أن هالنظام هو السبب.. بس نلعب على مين؟ على أساس إذا سهرنا بنصحى من النوم مفللين ونشيطين؟
برضو شيء مهم ثاني، تعديل النوم ممكن يكون صعب في الأسبوع الأول فقط ، نكون طول اليوم مخملين ونعسانين بس بعدها خلاص، والواحد يتعب اسبوع وينبسط للأبد..القيلوله في الظهر كويسه، أختي كانت تقنعني في القيلوله سنوااات وأنا ما أعترف فيها..
بس قبل فتره جربتها وكانت من جد تجدد النشاط، بس ما ينفع تكون في العصر أو بعده، لأنها بتجيب خمول أكثر..خطوة أخيره، بالنسبه لي فيه وجبات فطور معينه أعشقها ممكن أصحى من عز نومي علشان آكلها، فطلبت أهلي يوفرون هالأصناف وصرت أتحمس أصحى الصبح علشان أفطر، وطبعا الدنيا مب فوضى، إذا فات وقت الفطور وتأخرت بالنوم خلاص راحت علي، لو حاولت آكل فطوري اللذيذ في الظهر معناها خلاص ماصار حافز.. 
.
ترى جالسه أقنع نفسي بهالتدوينه ^ ونزلتها علشان كل ما أشوفها أستحي على وجهي وما أتراجع عن قراري..
بس أعرف أن فيه ناس ممكن ما ينفع معهم هالكلام بس أكيد بيقتنعون بطريقه أخرى، لا تيأسون من المحاوله 🌷
لازلت أنا نفسي في بداية المحاولات..اذا تخالفوني الرأي أو عندكم تعارضات معينه في الصباح
قولوها...
Write a Comment
Planning - تخطيط وتنظيم الوقت

تنظيم نشاطاتنا بطريقة ممتعه / الجزء الثاني

d61c7-9
cfda1-kony2
 المرحلة الثانية: التخطيط وبداية التنفيذ 
ومين قدك واقف على رجولك في هالدنيا بينما غيرك يتخبط وما يعرف حتى مخططاته لليوم الحالي 68279.
.
.
 لأن   ترى بس أستهبل. الي ما عنده خطط مب بالضروره متخبط، بعض الناس ببساطه ماعندهم هوايات كثيرة ولا شغلات متفرعه. 
ويومهم يكفيهم بدون تخطيط، التخطيط للناس الي عندها فيضان من الهوايات أو الأشغال أو المشاريع.
خاصة أن بعض الناس -مثلي- يحتاجون يخططون لأبسط الأمور مثل العنايه بالصحه ! 
بعض الناس عندهم التزام من أنفسهم، ما يحتاجون يخططون، كل واحد أدرى بمصلحته 
.
 .
d61c7-9
.
طريقتي ممتعه كثير، بالنسبه لي فضلت أخليها ممتعه علشان ألتزم وأكمل انضباط..
.
تحتاج Plannerأو مفكرة تخطيط.
موجوده ومعروفه، لكن المفكره الي راح أعطيكم مميزه وتفرق 180 درجة عن باقي المفكرات الي ممكن تحصلها.
جد، عجيبه 
اسم المفكره:
Law of Attraction planner 
“مفكرة قانون الجذب”
.
.
0f275-00
.
مب مجرد مفكره وخلاص، فيها أمور كثيره كل ما أتعمق كل ما أتفاجأ من الحاجات الي فيها.
فيها أمور تحفيزيه، حتى مراقبه عاداتك اليومية، تنفع مع التطبيق الي كتبت عنه في تدوينتي السابقة.
 .
 هذا موقع المفكره للشراء + فيه فيديو يشرح مميزاتها (هنا
ممكن تحصلونها في أمازون برضو بس تأكدوا من المقاسات المطلوبة..
الموقع الرسمي فيه توضيح لصفحات المفكره وإضافاتها وأمور أخرى، لكن فيه صفحات في المفكره
غير مذكوره يعني راح تتفاجأ بكمية الحاجات المفيده بهالمفكره..
. 
هنا مثال لتزيين المفكره من جوجل..  ابحثوا في جوجل : Planner decoration 
تطلع لكم صور ملهمه لأشخاص يستمتعون بتزيين مفكراتهم، وهو جزء من التحفيز
.
week-16-limelife
 Photo taken from (emilee speaks) by emilee ^
.
المفكره لها ألوان وأشكال مختلفه حسب ذوقك، ولها أحجام..
أفضل حجم بالنسبة لي هو A5 
.
9a6dd-897iu
.
136133 حتى أنا عندي أغراض حلوه للتزيين <– أحاول أحتك مع أصحاب الصور الي بجوجل
كل الناس يقدرون يوفرون هالأغراض بأسعار رخييييييصه
وكل واحد عنده قدره يتفنن ويبدع
.
27310-090909
9f483-0909090
.
لاحد يسأل وش هالتصوير البيض..
d61c7-9
.
blog-planner-decoration-by-may-park_6 حقوق الصوره لصاحبة المدونه الموجوده في الرابط  / photo taken from: May Sukyong Park (source link) visit her blog for more
.
 طيب نجي للمفكرة وطريقة استخدامها 
اكتب في ورقه خارجيه الأمور الي تحب تسويها بس مو محصل لها وقت أو تنشغل عنها دايما ً..
black_heart_divider_by_xiahism-d4utxy8
.
مثلا ً كتبت لنفسك الأمور التالية في ورقه خارجيه (كلها أمثله)
 رسم ( كل يوم رسمه،لمدة ساعة، مثلا ً حددت لها فترة المغرب من كل يوم ).
 دراسة يومية ( مثلا ً حددت محاضرتين لكل يوم وحابه أتدلع أدرسها في 4 ساعات من 9 الليل لحد 1 الليل قبل النوم )
 وقت لمتابعة فيلم أو حلقات أنمي أو مسلسلات غربيه ( مثلا ً ساعتين باليوم )..
 ساعتين ألعب أون لاين أو أي جيمز عندي
.
.
black_heart_divider_by_xiahism-d4utxy8
.
الحين أروح أرتبها واكتبها في المفكره في صفحات الأسبوع الحالي
أعبي الفراغات وأزين المفكره لأن مزاجي راح يتغير لو كانت مزينه وأكيد راح تفتح نفسي.
لازال فيه أمور إضافيه تحطها في يومك لكن مبدئيا ً ترتيب هالشغلات الرئيسيه في جدولك بيعطيك دافع تضيف شغلات أخرى
بعد ما تمشي كم يوم حسب تنظيم الخطه الحالية..
كل ما أضفت شيء جديد انتظر أيام لحد ما تتعود على الي قبلها قبل ما تضيف حاجات أخرى
لأن البدايات لو كانت صعبه ماراح تلتزم فيها..
المفكره أصلا ً مرتبه بشكل حلو وواضحه.. في كل صفحه حاطين لك الحاجات الي تعبيها وهي بحد ذاتها تلهمك
.
.
d61c7-9
.
Write a Comment
apps and offline apps - تطبيقات الجوال Planning - تخطيط وتنظيم الوقت

تنظيم نشاطاتنا بطريقة ممتعه / الجزء الأول

ec551-00

.
ياحليلكم <– كف
لا تخافون، استهبلت كثير في التدوينات الي راحت.. حان الوقت لكتابة شيء مفيد
وهالمره أضمن لكم أنه شيء مفيد وسعيد وممتع وسهل، وجديد 👌 مب تقرون البدايه تقولون كلام مكرر.
 
 
تنظيم جدول يومي لنشاطاتنا والتزاماتنا أكيد أنه شيء ممل وماينفع وماحد يلتزم فيه..
غالبا ً لأن الصوره الشامله مب واضحه قدامنا.. مو عارفين حدود ولا معالم لهالخطط الي ماشين عليها..
لو عرفنا الصورة الكبيره وشفنا لأي حد هي مرتبه راح ننبسط لأن بيكون عندنا أوقات فراغ أكبر من الي كانت 
عندنا واحنا غير منظمين !!
 
(نفس فكرة إلغاء التجزئه الي بأجهزة الكومبيوتر)
 
 
 
أول شيء ايش الي يفسد محاولات تنظيمنا للوقت؟ 
> العادات السيئة <
( نوم مشقلب – نظام غذائي مزفت – اهمال – كسل وخمول … وغيرها كثير)
! بعض المشاكل تكون نقص فيتامينات.. روحوا شوفوا حل لفيتاميناتكم المخربطه..
ماتتصورون لأي حد نقص الفيتامينات يلعب في مصيركم وقراراتكم..
 
 
كلامي بينقسم لمرحلتين، أقسمها في تدوينتين .. 
المرحلة الأولى: التخلص من عادات سيئة بطريقة سهله، واكتساب عادات جيده جديده تفيدك (تفتح مخنا المصدي)
المرحلة الثانية: تخطيط بطريقه ممتعه –> تطبيق وانبساط من النتايج 68279
 
 
 
ممكن أحد يقول مستحيل ماراح تنفع طريقتك معي
بيفيدك تعرف أني انسانه همجيه بكل ما تعنيه الكلمه في هالأمور، أنام في أي وقت ويمتد نومي لأي وقت 
آكل في أي وقت أو ممكن ما آكل أبدا ً لما أنشغل، تنظيم الوقت كان أمر مستحيل بالنسبة لي
عندي هوايات كثيرة وميول متعدد وكنت أشوف أن 24 ساعه في اليوم ما تكفيني..
 
 

53245-unnamed

The Fabulous 
الميزة مب في كونه تطبيق على الجوال، إنما في الطريقه الي يستخدمها هذا التطبيق..
يتعامل مع الناس الميؤوس منها، وهو مبني على دراسات وشغل مرتب..
أنا حملته قبل فتره وأنا محتقره السالفه وأقول يلا نشوف وش عندهم بس 😏
تفاجأت والله أنه غير حياتي في وقت قصير! وصار عندي إدمان تنظيم للوقت مع أني حذفت التطبيق من فتره.
حذفته لأسباب تكتيكيه ، باقي برجعه بكل تأكيد وماعمري بستغني عنه.
 
 
ما تحتاج إلا رغبة، يعني لا تتوقع من التطبيق هذا أنه يقوم يشد شعرك ويسحبك علشان تعدل وضعك..
باختصار لا تصير اتكالي، شد على نفسك في أنك تسمع الكلام وبس !! هو يذكرك ويرتب أمورك، أنت بس اسمع الكلام.
 
 
فكرة البرنامج كأنه مدرب أو مرشد لك.. يبدأ بخطوات بسيطه.
 
أول خطوة راح يقول لك أهمية الماء في حياتنا، راح يخيرك لو تبغى أول ما تصحى يذكرك عن طريق
المنبه أنك تشرب، أو أنت تحط علبه مويه في غرفتك علشان ما تنسى..
 
طبعا ً بيحط لك أقوال تحفيزيه ومعلومات مهمة، كل يوم تشرب مويه بالصبح تحط علامة عند اليوم..
ولمدة 3 أيام تستمر..
يبدأ بعدها يضيف مهمة أخرى، الفطور وجبة مهمة وبدونها ما تقدر تنجز، يعطيك وصفات سهله وسريعه للفطور
والأهم أنها مفيده وحلوه..
 
تستمر لثلاث أيام، تشرب مويه أول ما تصحى الصبح وبعدها تفطر فطور مضبوط، وتحط علامة عندهم..
بعد أيام بيضيف لك عادة جديدة، مع استمرار القديمه ..
 
بعض العادات تحتاج اسبوع، البرنامج يراقب آداءك ويتأكد أنك تثبت عليها قبل لا يضيف عادة جديدة..
 
ممكن تضيف أمور أخرى مثلا ً عادات النوم، يرشدك لأفضل الطرق تعدل نومك وتنام نومه هانئة..
يذكرك في الساعه الفلانيه أنك تقفل كل الأجهزة وتستعد للنوم..
 
فيه منبه للشغلات الي تحتاجها، وممكن تستغني عن التنبيهات في بعض الأمور..
يعطيك بعض المكافآت والمعلومات.. ما يعطيك أوامر ويتركك، يعطيك حلول..
الي يبون ينقصون وزنهم يصلح لهم البرنامج لأنه يهتم بهالأمر أكثر من زيادة الوزن :/ .. 
لو كان عندك أوقات فراغ وطفشان، فيه إضافه في التطبيق تمارين سريعه، مدتها 5 دقائق..
فيه إضافه للي حاب يضيف عاده (الكتابه/ الرسم/ تعلم لغات) لحياته، يصير يخصص
 ساعه من اليوم للكتابه. والبرنامج بيذكرك، وممكن حتى يعطيك نصائح ، بس ما جربت الميزه..
لا تحاولون تضيفون مهمات بشكل سريع، البرنامج يحسب الأيام المطلوبه قبل إضافة عادة
جديدة، والي يجي بسرعه يروح بسرعه، علشان كذا لا تستعجلون..
 
رابط البرنامج لأجهزة أندرويد ( هنا )
نظام ios لسى غير متوفر بس بيتوفر قريبا ً 
 
وكذا نبدأ إعادة تأهيل أنفسنا، ما نقدر نبدأ نخطط وننظم وقتنا قبل ما نصلح المشاكل والعادات السيئة
 
 
 
أختم بحكمه لشيخ حكيم:

494a5-iu

Write a Comment