Art - رسم Bullet Journal Planning - تخطيط وتنظيم الوقت printables Yoga - Mindfulness

مطبوعات – Printables

مطبوعات - Printables Moon calendar 2019 تقويم 2019 للطباعة
.
بعد ما انتهيت من الخطوات الأخيره في إعداد متجر على موقع اتسي، أقدر الحين أتكلم عنه.
المتجر في بداياته والمنتجات الي فيه “مطبوعات – Printables” يعني جاهزه للطباعه، تحملونها وتطبعونها
هذا أسهل على المشتري ومناسبه حتى لنوع الحاجات المعروضه في الوقت الحالي.
محتويات المتجر المتوفره الآن هي طوابع لتزيين المفكره أو المنظم أو الدفاتر أو أي شيء، وموجوده حاجات ثانيه
مثلا ً بوستر عن التواصل مع الذات، وتقويم قمري لشهر يناير عام 2019 . وطبعا ً تقويم 2019 لكامل السنه في صفحه وحده.
.
.
فيه حاجات كثير راح أضيفها مع الوقت باذن الله. من ضمنها بوستر بالعربي عن التأمل
لسى ما قررت تكون المنتجات بالعربي أو الانجليزي بس مع الوقت حسب الاهتمام الي أشوفه أقرر وش تكون أغلب المنتجات 
.
تحديث* الي ما عندهم حساب اتسي أو ما يعرفون يشترون منه يقدرون يشترون بدون عضويه من مدونتي نفسها
تحصلون الرابط في القائمه فوق أو اضغطوا هنا.
.
إذا تعرفون أحد مهتم بالمنظمات/البلانرز والمفكره النقطيه وهالشغلات الي أعرضها شاركوا الرابط معاه وراح أكون ممتنه
.
هذي بعض الصور من المنتجات المعروضه
Write a Comment
anxiety - القلق Yoga - Mindfulness

يوغا في 30 يوم

قبل فتره لما قررت أترك السهر وأعدل نومي كنت ناويه أبدأ يوغا
وحابه أقول أن اليوغا مب بالضروره ممارسات لها علاقه بعقائد أو مذاهب
يقدر الواحد يمارس يوغا يحرك فيها جسمه أو يصفي ذهنه وانتهينا، اليوغا رياضه بريئه
مالي دخل في الي يجلسون وياخذون نفس عميق ويرددون حاجات غريبه “اوووومممم” ومدري وش
أتكلم عن اليوغا كرياضه تعطي مرونه للجسم لأن هذا الي أبحث عنه 
.
كنت أبغى أوصل لمستوى معين من المرونه واللياقه
فقررت أبدأ بشكل خفيف وحصلت قناه عاليوتيوب لوحده رايقه مسويه من ضمن المقاطع كورس لمدة 30 يوم
يقدر أي أحد يشغل المقطع ويتابع معها
.
قناتها بشكل عام حلوه وفيها قوائم مختلفه، مثلا ً لخسارة الوزن، للتوتر للنوم ومن هالكلام
أنا ما تابعت لها إلا مقاطعها التابعه للـ30 يوم لأني بس كنت أبي البدايه وبعدها أدبر نفسي بمقاطع عندي من أول 
.
..
.
بقول -عن تجربه- أن الوقت المناسب هو الصباح بدري 
لأني جربتها في أوقات ثانيه من اليوم وكانت شيء ممل ويجيب نوم
5647
طيب ليش أشوف أن هالقائمه مناسبه كبدايه للكل؟
لأني جربت أبدأ رياضه عاديه على طول وتعبت وما تأقلمت بسهوله، بينما رياضه زي اليوغا 
تتعود عليها وتصير جزء من يومك وبعدها تقدر تزيد مستوى الجهد أو تحوّل عالرياضه المناسبه لك.
.
بس أنا اؤمن بالبدايات الخفيفه
أول ما بدأت كنت مجربه تطبيق رياضي، وكان فيه من الخيارات مستوى مبتدئ جدا ً جدا
دخلت هالمستوى وتفاجأت أنه بقي شوي وأشيل أثقال، سلمات؟ لو أبدأ بهالمستوى بيصير لي تمزق عضلات
 .
هذا كلام أخوي الي يستخدم هو بعد نفس التطبيق ^ ( الرياضه تسبب إصابات خطيره بمجرد
أنك تنفذ حركه بشكل خاطئ حتى لو ما كانت تعور بس مع التكرار الخاطئ تسبب إصابات )
.
Write a Comment