anxiety - القلق Nature

الأصوات المحيطية – Ambience Sounds

ثاني مره أكتب عن الأصوات المحيطية. المعلومات عنها موجوده في الجزء الأول (هنا
.
وياليت تقرأوون في المدونه نفسها لأن قارئ ووردبرس يحوس التنسيق دائما ً.
.
هذي المره بس بأعرض 3 مقاطع جديده أعجبتني، وكلها من سلسلة LOTR وHobbit 
معروفه هالسلسلتين كيف عوالمهم خياليه وتخلي الواحد غصبا ً عنه يسترخي
.
المقطع الأول يكفي انه في “ريفندل” مع أنه مب نهار ومب باينه عظمتها بس حتى منظرها في الليل ساحر
.
.
المقطع الثاني في المقاطعه الي يسكنونها الهوبيت، الي تابعوا الفيلم أو قرأوا الروايه أكيد بيبلطون عنده فتره 
.
.
الثالث فكرته غريبه وما أشوفه ينفع للقلق أو الاسترخاء بس
أحسه حق حالات هلع أو واحد يبغى يشغل تفكيره بسرعه زي حالات Panic attack
.
.
عموما ً كثير ناس كانوا يعانون من مشاكل قلق أو توتر أو هلع متكرر وكانوا يستفيدون من هالمقاطع
 الأصوات المحيطية مفيده صدق في هالحالات، لا تستهينون فيها
.
الأصوات المحيطية Ambience sounds
.
المره الي راحت حطيت رابط قناة شغلها مزبوط في الأصوات المحيطيه
لازلت أشوف شغلهم خرافي لأنهم حتى يغيرون التوقيت في المقطع
مثلا ً يبدأ المقطع في الفجر ويستمر معك اليوم وتشوف الشمس تشرق وتغرب ويكملون لك لحد الليل
.
هذي المره القناه الي نزلت منها أول مقطعين
شغلهم برضو حلو والأصوات واضحه
 صح أنهم ما يغيرون المنظر بس يبقى شغلهم حلو لأن الواحد غالبا ً بيشغل شيء ومو بالضروره يركز فيه.
.
رابط القناه: (هنا
اليوتيوب مليان أصوات محيطية وفيه أنواع مختلفه لكل المزاجات
يعني لا تحكمون من الي حطيته. فيه أنواع كثير وأفكار مختلفه

Write a Comment
صناديق الاشتراك - subscription boxes
Books - كتب DIY

صناديق الاشتراك – subscription boxes

 
.
صناديق الاشتراك ظهرت عام 2004 تقريبا ً كـ”هبّه” تجاريه 
فكرتها عباره عن اشتراك مثل اشتراك المجلات والجرايد
بس يكون شهري وعباره عن صندوق بداخله بضائع تكون لها نمط “ثيم” معين 
المشترك ما يعرف محتويات الصندوق بالتحديد، تكون مفاجأه يعني.
لكن يعرف عدد القطع أو الأغراض، يعرف عن ايش تتمحور لأنه يختار الاشتراك حسب الثيم الي يبغاه
مثلا ً بضائع تجميليهبضائع أنيميشنبضائع لمحبي الكتبمحبين الزراعه إلخ. 
.
الصناديق الحين أصبحت متنوعه بشكل كبير، أمثله على أفكار المواقع الي ممكن تشترك فيها :
أنواع صابون – عينات شاي فخمه – أنواع فريده وفخمه من القهوه – أدوات تفيد الكتّاب/المؤلفين
منظمات الوقت – أعمال يدويه – فيري جاردن.
.
صناديق الاشتراك - subscription boxes
.
أفضل مواقع صناديق الاشتراك بالنسبه لي هو موقع اشتريت منه صندوق واحد، بدون اشتراك يعني
بعض المواقع تسمح انك تشتري صندوق الشهر هذا وخلاص، بدون اشتراك وتجديد.
الموقع ماخذ نمط الكتب، خاصة الخيالية وتصنيف الـYoung Adult.
.
.
يرتبون الأغراض بطريقه حلوه، كل صندوق يحتوي من بين الأغراض على كتاب أو روايه غالبا ً تكون توها نازله
وبعض المرات يكون كتاب بإصدار حصري. والأهم بالنسبه لي انه Hardcover
أحب الغلاف يكون صلب، شكله يكون أكشخ.
.
صناديق الاشتراك - subscription boxes
.
هذي محتويات الصندوق
.
صناديق الاشتراك - subscription boxes
.
.
الكتاب يكون آخر شيء في الصندوق، ويكون داخل كيس قماش أسود فيه شعار الموقع
يحطون معه بوستر وفاصل كتب ثاني
وبطاقه ( السوداء الي في الصوره الي تحت ) فيها رمز، تقدر تدخله وتحصل رفيق القراءة الخاصه بك
حلوه الحركه.
.
.
صناديق الاشتراك - subscription boxes
.
هنا (في الصوره الي تحت) الأغراض بشكل أوضح.
الشيء الي عاليمين أعلى الصوره قاعدة كوب فيها اقتباس من كتاب. العلبه الي عليها قلعه من برا هذي باث بومب.
العلبه السوداء الدائريه فيها مقشر شفايف ريحته حلوه.
البوستر أو اللوحه الي فيها بنت هي ثيم الشهر، ومن ورا مكتوب محتويات الصندوق بالتفصيل.
المغلف الأسود الي مكتوب عليه wake up شاهي  
.
 صناديق الاشتراك - subscription boxes
.
.
..

قائمة ببعض صناديق الاشتراكات

اضغط الصوره الخاصه بكل اشتراك علشان يفتح الموقع الخاص فيه، وترى فيه مئات الاشتراكات غيرها
.
.

loot crate 

صناديق الاشتراك - subscription boxes
لوت كريت موقع كبير فيه أنواع متعدده من الصناديق، فيه اشتراك خاص لمسلسلات أو أفلام معروفه
مثل Marvel أو اشتراك خاص بـ Harry potter
ممكن للألعاب، Fallout والنكد حق نهاية العالم.
ممكن بشكل عام تختار اشتراك ألعاب أو أنمي أو تخليه عام هم يجمعون كل شيء على بعضه.
.
هذي قائمة الخيارات في موقع Lootcrate 
.
 صناديق الاشتراك - subscription boxes
.
مب كل مواقع الاشتراكات تكون فيها خيارات. بعض المواقع توفر ثيم واحد وخلاص.
مثل موقع Fairyloot الي اشتركت فيه وشفتوا الصور في أول التدوينه.
.
.
.

Fairyloot

كل شهر ثيم، مثلا ً الشهر الي اشتركت فيه كان اسمه Save the kingdom . 
صناديق الاشتراك - subscription boxes
.
.
.

Japan Crate

 ( صندوق حلويات يابانيه ) 
صناديق الاشتراك - subscription boxes
.
.
.

Birchbox

اشتراك لمحبين الأدوات التجميلية
صناديق الاشتراك - subscription boxes
.
.
.

Bomibox

اشتراك أدوات تجميلية وعناية بالبشرة من كوريا 
صناديق الاشتراك - subscription boxes
.
.
.

Noobie box

اشتراك للحوامل والأمهات الجدد
صناديق الاشتراك - subscription boxes
.
.
.
هذا الأخير v اشتراك غريب وأحسه حلو. اشتراك لجرائم.
يوصلك صندوق كأنه أغراض المجرم وأدله ضده، وانت تحاول تحل الغموض، فيه مجتمع كامل لهالاشتراك
تتواصل معهم
صناديق الاشتراك - subscription boxes
.
بس مب أي أحد يقبلونه، وما يصلح للخوافين. 
.
.
.
.

وأخيرا ً هذي 3 مواقع برضو لـ”صناديق الاشتراك” الخاصه بالكتب، بعضها فانتزي وبعضها لا 

.
Write a Comment
anxiety - القلق Books - كتب DIY Nature

الأصوات المحيطية كبيئة مناسبة للقراءة والاسترخاء

.
 الحاجات الي أبغى أكتب عنها ومقاطع الفيديو الي راح أعرضها ممكن تشوفون في عناوينها يكتبون كلمة ASMR
بس مو هذا الشيء الي أبغى أوصله من تدوينتي أبدا ً!
أنا أتكلم عن نوع آخر من المقاطع لكن بالفتره الأخيره صار هالمصطلح يرتز في أي شيء يكون الغرض منه الاسترخاء، مع العلم أنه غلط وماله علاقه. بكتب السبب باختصار
.
ASMR تطلق على المقاطع الي تعطي المشاهد نوع من الارتياح أو الرضى، مثلا ً بنت تمشط شعر بنت ثانيه، يحطون الأصوات بحيث يسمعها المشاهد كأن الفرشاه تمشط شعره هو.. مثلا ً واحد يعمل مساج لفروة رأس شخص آخر، أو مساج للجسم ومن هالكلام ..
وفيه ناس مدري وش جوهم يحسون بالراحه على مقاطع فيها أصوات أحد يمضغ أكل !! أو يحرك شفايفه ويطلع أصوات ببراطمه
.
بس إجمالا ً فيه انحرافات في هالمصطلح لأنه يرمز أصلا ً لحاجات ممكن تندرج تحت تصنيفات سيئه.
تقدرون تطلعون على معاني وشرح المصطلح بأنفسكم في الانترنت. ما بجيب هالخياس لمدونتي احتراما ً للقراء.
الأصوات المحيطية مو بالضروره تندرج تحت هالمصطلح بس فيه ناس يدمجونها سوا.
.
الأصوات المحيطية Ambience
 
.

أرجع لسالفتي الأساسية الآن بعد ما أبريت ذمتي 😗 

.
وقت القراءة أو الانشغال بشيء في مكان واحد تحتاج تشغل لك شيء تسمعه. بس أحيانا ً تكون محتاج تركيز فما تبغى تسمع شيء فيه كلام أو زحمه.
فيه مصطلح اسمه ( الأصوات المحيطية ) طالعين فيه ناس كثير في قنوات اليوتيوب 😍
يحطون لك فكره معينه يدخلونك جوّها.
.
مثلا ً يحطون لك زاوية تصوير من مقهى ، تشوف الناس ماشيه وتسمع صوت ناس تتكلم بهدوء على شوية أصوات أواني، وأصوات أقدام الناس الرايحه والجايه بعض الأحيان يدخلون موسيقى جاز على خفيف أو بيانو.
بشكل يخليك تحس انك موجود هناك. وما تكون صاخبه ومزعجه.
فيه أفكار وأماكن كثير مصورينها ومسجلينها
.
مره من المرات كنت أبحث وطلعت لي قناه يوتيوب مسوين مقاطع الأصوات المحيطية بثيمات تشبه ألعاب الفيديو والأفلام، مثلا ً هاري بوتر وهوبيت وملك الخواتم وغيرها. يجيب لك صوره مكان من أماكن هالأفلام وأصوات، تدخل جو وتسترخي وانت تشوف البيئه تتغير، مرات يكون فيه مطر وبعد شوي الشمس تشرق. مقاطعهم تكون طويله مثلا ً 3 ساعات، بس الغرض منها مو انك تتابعها طول هالوقت!
بس شغلها واسترخي أو اشتغل أو اقرأ. فيه ناس يستخدمونها يتخلصون من الأرق والقلق والاكتئاب.
.
بحط رابط قناة أعجبتني وصرت أعتمد مقاطعها كثير إذا كنت أبغى أقرأ في جو هادي بدون ما أحس بالنعاس. 
بس قبلها بحط مقطعين أعجبتني من قنوات أخرى 
.
هنا حاطين كوخ من فيلم هاري بوتر. يبدأ المقطع من الفجر بدري على نفس الزاويه في المطبخ.
والشمس تشرق ولو واصلت لآخر المقطع بتلاقي ان الشمس طلعت وصار قبل الظهر تقريبا ً. منظر حلو ومريح 😭❤
.
.
.
المقطع الي بعده من فيلم هاري بوتر برضو <– big fan 😬
لغرفة غريفندور، قدام المدفئة والجو برا ممطر وفترة مساء. صوت المطر معروف انه يهدئ ويساعد الي عندهم أرق بعد.
.
.

الحين جاء وقت القناه العظيمه الي سحرتني بمجال الأصوات المحيطية !

يحطون ثيمات وأجواء غريبه ومميزه، مثلا ً متجر جرعات (potion) زي الي في العصور القديمه.
أو سفينة قراصنه وقت عاصفه ، أو نزل قديم أو مكتبه بطراز قديم وفخم.
.
اسم القناه The Guild of Ambience – ( رابط القناة )
.
.
أقدّر جهودهم كثير، عمل راقي وفكره عبقريه وشغلهم متقن 
شفت قنوات كثير تسوي هالشيء بس هالقناه شغلهم متقن ومزبوط 
جربوا المره الجايه تشغلونها وقت الرسم أو الكتابه أو القراءة أو الأعمال اليدويه
أو حتى لو متبطحين تتفرجون عالسقف وتفكرون في شيء تسوونه.
فيه جزء ثاني لهذا الموضوع من (هنا).
.
.

Write a Comment
Books - كتب

رواية Miss Peregrine’s home for peculiar children

الفتره الماضيه قضيتها بعيد عن النت وقللت التواصل مع الناس. بس كنت اقرأ روايه وهالشيء ما خلاني أحس بالملل تماما ً.
لازلت أحتاج فتره أكون لحالي بدون سوالف ومجاملات.
 .
 .
هذي الروايه (المكونه من 3 كتب) كانت اقتراح من صديقتي يونا الي ما عندها مشكله تقرأ روايات طويله جدا ً جدا ً
**يونا هي رسميا ً المرشد لي في الكتب وألعاب الفيديو لأن ذوقها رهيب وأنا ماعندي سالفه بهالمجالين**
مره اقترحت عليّ أقرأ سلسله من 7 كتب !! 
وكل كتاب أكبر من الثاني، ولازلت أقلب الفكره في راسي لأن هالمجموعه تشهي وأتمنى أقرأها. بس يبقى مشروع مؤجل.
 .
رواية Miss Peregrine's home for peculiar children
الروايه الي قرأتها طوال الفتره الماضيه (Miss Peregrine’s home for peculiar children) للكاتب (Ransom Riggs)
تنتهي في 3 كتب .
بس الكاتب أضاف كتاب آخر فيه قصص خرافيه كانوا أبطال القصه يحبون يقرأونها.
برضو طلعت اصدارات اخرى لكن مب تكمله.. يعني مثلا ً واحد منها كان القصه المصوره.. نفس الأحداث بس كوميكس.
 .
قبل فتره صرّح الكاتب -الي امتلأ جيبه بالفلوس بعد هالسلسله على ما يبدو- أن فيه كتاب رابع تكمله وفيه أسرار وحاجات فخمه.
لسى ما نزل بس راح أشتريه بدون تفكير أول ما ينزل عندنا بإذن الله.. مع العلم أن القصه تعتبر منتهيه لو أحد يبغى يعتبر الثالث هو الأخير.
 .
 .

أجزاء السلسله المتوفره الآن (متوفره في مكتباتنا برضو)

رواية Miss Peregrine's home for peculiar children
Miss Peregrine’s Home for Peculiar Children-
Hollow City-
Library of Souls-
 
والكتاب الاضافي : Tales of the Peculiar
الي شجعني أقرأ الروايه ( بعد توصية يونا طبعا ً ) هو أنها تشبه عرض المسوخ، قصه قديمه وحقيقيه لو أحد سمع فيها من قبل.
عرض المسوخ ( Freak show ) هو سيرك كان فيه ناس “مختلفين” فقط. مثلا ً توأم سيامي، أشخاص ولدوا بعيوب خلقيه
والناس وقتها مو متعودين على هالشيء ويعتبرونه شؤم أو لعنه.
كانوا منبوذين وطريقتهم الوحيده للعيش انهم يشاركون بهالسيرك ويكونون فرجه للناس. ابحثوا في النت وراح تحصلون عنهم معلومات كثير.
عرض المسوخ أصبح قاعده لأفلام ومسلسلات وقصص كثيره.
كتاب Miss Peregrine’s home for peculiar children فيه شخصيات غريبه
سواء في المظهر (زي عرض المسوخ) أو بقدرات غير ظاهره. وكلهم سماهم الكاتب Peculiars ( الكلمه معناها الحرفي غريب أو غير طبيعي ).
 
-في الصوره كتاب ناقص، وحده استعارته مني ولسى ما رجعته-

نبذه للقصه ( ما أنصح بقراءة النبذه للي ما يحب يعرف حاجات عن القصه قبل لا يقرأها )

بداية القصه من يوم كان البطل ( جيكوب ) طفل عادي مثلنا وفي عالمنا ووقتنا هذا
كان متعلق كثير بجدّه، الي يحكي له قصص عن أصدقاء طفولته، وكانت قصصه غريبه
بنت تطير وبنت تطلع من يدها نار ووحده تتحول لطائر وواحد مختفي ما ينشاف منه إلا ملابسه وقبعته.
الغريب أن الجد كان يعرض على جيكوب صور لهالأطفال الي يتكلم عنهم
كان يصدقها لحد ما كبر صار عمره 16 وبدأ يحس أن الجد كان يلعب عليه.
لكن الجد (الي بدأ يكبر في السن كثير وأولاده يعتبرونه مخرف) صار يتكلم عن هالأمور بشكل جاد ويقول لجيكوب حاجات غريبه وأنه في خطر.
جيكوب كان يحس أن جده مخرف فعلا ً، لحد ما حصله يوم من الأيام في الغابات الي ورا بيته 
وهو مصاب ويهمس له انه لازم يرجع للمكان الفلاني والتاريخ الفلاني،
وفي وسط الظلام كان جيكوب يشوف مخلوق مرعب له ألسنه أو مجسات كبيره من فمه، هو الي هاجم الجد، واختفى بعد دقايق.
من بعدها صار جيكوب يعاني من كوابيس عن هالمخلوق ويتذكر كلام الجد، ام وأب جيكوب قرروا يرسلونه لطبيب نفسي.
قرر جيكوب أنه يبحث عن المكان والتاريخ الي قاله الجد.
بعد عناء توصل الى أن مكان هالأطفال في جزيره معينه وقرر يطلب أبوه انهم يسافرون هناك كنوع من الاستجمام
الأب تحمس وفكر فيها كفرصه ان جيكوب يغير جو.
ومن هناك بدأ جيكوب ينبش ويحاول يحصل مكان أصدقاء جده، كيف يكونون موجودين لحد الآن؟ مفروض انهم عجزوا وماتوا بس الرسائل تثبت أنهم موجودين.
d61c7-9

رأيي وتقييمي للكتب الثلاثه

الأول شيق ولطيف جدا ً..
الثاني فيه ثيم خاص وفيه مشاعر قويه تخليك تتعلق بالشخصيات.
الثالث أكشن وأحداث سريعه وتقلبات كثير.
 
الشيء الوحيد الي كان يخليني ما أمسك الكتاب من الصبح إلى الليل هو أن فيه وصف دقيق بزيادة في بعض الأحيان.
بالذات الكتاب الثالث حسيته يحاول يزيد عدد الصفحات وكان فيه وصف دقييييق للأماكن حتى لو ما كانت مهمه.
صح ان الكتاب الأول فيه وصف لكن يحمسك ويهمك لأنك تحتاج تتخيل هالأمور بالتفصيل بما أنها شغلات خياليه جديده علينا.
الكاتب شكله يحب النهايات السعيده وما يحب أنه يموت شخصيات كثير أو يسوي نكد غير ضروري.. يحب يسوي لقطات سعيده كثير.
بس مو معناها مافيه واقعيه أو مافيه نكد. فيه مواقف كانت مؤثره وفيه شخصيات تموت.
بس شخصيا ً تنرفزت من الـ Ymbrynes. معطينهم أكبر من حجمهم وما عندهم سالفه في نظري.
القصه الأصليه للـYmbrynes الي في كتاب Tales of the peculiar حلوه وحسيت دورهم عظيم.. بس في الروايه نفسها ودي أصفقهم، زلايب.
.
فيه برضو شيء لاحظته، الكاتب يعرف يطلع لنفسه مخرج
مرات أحس السالفه تعقدت ومافي أمل يطلعون من المأزق، أتفاجأ أنه يخرجهم من الموقف بطريقه ما تخطر عالبال، تفاجئ وتفرح بنفس الوقت.
** الفيلم المقتبس من الروايه مب مره فخم. مغيرين شوي في الشخصيات، ومختصرينه وطبعا ً النهايه مختلفه.
بس يبقى ممتع.
 
 
الكتاب الجاي الي أنوي أقرأه قصير لأن آخر روايتين قرأتها كانت كلها مكونه من 3 كتب .

Write a Comment
General

كتاب “28 حرف” – أحمد حلمي

c58ef-giphy2b252812529
.
قبل فترة كنت أقرأ كتاب وكان فيه جزء منه فطسني ضحك
علشان كذا رفعت لكم الكتاب نسخه pdf للي حابين يحملونه ويقرأونه
الكتاب مب كوميدي كأساس, لكن يوصل أفكاره بطريقة كوميدية..
.
اخترت لكم هذا الجزء الصغير كإعلان للكتاب 😂
.
e5f66
.
هههههههههههههههههههههههه يراعي مشاعر البوليس، لكن صاحبه لا
.
.
لتحميل الكتاب
Mega
Write a Comment